တိုင်းရင်းငါးကျည်းငါး မွေးမြူနည်း

ငါးကျည်းငါးမှာ ရေချိုတွင်သာ ဘဝတစ်လျှောက်လုံး နေထိုင်ကြသည့်(Potadromous) မျိုးစိတ်များဖြစ်ပြီး တိုင်းရင်းငါးအမျိုးအစားတွင် ပါဝင်သည်။

ငါးကျည်းငါးဆိုလျှင် ငါးကျည်းခြောက်၊ ငါးကျည်းကျပ်တိုက်တို့မှာ နာမည်ကြီးသလို အရသာ ချိုလှသဖြင့် မုန့်ဟင်းခါးချက်ရာ၌လည်း အသုံးပြုကြပါသည်။

ငါးကျည်းငါးမှာ ငါးခူလို အကြေးခွံမဲ့ငါးတစ်မျိုးဖြစ်ပြီး မွေးမြူ၍ရသောငါးအမျိုးအစားတွင် ပါဝင်သဖြင့် ငါးကျည်းငါးမွေးမြူလိုသူများအတွက် မွေးမြူနည်းကို ဖော်ပြပေးလိုက်ပါသည်။

ငါးကျည်းငါးမွေးမြူရေး

ငါးကျည်းသည် ကန်အောက်ခြေနေငါးမျိုးဖြစ်ပြီး အသားစားငါး(Carnivorous)များ ဖြစ်ကြပါသည်။
ကန်အောက်ခြေရှိ တီကောင်များ၊ အင်းဆက်ပိုးကောင်များကို စားသုံးကြသည်။ ကန်အောက်ခြေရှိ အညစ်အကြေးမှ ဘက်တီးရီးယားများကိုလည်း စားသောက်ပါသည်။
တွင်းအောင်းနေတတ်သော ဓလေ့ရှိပြီး ကန်အောက်ခြေရှိ နွံထဲတွင်လည်း နေထိုင်လေ့ရှိပါသည်။
ထို့ကြောင့် ငါးကျည်းငါးကို အခြားသောငါးများနှင့် တွဲဖက်မွေးမြူနိုင်သလို သီးခြားလည်း မွေးမြူနိုင်ပါသည်။
ကန်ရေတွင် အကောင်မျှောလှေး(zooplankton)ပေါက်ဖွားလာစေရန် ကန်အတွင်းကြက်ချေးခြောက်ကို ရေစိမ်ပြီး ပက်ပေးပါ။
အသားဓာတ်ပါသော အစာတောင့်များကို ကန်အောက်ခြေအထိ ချကျွေးပေးပါ။
ကန်အောက်ခြေထောင့်များတွင် ရေအိုးများအဝဖော်ပြီး မြှုပ်ပေးထားလျှင် ပြန်ဖမ်းပါက လွယ်ကူပါသည်။

ရေအရည်အသွေး

ကန်ရေ၏ pH သည် 7 ဖြစ်နေပါက ရေသန့်ဟု ပြောလို့ရပါသည်။ တစ်နည်းအားဖြင့် ရေထဲတွင် အက်ဆစ်ဓာတ်လည်း မရှိ၊ ထုံးဓာတ်လည်း မရှိလို့ ပြောလို့ရပါသည်။
ငါးမွေးမြူရေးလုပ်ငန်းတွင် အကောင်းဆုံးသော ရေ pH မှာ (၇.၅ မှ ၈.၅)အတွင်း ဖြစ်ပါသည်။ ကန်ရေ၏ pH သည် တစ်နေ့တာအတွင်း ပြောင်းလဲနေပါသည်။ မနက်ပိုင်း ၆ နာရီတွင် pH အကျဆုံးဖြစ်ပြီး ညနေ ၆ နာရီသည် pH အတက်ဆုံးဖြစ်ပါသည်။
ရေ pH 7,8 ရှိစေလိုပါက ရေ၏ pH ကို နေ့စဉ်တိုင်းပေးပါ။ 7 အောက်ရောက်နေပါက ထုံးကိုရေဖျော်ပြီး ပက်ပေးပါ။ ၉ အထိနှင့် အထက်ရောက်နေပါက ပုလဲမြေသြဇာကို ရေဖျော်ပြီးပက်ပေးပါ။

ငါးရောဂါကျရောက်ပါက ကုသခြင်း

ငါးများရောဂါကျရောက်ခြင်းသည် လက်ခံကောင် (ငါးမှပါလာခြင်း)ကြောင့် ဖြစ်ခြင်း၊ ကန်ရေအရည်အသွေး ညံ့ဖျင်းခြင်းကြောင့် ကျရောက်ခြင်း၊ အစာမလတ်ဆတ်ခြင်းကြောင့် ကျရောက်ခြင်း၊ပတ်ဝန်းကျင်အနီးအနားမှ ကူးစက်ခြင်းတို့ကြောင့် ဖြစ်ပါသည်။
ဖြစ်တတ်သောရောဂါများသည် ဘက်တီးရီးယားကြောင့်ဖြစ်ခြင်း၊ ဗိုင်းရပ်စ်ပိုးကြောင့်ဖြစ်ခြင်း၊ကပ်ပါးကောင်ကြောင့်ဖြစ်ခြင်းနှင့် မှိုကြောင့်ဖြစ်ခြင်းတို့ ဖြစ်ပါသည်။
ဖြစ်သည့်ရောဂါကိုကြည့်ပြီး ကပ်ပါးပိုး၊ ဂျိတ်ပိုးများ ကျရောက်ပါက ငါးငယ်စဉ်တွင် (၃.၅%) ဆားရည်စိမ်ပေးပါ။ ကန်အားအခြောက်ခံခြင်းနှင့် ထုံးပက်ခြင်းကို လုပ်ပေးပါ။ ရောဂါကျရောက်ပါက Acriflavine 1g/100 L နှုန်းဖြင့် စိမ်ပေးခြင်းဖြင့် ကုသနိုင်ပါသည်။

ရေးသားသူ-ပင်လယ်ပြာ(ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

တိုင်းရင်းငါးကျည်းငါး မွေးမြူနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တိုင်းရင်းငါးကျည်းငါး မွေးမြူနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ငါး ပုစွန်မွေးမယ်ဆိုလျှင်

ရေချိုပုစွန်ထုပ်မွေးမြူရေးအကြောင်း

တစ်ပိုင်တစ်နိုင်ပြုလုပ်သင့်တဲ့ စားဖားမွေးမြူရေး

{{ post.title }}