ဝက်ကလေးတွေ ကျန်းမာနေစေလိုလျှင်...

ဝက်မွေးမြူရေးတွင် ကျန်းမာရေးစောင့်ရှောက်ခြင်းနှင့် စီမံခန့်ခွဲမှုကောင်းမွန်ပါက ရောဂါဖြစ်ပွားမှုအန္တရာယ်မှ အလိုအလျောက်ကာကွယ်ထားပြီးဖြစ်သည်။ ကျန်းမာရေးစောင့်ရှောက်မှုညံ့ဖျင်းမည်ဆိုပါကမူ ဝက်များ၏ ကိုယ်ခံစွမ်းအားကျဆင်းပြီး ရောဂါကျရောက်ဖြစ်ပွားရန် အခွင့်အလမ်းပိုများမည်ဖြစ်သည်။

ထို့ကြောင့် ရောဂါဖြစ်ပွားမှုနည်းပါးစေရန် အောက်ပါအချက်များကို လိုက်နာဆောင်ရွက်သင့်ပါသည်။

စနစ်တကျ မွေးမြူထားရှိခြင်း

• ၁။ ဝက်ခြံအတွင်း၌ လေဝင်လေထွက်ကောင်းမွန်ရန် စီမံထားရပါမည်။ လေဝင်လေထွက် မကောင်းပါက ခြံအဆောက်အဦထဲ၌ ရောဂါပိုးမွှားများ ခိုအောင်းနေပြီး အသက်ရှူလမ်းကြောင်းရောဂါ ဖြစ်ပွားသည့်အန္တရာယ် ရှိနိုင်ပါသည်။
• ၂။ ဝက်အစာခွက်နှင့် ရေခွက်များ အမြဲသန့်ရှင်းနေရန် လိုအပ်ပါသည်။
• ၃။ အစာခွက်ထဲ၌ ဝက်ကလေးများဝင်အိပ်၍  မရအောင် စီမံဆောင်ရွက်ထားရပါမည်။
• ၄။ ဝက်တစ်သုတ်ထုတ်ပြီး နောက်တစ်သုတ် မထည့်မီကာလ၌ ခြံသန့်ရှင်းရေးနှင့် ပိုးမွှားသန့်စင်ရေး ဆောင်ရွက်ရန် လိုအပ်ပါသည်။
• ၅။ ဝက်ခြံတစ်ခြံတည်းအတွင်း၌ အရွယ်စုံဝက်များကို မမွေးမြူသင့်ချေ။
• ၆။ ဝက်တစ်ကောင်ချင်း၏ အသက်အရွယ်နှင့် ခန္ဓာကိုယ်အလေးချိန်အတွက် သတ်မှတ်ထားသော ခြံအကျယ်အဝန်းအတိုင်း နေရာသတ်မှတ်ပေးရပါမည်။
• ၇။ ခြံကျပ်နေပါက ရောဂါဝင်ရောက်ကူးစက်နိုင်သည့် အခွင့်အလမ်းသာပါသည်။

ကြိုတင်ကာကွယ်ဆေးထိုးပေးခြင်း

ရောဂါကို မဖြစ်မီကြိုတင်ကာကွယ်ခြင်းသည် အကောင်းဆုံးနည်းလမ်းဖြစ်သည်။ ထို့ကြောင့် ကာကွယ်ဆေးကို ပုံမှန်ထိုးနှံပေးရပါမည်။

ကာကွယ်ဆေးထိုးရမည့်အစီအစဉ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။