“အိုင်ဗရီကို့စ်” နိုင်ငံတွင် “ဂါနာ” မှပယ်ချခဲ့သည့် မြန်မာနိင်ငံမှ အန္တရာယ် ရှိသောဆန်စပါးများကို ဖျက်ဆီး

‘အနောက်အာဖရိကနိုင်ငံ ဖြစ်တဲ့ အိုင်ဗရီကို့စ်နိုင်ငံမှာ ဆန်ချိန်တန်ပေါင်း ၁၈,၀၀၀ တန်ဟာ စားသုံးဖို့အတွက် မသင့်လျော်ကြောင်း ကြော်ငြာချက်ထုတ်ပြန်ခဲ့ပါတယ်။ မြန်မာနိုင်ငံမှ ဆန်  စပါးများဟာ ဂါနာအပါအဝင် နိုင်ငံအများစုက ပယ်ချခံခဲ့ရတယ်’ လို့ BBC မှ သတင်းပို့ခဲ့ပါတယ်။ ‘မြန်မာနိုင်ငံမှ ဆန်စပါးများဟာ အနောက်အာဖရိကနိုင်ငံအများစုမှာ လွန်ခဲ့တဲ့ရက်သတ္တပတ်များစွာ ထဲက ပြည်ဝင်ခွင့်နေရာမှာတင် ငြင်းပယ်ခြင်းခံခဲ့ရပါတယ်။ ထိုနိုင်ငံတွေထဲမှာ Lome, Conakry နဲ့ Accra တို့လဲအပါအဝင်ဖြစ်ပါတယ်။ ကုန်ပစ္စည်းတွေဟာ Abidjan မှာပဲ ဆန်စပါးမှာ ပြဿနာရှိ ကြောင်း စစ်ဆေးတွေ့ရှိတာနဲ့ လျှော့ချခဲ့ရတယ်’ လို့ BBC မှထပ်လောင်း ထုတ်ပြန်ခဲ့ပါတယ်။

‘ဂါနာမှပြည်တွင်းသို့ဆန်စပါးတင်သွင်းမှုကို ၂၀၁၉ အတွင်း ၅၀% လျှော့ချမည်- ဂါနာ စိုက်ပျိုးရေး ဝန်ကြီးဌာန’

ဂါနာစိုက်ပျိုးရေးဝန်ကြီးဌာနမှ ယခုနှစ်အတွင်း ဆန်စပါးတင်သွင်းခြင်းကို ၅၀% လျှော့ချ မယ်လို့ အစောပိုင်းကာလထဲက အခိုင်အမာထုတ်ပြန်ထားပါတယ်။ ဒါကတော့ ပြည်တွင်းမှာရှိတဲ့ ဆန်စပါး စိုက်ပျိုး၊စားသုံးမှုကို ပိုမိုတိုးမြှင့်ဖို့ပဲ ဖြစ်ပါတယ်။ ယခုအခြေအနေမှာတော့ ဂါနာက ဆန်စပါးကို ၃၃၁ မီလီယံဒေါ်လာအထိ တင်သွင်းထားပြီး စီးပွားရေးလုပ်ငန်းရှင် အများစုကတော့ စိုးရိမ်လျက် ရှိနေ ကြပါတယ်။ ‘စားစရာနဲ့ အလုပ်အကိုင်အခွင့်အလမ်းအတွက် စိုက်ပျိုးခြင်းမှာ တိုင်းတာမယ်ဆိုရင်လဲ အသစ်တည်ဆောက်ထားတဲ့ စိုက်ပျိုးမြေရေပေးဝေခြင်းစနစ်တွေဟာလဲ ဆန် စပါးတင်သွင်းမှု တစ်ဝက်အထိ လျှော့ချရာမှာ အထောက်အကူဖြစ်မယ်’ လို့ စိုက်ပျိုးရေးဝန်ကြီးဌာနရဲ့ ဒုဝန်ကြီးဖြစ်တဲ့ George Oduro က Citi Business News ကိုပြောကြားခဲ့ပါတယ်။ ‘ဒီတစ်နှစ်ထဲနဲ့တင် ဆန်စပါးတင်သွင်းမှုလျှော့ချခြင်းကို ၅၀% မှာရပ်တန့်ဖို့ ချိန်ရွယ်ခဲ့ပေမယ့် အဲ့ထပ်လဲ ပိုနိုင်ပါတယ်’ လို့ သူကထပ်လောင်း  ပြောကြားခဲ့ပါတယ်။

မြတ်နန္ဒာအောင်

Source - GhanaWeb မှ သတင်းကို ဘာသာပြန်ဆို ဖော်ပြထားပါသည်။