သတင်းနှင့်ဆောင်းပါးရေးနည်း အခမဲ့သင်တန်း ဖိတ်ခေါ်ခြင်း

(၁) Green Way အနေဖြင့် သတင်းကဏ္ဍအပါအဝင် လက်တွေ့နှင့်ပိုမိုသက်ဆိုင်သည့်သတင်းဆောင်းပါးများ ပိုမိုတင်ဆက်လိုသည့်အတွက် ပြင်ပသတင်းနှင့်ဆောင်းပါးများ ဖိတ်ခေါ်ခဲ့ရာ လူငယ်အချို့ထံမှ သတင်းနှင့်ဆောင်းပါးများ ရောက်ရှိလာပါသည်။

(၂) ပေးပို့လာသူများအနေဖြင့် သတင်းရေးသားမှုပိုင်း အတွေ့အကြုံအားနည်းမှုများကြောင့် အခက်အခဲများ ရှိနေသည်ကို တွေ့ရ၍ Green Way က သတင်းနှင့်ဆောင်းပါးများ ယူနည်း၊ ရေးနည်းများနှင့် သတင်းဓာတ်ပုံတွင် ပါသင့်သည့်အချက်များကို အခမဲ့ သင်ကြားပေးသွားပါမည်။

သင်တန်းတက်ရောက်လိုသူများအနေဖြင့် -

(၁) ဖြစ်နိုင်ပါက အကြောင်းအရာ တစ်ခုကို ရေးသားပြီး ပူးတွဲပေးပို့စေလိုပါသည်။ ယင်းကဲ့သို့ ရေးလာသည့်အကြောင်းအရာကို သင်တန်းတွင် တစ်ခါတည်း အားသာချက်၊ အားနည်းချက်များကို ဆွေးနွေးပြီး ပြည့်စုံသည့်သတင်းဆိုပါက Green Way App တွင် ဖော်ပြသွားပါမည်။ ( သတ်မှတ်စာမူခ ချီးမြှင့်သွားမည်ဖြစ်ပါသည်။)

(၂) သင်တန်းကို zoom app ဖြင့် သင်ကြားသွားမည်ဖြစ်ပြီး လျှောက်ထားသူများကို join ရမည့် link ကြိုတင်ပေးပို့ပေးသွားမည်ဖြစ်ပါသည်။

သင်တန်းရက် - ၇.၄.၂၀၂၂ (ကြာသပတေး) (မနက် ၁၀ - ၁၂ နာရီ)

၈.၄.၂၀၂၂ (သောကြာ) (မနက် ၁၀ - ၁၂ နာရီ)

သင်ကြားမည့်သူ - ကိုဇင်ဘိုလွင် (Content Manager, Greenovator Co.,Ltd.)

စိုက်ပျိုး/မွေးမြူရေးနယ်ပယ်မှ မည်သူမဆို သင်တန်းတက်ရောက်နိုင်ပြီး ကိုယ်ရေးအကျဉ်းနှင့်တကွ [email protected] သို့ e-mail ပို့ လျှောက်ထားနိုင်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...