INVEST-92B အားအလွန်ကောင်း ဆိုင်ကလုန်းမုန်တိုင်းထိ ဖြစ်နိုင်၍ အရှိန်သက်ရောက်နိုင်ချေ ပိုကျယ်လာ

အိန္ဒိယမိုးလေဝသဌာနက ဒီနေ့ အောက်တိုဘာလ ၂၁ ရက် နေ့လယ်ပိုင်းမှာ ထုတ်ပြန်ချက်အရ ကပ္ပလီ ပင်လယ်ပြင်မှာဖြစ်နေတဲ့ INVEST 92B ဟာ ဘင်္ဂလားပင်လယ်အော်အတွင်းမှာ အားအလွန်ကောင်း ဆိုင်ကလုန်းမုန်တိုင်းအဆင့်(Sitrang အမည်ရ) ထိ ရောက်နိုင်မှာဖြစ်လို့ မုန်တိုင်းအရှိန် မြန်မာနိုင်ငံအပေါ် သက်ရောက်မှုဟာလည်း ပိုကျယ်ပြန့်သွားနိုင်တယ်လို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကားခန့်မှန်းသူ ဦးဝင်းနိုင်က ပြောပါတယ်။

INVEST 92B ဟာ အောက်တိုဘာ ၂၃ ရက်နေ့မှာ မုန်တိုင်းငယ်အဆင့်၊ ၂၄ ရက်နေ့မှာ ဆိုင်ကလုန်းမုန်တိုင်း အဆင့်နဲ့ ၂၅ ရက် ညနေပိုင်းမှာ အားအလွန်ကောင်းတဲ့ ဆိုင်ကလုန်းမုန်တိုင်းအဆင့်တွေကို ရောက်လာမယ်လို့ အိန္ဒိယမိုးလေဝသဌာနရဲ့ ထုတ်ပြန်ချက်မှာ ပါရှိတာ ဖြစ်ပါတယ်။

ဒီလိုအဆင့်ထိ ရောက်နိုင်မှာဖြစ်တာကြောင့် ယခင်ထုတ်ပြန်ချက်တွေအရ သက်ရောက်မှုမရှိနိုင်တဲ့ ဒေသ တွေမှာပါ လေပြင်းကျတာ၊ မိုးများတာတွေ ရှိလာတော့မှာဖြစ်တယ်လို့ သိရပါတယ်။

ဒီအခြေအနေတွေနဲ့ပတ်သက်လို့ ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေး လိုက်ပါတယ်။

#အားအလွန်ကောင်းဆိုင်ကလုန်းအဆင့်ထိဖြစ်မှာဆိုတော့ အရင်ထက်ဘာတွေပြောင်းလဲသွားမလဲ..

“ လမ်းကြောင်းက အခုအတိုင်းဆိုရင်ကို မုန်တိုင်းက ပိုအားကောင်းလာတော့ ၂၃ ရက်ကနေ ၂၇ ရက်အထိ ၅ ရက်တာ ကာလအတွင်းမှာ မုန်တိုင်းရဲ့ညာဘက်(ကျနော်တို့ဘက်)မှာ လေပြင်းတိုက်ခံရနိုင်မဲ့ ဧရိယာ ပိုပြီး ကြီးလာတယ်၊ မိုးများနိုင်မဲ့ဧရိယာလဲ ပိုများလာတာပေါ့။ တကယ်လို့ မုန်တိုင်းလမ်းကြောင်း ဘယ်ဘက်ရွေ့ပြီး အိန္ဒိယဘက် ထွက်သွားရင်တော့ သက်သာမယ်။ မုန်တိုင်းလမ်းကြောင်း အခုထက်ပိုပြီး ညာဘက်ရောက်လာရင် တော့ ပိုဆိုးသွားနိုင်ပါမယ်"

#ဆိုတော့...မိုးများ၊ လေပြင်းတိုက်နိုင်တာ ဘယ်ဒေသတွေ ထပ်ပါလာနိုင်လဲ...

“ အရင်ပြောထားတဲ့ဒေသတွေထက် ပိုလာမှာက ပဲခူးတိုင်းပါလာမယ်။ ကယားပြည်နယ်ထပ်ပေါင်းရမယ်၊ ရှမ်းပြည်နယ်အနောက်ခြမ်းပါလာမယ်၊ နောက် မန္တလေးတိုင်းတစ်ခုလုံးနဲ့ ကချင်ပြည်နယ်လည်း ပါလာမယ်။ ဆိုတော့ ထိပ်ဆုံးကနေ အားလုံးကို ပြန်ပြောရရင် ကချင်ပြည်နယ်၊ ချင်းပြည်နယ်၊ မန္တလေးတိုင်း၊ ရှမ်းပြည်နယ် အနောက်ခြမ်း၊ မကွေးတိုင်း၊ စစ်ကိုင်းတိုင်း၊ ရခိုင်ပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း အဲ့ဒါတွေ ပါမယ်။ ကရင်ပြည်နယ်ဘက်တော့ သိပ်မများဘူး။ ပြီးတော့ တနင်္သာရီတောင်ပိုင်း ထားဝယ်ကနေ ဟိုး ကော့သောင်းထိပါလာတယ်။ အရင်အခြေအနေတွေအရတော့ မြိတ်ကနေ ကော့သောင်းကြားပဲ။ ခုကတော့ တနင်္သာရီတောင်ပိုင်းတစ်ခုလုံးဖြစ်လာတာပေါ့”

#လေတိုက်နှုန်းတွေကကော အရင်ခန့်မှန်းထားတာထက် ပိုများလာနိုင်လား..

“ ဟုတ်တယ်။ လေတိုက်နှုန်းတွေလည်း ပိုများလာမယ်။ ဥပမာဆိုရင် ၂၅ ရက်နေ့လောက်ဆိုရင် ပြည်ရဲ့ အနောက်ဘက်ခြမ်း ရခိုင်ရိုးမတောင်ကြောဘက် တောင်ကုတ်နဲ့ ပြည်နဲ့ကြားပေ့ါ။ အဲ့ဒီဘက်တွေဆိုရင် တစ်နာရီကို ၃၆ မိုင်လောက်ထိ တိုက်သွားနိုင်တယ်။ ပြည်မြို့ပေါ်တောင် ၁ နာရီ မိုင် ၃၀ လောက်ထိ တိုက်နိုင်တယ်။ ဒီလေတိုက်နှုန်းက ဖြူးတို့၊ ကညွတ်ကွင်းတို့ထိ ရောက်နိုင်တယ်။ အဲ့ဒီဘက်တွေမှာတော့ ၁ နာရီ ၂၅ မိုင်လောက်တိုက်နိုင်တယ်။ ရန်ကုန်တိုင်း၊ ဧရာဝတီတိုင်းဘက်တွေလည်း အာ့လိုပဲ”

“ ပင်လယ်ပြင်မှာရော မြစ်ဝကျွန်းပေါ်ကမ်းရိုးတန်းတစ်လျှောက်မှာရော မိုးသက်လေပြင်းတွေ ကျနိုင်မယ်။ မိုးသက်လေပြင်းကျရင် ပင်လယ်မှာ တစ်နာရီ ၃၅ မိုင်ကျော်နဲ့ ကုန်းပေါ်မှာလေတိုက်နှုန်းတစ်နာရီ မိုင် ၃၀ ကျော်လောက်အထိ ရှိပြီး မိုးများနိုင်တယ်။ စပါးရိတ်ချိန်တွေ ထိခိုက်နိုင်တယ်”

“ ဂြိုလ်တုပုံရိပ်တွေအရဆိုရင် 92B ရဲ့ အပြင်ဘက်ဆုံးကတိမ်တွေက အခုအချိန်မှာတောင် မြစ်ဝကျွန်းပေါ် ကမ်းရိုးတန်းကို လာထိနေပြီ။ ဆိုတော့ အဲ့ဒီဘက်တွေမှာ ဒီနေ့ညပိုင်းမှာတောင် မိုးသက်လေပြင်းကျတာတွေ စ နိုင်တယ်”

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...