အစိမ်းရောင်လမ်းပြီးခဲ့တဲ့မတ်လအတွင်း ပြည်ပသို့ ဆန်နဲ့ဆန်ကွဲတင်ပို့မှုဟာ ၁၆၁၅၀၉ မက်ထရစ်တန်သာရှိခဲ့ပြီး ဖေဖော်ဝါရီ တင်ပို့မှုနဲ့ယှဉ်ရင် ၂၉၈၉၅ မက်ထရစ်တန် လျော့ကျသွားခဲ့တာဖြစ်တယ်လို့ မြန်မာနိုင်ငံဆန်စပါးအသင်းချုပ်ရဲ့ထုတ်ပြန်ချက်တွေအရ သိရပါတယ်။
၂၀၂၂ ဧပြီလကစလို့ ပြည်ပဆန်တင်ပို့မှုတွေ ပြန်လည်ပြုလုပ်ခဲ့ရာမှာ ယခုနှစ်အစ ဇန်နဝါရီလအတွင်းမှာတော့ ဆန်နဲ့ဆန်ကွဲ ပြည်ပတင်ပို့မှုဟာ ၂၆၈၈၃၅ မက်ထရစ်တန်အထိ မြင့်တက်ခဲ့ပြီး ၁၀ လအတွင်း အမြင့်ဆုံးထိ မြင့်တက်သွားခဲ့တာပါ။ ဒါပေမဲ့ ပြီးခဲ့တဲ့လကစလို့ တဖြည်းဖြည်း ပြန်ကျလာခဲ့ပြီး အခုလထဲမှာတော့ သိသိသာသာ လျော့ကျသွားတာ ဖြစ်ပါတယ်။
ပြည်ပဝင်ငွေအနေနဲ့တော့ ဖေဖော်ဝါရီလနဲ့ယှဉ်ရင် အမေရိကန်ဒေါ်လာ ၁၁ သန်းလျော့ကျသွားတယ်လို့ သိရပါတယ်။
အထူးသဖြင့် ပုံမှန်ဆို ဆန်ကော၊ ဆန်ကွဲကော အများဆုံးတင်ပို့နေကျနိုင်ငံဖြစ်တဲ့ တရုတ်နိုင်ငံဘက်ကို တင်ပို့မှု သိသိသာသာလျော့ကျသွားခဲ့တာဖြစ်ပြီး ဆန်ကော၊ ဆန်ကွဲကော ဒုတိယအများဆုံးသာတင်ပို့ရာနိုင်ငံ ဖြစ်သွားခဲ့ပါတယ်။
ဆန်အများဆုံးတင်ပို့ခဲ့တဲ့နိုင်ငံကတော့ ဖိလစ်ပိုင်နိုင်ငံဖြစ်ပြီး ဆန်ကွဲအများဆုံး တင်ပို့တဲ့နိုင်ငံကတော့ ဥရောပတိုက်က ဘယ်လ်ဂျီယံနိုင်ငံဖြစ်သွားတာပါ။
‘ပို့ကုန်တင်ပို့ခြင်းနဲ့ပတ်သက်လို့ နယ်စပ်ကုန်သွယ်ရေးစခန်းများမှတဆင့် တစ်ဖက်နိုင်ငံသို့ ဆန်နှင့်ဆန်ထွက် ပစ္စည်းများတင်ပို့မှုမှရရှိသည့် နိုင်ငံခြားသုံးငွေ၏ ၆၅ ရာခိုင်နှုန်းကို ၂၀၂၃ ခုနှစ်၊ မတ်လ ၁ ရက် နေ့မှစတင်၍ ဗဟိုဘဏ်၏ညွှန်ကြားချက်များနှင့်အညီသတ်မှတ်နှုန်းထားများအတိုင်း မြန်မာကျပ်ငွေဖြင့် လဲလှယ်ရမည်ဖြစ်ပါသည်’ ဆိုတဲ့ အကြောင်းအရာပါဝင်တဲ့ ကြေညာချက်တစ်ခုကို ကုန်သွယ်ရေးဦးစီးဌာနက ထုတ်ပြန်ထားတာဖြစ်ပါတယ်။
Photos Crd_MRF
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Marlarmyaing Public Company Limited ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}