ပြည်ပပို့ကုန် ကဏန်းပျော့မွေးမြူနည်း အပိုင်း(၁)

ကဏန်းပျော့ကို မြန်မာနိုင်ငံတွင် ၂၀၀၀ ပြည့်နှစ်နောက်ပိုင်း၌ ကိုယ်တိုင်မွေးမြူထုတ်လုပ်လာနိုင်ခဲ့သည်။

ကဏန်းပျော့ထုတ်လုပ်ရာတွင်...

(၁) ကဏန်းကုန်ကြမ်း ဝယ်ယူစုဆောင်းခြင်း
(၂) မွေးမြူရေးကန်တွင် စနစ်တကျမွေးမြူခြင်း
(၃) အအေးခန်းစက်ရုံတွင် ပြုပြင်ထုတ်လုပ်ခြင်း
(၄) ပြည်ပစျေးကွက်တွင် ဖြန့်ချိခြင်းတို့ဖြင့် အဆင့်ဆင့် လုပ်ဆောင်ရပါသည်။

ပြည်ပစျေးကွက်သို့ ဖြန့်ချိရာတွင် ဂျပန်၊ ကိုရီးယား၊ စင်ကာပူ၊ ဟောင်ကောင်၊ ထိုင်ဝမ်၊ သြစတြေးလျ၊ ကနေဒါ၊ အမေရိကန်နိုင်ငံများသို့ တင်ပို့ကြကြောင်း သိရပါသည်။

ကဏန်းပျော့မွေးမြူဖို့ ကန်တည်ဆောက်ရာတွင်-

မှော်ဝန်းချောင်းကမ်းဘေး၊ ပုစွန်မွေးမြူရေးဇုန်ရှိ ကဏန်းပျော့မွေးမြူရေးကန်သည် အလျားရှည်သောကန်ကြီးများဖြစ်ကြပါသည်။ ကန်အလယ်တွင် ကန်ကိုဖြတ်လျက် သွပ်မိုးတံတားထိုးထားပါသည်။

ကန်ထဲတွင် အနက်ရောင်ပလတ်စတစ်ကဏန်းအိမ် ဖောင်အတွဲလိုက်လေးများကို အစီအရီ၊ PVC ပလတ် စတစ်ပိုက်လုံးဖြင့် ဖောင်ဖွဲ့ထားခြင်းဖြစ်ပါသည်။

ကဏန်းဖောင်အကျယ်အဝန်း

ရေကန်အကျယ်အဝန်းအလိုက် ကဏန်းဖောင်များစွာ ထားရှိကြပါသည်။ တစ်ဖောင်လျှင် အလျား ၈ လက်မ x အနံ ၆ လက်မ x အမြင့် ၇ လက်မရှိ ကော်ခွက်ကဏန်းအိမ်လေးများကို အစီအရီ ထားရှိကြပါသည်။
ကော်အိမ်ဘေးပတ်ပတ်လည်တွင် လေဝင်လေထွက်အပေါက်များ ဖောက်ပေးထားပြီး အပေါ်အဖုံးတွင် အထဲက ကဏန်းကောင်ကို မြင်နိုင်စေရန် ကဏန်းမထွက်နိုင်လောက်သည့် အပေါက်ကျယ်များ ဖောက်ပေးထားပါသည်။
အပေါ်ဖုံးသည် ဖွင့်ပိတ်နိုင်ပါသည်။ တစ်အိမ်လျှင် ကဏန်း ၁ ကောင်နှင့် ငါးအသားတုံး ၁ တုံးစီ ထားပေးပါသည်။

ရေအငန်နှုန်း

ကန်ရေအတွက် မှော်ဝန်းချောင်းကရေကို စုပ်ယူကာ ရေလှောင်ကန်အဆင့်ဆင့်ဖြင့် အနည်စစ်ကာ နေရောင် ခြည်ဖြင့် ပိုးကိုသေစေပြီးမှ မွေးကန်ထဲ ထည့်သွင်းကြပါသည်။
ရေအငန်နှုန်းကို ၁၀ PPT မှ ၁၅ PPT ကြား၊ အပူချိန်ကို ၂၈ ဒီဂရီစင်တီဂရိတ်နှင့် ၃၁ ဒီဂရီစင်တီဂရိတ်ကြား ထားရှိပေးရပါသည်။
ကန်ရေကို မကြာမကြာ လဲလှယ်ပေးခြင်းဖြင့် ဇီဝလုံခြုံမှုကို အထူးဂရုစိုက်ဆောင်ရွက်ပေးရပါသည်။

ကဏန်းမာမှ ကဏန်းပျော့ ထုတ်ယူရရှိပုံနှင့် စျေးကွက်သို့ တင်ပို့ခြင်း

ကဏန်းအခွံလဲ/မလဲကို စောင့်ကြည့်ရေးဝန်ထမ်းများက ၁ နာရီ ၁ ကြိမ် တံတားတစ်ဖက်တွင် ရှိသည့် ကဏန်းဖောင်ကို ကြိုးဖြင့် တစ်ဖက်ကို ဖြည်းဖြည်းချင်း ဆွဲယူပြီး တံတားပေါ်ကနေ တစ်အိမ်ချင်း စေ့စေ့စပ်စပ် ကြည့်ကြရပါသည်။
ကဏန်းအိမ်ထဲတွင် ကဏန်း၂ ကောင်ဖြစ်နေလျှင် အခွံကျွတ်ပြီး ဖြစ်ပါသည်။
ကဏန်းတို့သဘာဝအရ အခွံမာကြီးကို မိမိကိုယ်ကပြုတ်ထွက်အောင် အပြင်းအထန် ရုန်းကန်ကြိုးပမ်းရသည်ဖြစ်ရာ အခွံကျွတ်သွားသည့်အခါ အလွန်နူးညံ့သောခန္ဓာကိုယ်မှာ လုံးဝမလှုပ်ရှားနိုင်တော့ပေ။
ထိုကဏန်းပျော့အခွံသည် ရေချိုနှင့် မထိတွေ့လျှင် အချိန်နှင့်အမျှ တဖြည်းဖြည်း မာကျောလာပြီး ၂ နာရီ အကြာတွင် ပုံမှန်အခွံမာကဏန်းပြန်ဖြစ်သွားလေတော့သည်။
ယင်းသို့ မာကျောလာလျှင် ကဏန်းပျော့တန်ဖိုးလည်း လျော့နည်းလာပေသည်။
အခွံမာကျောလာမှုပေါ်မူတည်၍ အေ၊ ဘီ၊ စီ အဆင့် (၃)မျိုး ခွဲခြားကြရပါသည်။ အေအဆင့်သည် အကောင်းဆုံးဖြစ်ကာ စျေးလည်း ပိုရပါသည်။ ထို့အတွက်ကြောင့် ၁ နာရီလျှင် ၁ ကြိမ်စောင့်ကြည့်ရခြင်း ဖြစ်ပါသည်။
ကော်အိမ်ထဲက အခွံကျွတ်ပြီးကဏန်းကို ထုတ်ယူကာ ရေချိုတွင် ချက်ချင်းစိမ်ပေးလိုက်ခြင်းအားဖြင့် ကဏန်းအခွံပြန်၍ မာကျောမလာတော့ပေ။
ထို့ကြောင့် ဆယ်ယူခြောက်သွေ့စေပြီးမှ အမျိုးအစားခွဲကာ စနစ်တကျထုပ်ပိုးပြီး အခန်းထဲထည့်သွင်းသိုလှောင်ထားရပါသည်။
စျေးကွက်သို့ တင်ပို့ရာတွင်လည်း အအေးပေးပြီး ပို့ကြရပါသည်။

ကဏန်းပျော့စေရန်အတွက် မည်သည့်ဓာတုဆေးဝါးမျှ သုံးစွဲရန် မလိုအပ်ဘဲ သဘာဝအတိုင်း အခွံလဲ/မလဲ စောင့်ကြည့် ဖော်ယူကြရပါသည်။

ထို့ကြောင့် ကဏန်းပျော့ထုတ်လုပ်ရေးသည် ဓာတုဆေးဝါးကင်းစင်သည့် အော်ဂဲနစ်ပင်လယ်စာသာ ဖြစ်ပါသည်။

(အပိုင်း-၂ တွင် ကဏန်းပျော့၏ သဘာဝ၊ ကဏန်းအသက်အရွယ်အလိုက် အခွံလဲနှုန်း၊ ကဏန်းကုန်ကြမ်းရရှိမှုတို့ကို ဆက်လက်ဖော်ပြပေးသွားပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...