ငါးခုံးမကြီး (သို့) ထိုင်းငါးခုံးမမွေးမြူနည်း

ငါးခုံးမကြီး (သို့မဟုတ်) ထိုင်းငါးခုံးမ(Barb)၏ သိပ္ပံအမည် Puntius gonionotus သည် အပူပိုင်းဒေသငါးမျိုးဖြစ်ပြီး အသီးအရွက်စားငါးအမျိုးအစား(Herbivores)ဖြစ်သည်။ ဖွဲနု၊ ပဲဖတ်နှင့် ကန်စွန်းရွက်တို့ကို နှစ်သက်စွာ စားသုံးသည့်အပြင် မြက်နုကလေးများကိုလည်း စားသောက်ပါသည်။ ၄င်းငါးသည် ကန်ရေ၏ ရေပေါ်နှင့် ရေလယ်ပိုင်းအလွှာများတွင် နေထိုင်လေ့ရှိသည်။ ၄င်းငါးသည် ကန်အတွင်း သဘာဝအတိုင်း ပြန်လည်ပေါက်ဖွားလေ့ မရှိပါ။ ၄င်းငါးအမျိုးအစားသည် တစ်နှစ်သားတွင် အရွယ်ရောက်ပြီး ဆေးထိုးသားဖောက်သည့်နည်းဖြင့် ဇန်နဝါရီလမှ ဇွန်လအတွင်း သားဖောက်နိုင်ပါသည်။

မွေးမြူသောကာလနှင့် ကြီးထွားနှုန်း

၄င်းငါးအမျိုးအစားသည် အစာအား တက်ကြွစွာ ရှာဖွေစားသောက်တတ်သော အလေ့အထရှိပြီး သားပေါက်များအား ပုံမှန်အတိုင်း မွေးမြူပါလျှင် အစာကျွေးမှု နိုင်နင်းပါက မွေးမြူကာလ ၆ လတွင် ၄၀ ကျပ်သားမှ ၅၀ ကျပ်သားအထိ ကြီးထွားလေ့ရှိပါသည်။

ငါးခုံးမသားပေါက်အရွယ် ၁လက်မအောက် သားပေါက်များဖြင့် မွေးမြူပါက ကြီးထွားနှုန်း နောက်ကျခြင်း၊ အသေအပျောက်များခြင်းများ ဖြစ်ပေါ် နိုင်ပါသည်။ ငါးသားပေါက်အရွယ် ၃ လက်မအထက် သားပေါက်များဖြင့် မွေးမြူပါက ကြီးထွားနှုန်းမြန်ပြီး အသေအပျောက် နည်းပါသည်။

၄င်းငါးမျိုးသည် ကန်အတွင်း သဘာဝအစာဖြစ်သော အပင်မျှောလှေးများ ပေါက်ရောက်နေပါက ကြီးထွားနှုန်း ပိုမိုကောင်းမွန်ကြောင်း တွေ့ရပြီး ဖြည့်စွက်စာအဖြစ် ကျွေးမွေးသော ဖွဲနုနှင့် ပဲဖတ် ပမာဏအား လျှော့၍ ကျွေးမွေးနိုင်ပါသည်။

ပုံမှန်အစာကျွေးနှုန်းအနေဖြင့် ငါးအရွယ်ငယ်ရွယ်စဥ်တွင် စုစုပေါင်းငါး အလေးချိန်၏ ၅ ရာခိုင်နှုန်း ကျွေးမွေးနိုင်ပြီး သက်ကြီးကောင်အဆင့်တွင် စုစုပေါင်းငါးအလေးချိန်၏ ၃ ရာခိုင်နှုန်းကို ကျွေးမွေးနိုင်ပါသည်။

အသေးစား တစ်နိုင်တစ်ပိုင် ငါးမွေးမြူရာတွင် ၄င်းငါးအမျိုးအစားအား တစ်ဧကလျှင် ၅,၀၀၀ မှ ၇,၀၀၀ အထိ ထည့်သွင်းမွေးမြူနိုင်ပါသည်။ အကယ်၍ မွေးကန်သည် ကျယ်ဝန်းပါက ၄င်းငါးများအား အခြားသော ရေအောက်အလွှာနေ ငါးများဖြင့် ရောနှောမွေးမြူလေ့ရှိပါသည်။ ထိုသို့ ရောနှောမွေးမြူပါက တစ်ဧကလျှင် သားပေါက်ကောင်ရေ ၂,၅၀၀ မှ ၃,၅၀၀ အထိ ထည့်သွင်းမွေးမြူနိုင်ပါသည်။၄င်းငါးခုံးမကြီး ငါးမျိုးတစ်မျိုးတည်း မွေးမြူခြင်းထက် အခြားငါးများ(ဥပမာ-ငါးတန်) နှင့် ရောနှောမွေးမြူခြင်းက ပိုမိုအကျိုးအမြတ်များ၍ သင့်လျော်ပါသည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်