သိုး၊ ဆိတ်များပေါ်က သွေးစုပ်ကောင်များကို ကာကွယ်နှိမ်နင်းနည်း

သိုး၊ ဆိတ်များတွင် အဖြစ်များသော ရောဂါတစ်မျိုးဖြစ်သည့် သန်းရောဂါ(Lice) အကြောင်းကို သိုး၊ ဆိတ်မွေးမြူသူများအနေဖြင့် သိရှိထားရန်လိုသဖြင့် ကာကွယ်ကုသနည်းကို ဖော်ပြပေးလိုက်ပါသည်။

ရောဂါဖြစ်ပွားစေသော အကြောင်းရင်းမှာ...

သန်းများသည် လက်ခံကောင်တိရစ္ဆာန်၏ ခန္ဓာကိုယ်ပေါ်တွင် ဘဝတစ်လျှောက်လုံး နေထိုင်လေ့ရှိကြပြီး ပြင်ပတွင် ကြာရှည်မရှင်သန်နိုင်ပါ။
တိရစ္ဆာန်၏အရေပြားကို ကိုက်သည့်အခါ ၎င်းတို့၏တံတွေးကြောင့် တိရစ္ဆာန်၏ခန္ဓာကိုယ်မှ ဓာတ်မတည့်မှု(allergic reaction)များ ဖြစ်ပေါ်ကာ ယားနာများ ဖြစ်ပေါ်စေပါသည်။

ရောဂါဖြစ်ပွားစေသည့် သန်းအမျိုးအစား

သန်းအမျိုးအစား(၂)မျိုးရှိပြီး သွေးစုပ်သောသန်းအမျိုးအစားနှင့် အရေပြားကို ကိုက်ဖြတ်စားသောက်သော သန်းအမျိုးအစားတို့ ဖြစ်ပါသည်။
အမများသည် အမွေးအမှင်များပေါ်တွင် ဥများဥချကြပါသည်။
ဥမှပေါက်လာသော သားလောင်းများသည် သက်ကြီးကောင်များနှင့် ဆင်တူသော်လည်း ဥမဥနိုင်သေးပါ။
သားလောင်းအဆင့်ဆင့်ကို ၂ - ၃ ပတ်အတွင်း ဖြတ်သန်းပြီးနောက် သက်ကြီးကောင်ဖြစ်လာပြီး ဥများပြန်လည်ဥချကြပါသည်။

ရောဂါလက္ခဏာများ

အမွေးကျွတ်ခြင်းကို တောက်လျှောက်တွေ့ရနိုင်ပါသည်။
အရေပြားပေါ်တွင် သန်းများကို တွေ့နိုင်ပါသည်။
သွေးစုပ်သောသန်းများ အမြောက်အများရှိနေပါက သွေးအားနည်းခြင်းနှင့် သွေးတွင်းမှ ပရိုတင်းနည်းပါးသွားခြင်းများ ဖြစ်ပေါ်နိုင်ပါသည်။

ရောဂါကူးစက်ပုံ

များသောအားဖြင့် တိုက်ရိုက်ထိတွေ့မှုမှ ကူးစက်ပါသည်။
သန်းရှိသောတိရစ္ဆာန် ပွတ်ထားသောမျက်နှာပြင်တစ်ခုခုအား ခဏအတွင်း အခြားတစ်ကောင်က ပွတ်တိုက်မိပါကလည်း ကူးစက်နိုင်ပါသည်။
တိရစ္ဆာန်များတွင်တွေ့ရသောသန်းများမှာ ရောဂါများကိုတော့ ကူးစက်စေခြင်းမရှိပါ။

အသေကောင်ခွဲစိတ်စစ်ဆေးမှု

သန်းများကြောင့်သေဆုံးမှုမှာ အလွန်ရှားပါးပါသည်။ သို့သော် သွေးစုပ်သောသန်း များပါက သွေးအားနည်းကာ သေဆုံးနိုင်ပါသည်။
သေဆုံးချိန်တွင် အမွေးများပြင်ပသို့ သန်းများထွက်လာကြသည်ကို တွေ့ရနိုင်ပါသည်။

ရောဂါအားစစ်ဆေးခြင်း

သွေးအားနည်းလက္ခဏာများ၊ အရေပြားယားယံမှုများနှင့် အရေပြားပေါ်တွင် သန်းများတွေ့ရှိခြင်းတို့ဖြင့် ရောဂါအမည် တပ်နိုင်ပါသည်။

ကာကွယ်ခြင်း

ခြံတွင် သန်းများကိုရှင်းလင်းပြီးပါက အခြားတိရစ္ဆာန်များနှင့် အထိအတွေ့မရှိအောင် ခွဲခြားထားရန် လိုအပ်ပါသည်။

ကုသခြင်း

Ivermectin ထိုးနှံနိုင်ပြီး ၂ ပတ်ခြား၍ နောက် ၁ ကြိမ် ထိုးနှံပေးရပါမည်။
အရေပြားကို ကိုက်ဖြတ်စားသောက်သော သန်းများအတွက်မူ အင်းဆက်ပိုးသတ်ဆေးများကို ၂ ပတ်ခြား လိမ်းပေးနိုင်ပါသည်။ ထိုသို့ကုသသည့်အခါ တစ်ခြံလုံးကို ကုသပေးရပါမည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သိုး၊ ဆိတ်များပေါ်က သွေးစုပ်ကောင်များကို ကာကွယ်နှိမ်နင်းနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သိုး၊ ဆိတ်များပေါ်က သွေးစုပ်ကောင်များကို ကာကွယ်နှိမ်နင်းနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဇီဝကမ္မ ဖြစ်စဉ်ချို့တဲ့မှုကြောင့် ဖြစ်ပွားတတ်သော ရောဂါလက္ခဏာများ

နို့အုံရောင်ရောဂါ စစ်ဆေးခြင်း(၁) (ပထမဆုံးညှစ်သော နို့ရည်ကို စစ်ဆေးခြင်း)

နို့အုံရောင်ရောဂါစစ်ဆေးခြင်း-၂ (အမြန်နည်းဖြင့် စစ်ဆေးခြင်း)

{{ post.title }}