အားဝါးပေးရင်း မျောက်မောင်းမရဲ့အဆိပ်ကို အန်တုစိန်ခေါ်နေကြသူများ

ရန်ကုန်တိရစ္ဆာန်ဥယျာဉ်မှာ ကာလကြာရှည် အတူအလုပ်လုပ်ခဲ့ကြတဲ့ လုပ်ဖော်ကိုင်ဖက်တစ်ဦးက Post လေးတစ်ခုကို ကျွန်တော့ထံ မျှဝေလာပါတယ်၊၊ 

သူက တော်တော်လေးကို စိတ်မကောင်း ဖြစ်နေသလို တိရစ္ဆာန်ချစ်သူတွေအတွက်လည်း အန္တရာယ် ဖြစ်မှာကို စိုးရိမ်ထိတ်လန့်နေပုံရပါတယ်။ 

{ အားဝါးပါပေးခိုင်းနေတာကို မြင်ရတာတော့ ရင်တုန်စရာပါပဲ}

သူ့အနေနဲ့ ပူပန်မယ်ဆိုလည်း ပူပန်စရာပါပဲ။ 

အကြောင်းကတော့ဖြင့် ကန်တော်ကြီးထဲက စားသောက်ဆိုင်တစ်ခုရဲ့ စားပွဲပေါ်က အဖျော်ဖြေခံ တောရိုင်းတိရစ္ဆာန်တစ်ကောင်အကြောင်းပါ ။ 

ကဲ . . . .ကြည့်ကြရအောင် ။

အဲဒီတိရစ္ဆာန်လေးကတော့ နို့တိုက်သတ္တဝါတစ်မျိုးဖြစ်တဲ့ မျောက်မောင်းမ ခေါ် မျောက်လေပွေ { Slow loris } ပါ ။ 

မျက်လုံးတွေက ကြီးမားဝိုင်းစက်တယ် ။ နောက်ပြီး ညှို့ဓာတ်ရှိတယ် ။ 

ချစ်စဖွယ်ကောင်းတယ်။

နောက်ပြီးသနားစဖွယ်ကောင်းတဲ့ ဟန်ပန်အမူအရာကြောင့် တောရိုင်းတိရစ္ဆာန်ဖြစ်လင့်ကစား အိမ်မွေးတိရစ္ဆာန်အနေနဲ့ အချိန်တိုအတွင်းမှာ လူသိများထင်ရှားလာပါတယ် ။

ဒါပေမဲ့ . . . 

ဒါပေမဲ့လေ . . .

သူဟာ အကောင်ငယ်ပေမဲ့ ဝှက်ဖဲ ရှိနေပါတယ်။ 

အဲဒါကတော့ဖြင့် . . .

သူ့ရဲ့ လက်မောင်းမှာရှိတဲ့ အဆိပ်အိတ်ပါပဲ။

ဒါဆို မေးစရာရှိလာတယ် ။ 

သူကမြွေတွေလို အဆိပ်အိတ်က ပါးစောင်မှာမရှိဘဲ လက်မောင်းမှာရှိနေတဲ့အခါကျတော့ လူကို ကိုက်တဲ့အခါ ဘယ်လိုဖြစ်လို့ အဆိပ်တက်စေမှာလဲလို့ ။

ဟုတ်ပါတယ်။

မျောက်မောင်းမက လူကိုမကိုက်ခင် အရင်ဦးဆုံး သူ့ပါးစပ်နဲ့ သူ့လက်မောင်းအဆိပ်အိတ်ထဲက အဆိပ်တွေကို စုပ်ပါတယ်။ ပြီးတော့ လျှာနဲ့လည်း ယက်ပါတယ် ။ တံတွေးတွေနဲ့စွတ်ပါတယ် ၊ ရောပါတယ်။

ပြီးတော့မှ လူကိုကိုက်တော့တာပါပဲ။

ဒါဆို အဲဒီအဆိပ်ကကော လူကိုသေစေနိုင်ပါသလား။

အကိုက်ခံရမယ်ဆိုရင်တော့ဖြင့် . . .

• သေလုမျောပါးဆိုးဝါးစွာနာကျင်ခြင်း { Deadly pain } ၊ 
• နေထိုင်မကောင်းဖြစ်ခြင်း ၊ 
• အလွန်ဆိုးရွားသော အကိုက်ခံရမှုမျိုးဆိုရင် မူးမေ့လဲကျသွားစေနိုင်ခြင်း ၊
• ကလေးငယ်များဆိုရင် သေစေနိုင်ခြင်း ၊ 
• အချို့သောအခြေအနေများတွင် လူကိုသေဆုံးစေနိုင်ခြင်း ၊
• ပြင်းထန်စွာယားယံခြင်း၊ 
• အလွန်အမင်းယောင်ကိုင်းလာတတ်ခြင်း ၊ အနာကျက်ရန်ကြာရှည်ခြင်း ၊ 
• အနာရွတ်ကျန်ခြင်း ၊ 
• အနာပိုးဝင်ပြီး အသားများပုပ်သိုးခြင်း ၊ 
• သွေးဖိအားကျဆင်းခြင်း ၊ 
• မေ့မြောခြင်း 
• အကြောဆွဲခြင်း၊ 
• အသက်ရှုခြင်းနှင့် နှလုံးပိုင်းဆိုင်ရာဖောက်ပြန်ခြင်း

စတာတွေကို ခံစားရစေနိုင်တယ်လို့ဆိုပါတယ်။ 

{ အားဝါးပေးတုန်း အကိုက်ခံရပြီဆိုရင်တော့ . . . စဉ်းစားသာ ကြည့်ပါတော့ခင်ဗျား}

သို့ပေမဲ့လည်း...

တောရိုင်းတိရစ္ဆာန်ရောင်းဝယ်ဖောက်ကားနေကြသူများက လည်ပါတယ် ။

အထက်က အခြေအနေတွေကို ရှောင်တခင် ရှောင်လွဲနိုင်ဖို့အတွက် မျောက်မောင်းမရဲ့သွားတွေကို လက်သဲညှပ်၊ ဝိုင်ယာဖြတ်ကတ်ကျေး ၊ ပလာယာ အစရှိတာတွေသုံးပြီး ဖြတ်တောက်ပစ်ပါတယ်။ 

ဒါတင်မကသေးပါဘူး။

သွားတွေကိုဆွဲနှုတ် ဆွဲချွတ်ပစ်တဲ့အထိတောင် ရှိပါတယ် ။ 

အဲလိုလုပ်တဲ့အချိန်မှာ မျောက်မောင်းမတွေဟာ အလွန်နာကျင်မူကို ခံစားရတယ်လို့ဆိုပါတယ်။ 

တစ်ခါတစ်ရံမှာ ရောဂါပိုးဝင်ရောက်ခံရပီး သို့မဟုတ် သွေးထွက်လွန်ကာ သေဆုံးသွားကြတယ်လို့လည်း ဆိုပါတယ်။ 

အဲဒီအတွက်ကြောင့် ပညာရှင်တွေက ဘာပြောကြသလဲဆိုတော့ လူတွေဟာ မျောက်မောင်းမများ မျိုးသုဉ်း စေဖို့ တွန်းပို့ပေးနေကြတယ်လို့ ဆိုကြပါတယ် ။

အဲဒီလို မျောက်မောင်းမတွေ မျိုးသုဉ်းသွားတော့ ဘယ်လိုဆိုးကျိုးဆက် { Negative impacts } တွေ သက်ရောက်မူ ဖြစ်စေမှာပါလဲ။

မျောက်မောင်းမက သဘာဝထဲမှာ အသီးအနှံလည်းစားတဲ့အမျိုးဖြစ်တဲ့အတွက်ကြောင့် စားပြီး အသီးအနှံတွေရဲ့ အစေ့တွေကို သူသွားလေရာ တောတောင်အနှံ့မှာ မစင်အနေနဲ့စွန့်ထုတ်ခဲ့တာဖြစ်လို့ သစ်ပင်မျိုးစေ့များဖြန့်ဖြူးသူ { Seed dispersers } များဖြစ်ကြသလို ဝတ်မှုံကူးပေးသူများ { Pollinator }လည်း ဖြစ်ကြတယ်လို့ဆိုပါတယ်။

နောက်ပြီးတော့ သူတို့ကိုမြင်တွေ့ရတဲ့ဒေသတွေမှာဆိုရင် သဘာဝပတ်ဝန်းကျင်ဂေဟစံနစ်များ အလွန်ပဲ ကောင်းမွန်နေတယ်၊ ကျန်းမာနေတယ် { Eco-system is healthy}လို့တောင်အသိအမှတ်ပြုထားကြပါတယ် ။ 

ဒီနေရာမှာ ပြောချင်တာက တောရိုင်းတိရစ္ဆာန်တွေကို လေးစားသမှုမပြုဘဲ အစဉ်အမြဲ နိုင်ထက် စီးနင်းလုပ် နေထိုင်သွားမယ်ဆိုရင်တော့ဖြင့် တစ်နေ့မှာ အဲ့ဒီရဲ့ဆိုးကျိုးဆက်တွေကို ကျွန်တော်တို့လူသားတွေ မလွဲမသွေ ပြန်ခံကြရမယ်ဆိုတာပါပဲ။

ဒေါက်တာမြင့်သိန်း (B . V .S )

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်