လာမည့် ၃ ရက်အတွင်း မိုးများ၊ မိုးနည်းနိုင်သည့် ဒေသများ

‘ဇူလိုင် ၂၅ ရက် ၂၆ ရက်နေ့တွေမှာတော့ ဘင်္ဂလားပင်လယ်အော်အနောက်အလယ်ပိုင်းပင်လယ်ပြင်မှာ နောက်ထပ် လေဖိအားနည်းရပ်ဝန်းအသစ်တစ်ခုဖြစ်လာနိုင်ပြီး မုန်တိုင်းငယ်(DEEP DEPRESSION) အဆင့်အထိရောက်လာနိုင်ကြောင်း ကြိုတင်ခန့်မှန်းချက်များမှာ တွေ့နေရပါတယ်’ လို့ နိုင်ငံတကာ မိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က ပြောပါတယ်။

‘လက်ရှိမှာ အရှေ့ဖိလစ်ပိုင်ပင်လယ်(ပစိဖိတ်အနောက်မြောက်)မှာ ဖြစ်နေတဲ့ INVEST-98W ကလည်း အပူပိုင်းမုန်တိုင်း(Tropical Storm-TS) "07W"ဖြစ်လာပြီး လာမဲ့ ၂၄ နာရီအတွင်းမှာ တိုင်ဖွန်းမုန်တိုင်း ဖြစ်လာမယ်’ လို့ ကမ္ဘာ့မိုးလေဝသခန့်မှန်းမိုဒယ်တွေမှာ ဖော်ပြထားတယ်လို့လည်း သိရပါတယ်။

ဒီလိုမျိုး လတ်တလောဖြစ်ပေါ်နေတဲ့ လေဖိအားနည်းရပ်ဝန်း၊ မုန်တိုင်းများရဲ့အခြေအနေတွေကြောင့် "နောက်လာမဲ့ ၃ ရက်မှ ၅ ရက်အတွင်း မြန်မာတနိုင်ငံလုံး မိုးရွာမဲ့အခြေအနေများဆက်လက် ဖြစ်ပေါ် နိုင်ပြီး ဇူလိုင် ၂၅ ရက်နောက်ပိုင်း ဩဂုတ်လဆန်းပိုင်းအထိကာလအတွင်းမှာတော့ မြန်မာနိုင်ငံ အလယ်ပိုင်း မိုးနည်းရေရှားရပ်ဝန်းထဲက မကွေးတိုင်း၊ စစ်ကိုင်းတိုင်း၊ မန္တလေးတိုင်းဒေသတွေမှာ မိုးအသင့်အတင့်ရွာနိုင်ပြီး ကျန်ပြည်နယ်နဲ့တိုင်းတွေမှာတော့ နေရာကွက်ပြီး မိုးများနိုင်ပါမယ်" လို့ ဦးဝင်းနိုင်က ခန့်မှန်းပါတယ်။

ဒါပေမဲ့ ဒီနေ့ ဇူလိုင် ၂၁ ရက် ညနေ ၃ နာရီကနေ ဇူလိုင် ၂၄ ရက် ညနေ ၃ နာရီထိ ၇၂ နာရီအတွင်းမှာ တော့ ကရင်ပြည်နယ်၊ မွန်ပြည်နယ်တို့အပါအဝင် မိုးများနေတဲ့ဒေသအချို့မှာ မိုးပြန်နည်းသွားနိုင် တယ်လို့ ဦးဝင်းနိုင်က Green Way ကို ပြောပါတယ်။

လာမယ့် ၃ ရက်အတွင်း မြန်မာနိုင်ငံအတွင်း မိုးများနိုင်၊ မိုးနည်းနိုင်တဲ့ ဒေသအချို့ကတော့ အောက်ပါ အတိုင်းဖြစ်ပါတယ်။ (ဦးဝင်းနိုင်ရဲ့ ခန့်မှန်းချက်ဖြစ်ပါတယ်)

မိုးများနိုင်သည့်ဒေသများ - တနင်္သာရီတိုင်းတောင်ပိုင်း မြိတ်မြို့နှင့် ကော့သောင်းကြား (မိုးရေချိန် ၅ လက်မမှ ၆ လက်မအထိ)

မိုးအသင့်အတင့်ရွာနိုင်သည့်ဒေသများ - ကရင်ပြည်နယ်၊ မွန်ပြည်နယ်၊ ပဲခူးတိုင်းအရှေ့၊ ရန်ကုန်တိုင်း၊ ဧရာဝတီတိုင်း၊ နေပြည်တော်၊ မန္တလေးတိုင်း၊ စစ်ကိုင်းတိုင်းအထက်ပိုင်း၊ ရှမ်းပြည်နယ်မြောက်ပိုင်း၊ ရခိုင်ပြည်နယ်၊ ကချင်ပြည်နယ် (မိုးရေချိန် ၁ လက်မ မှ ၂ လက်မခွဲခန့်အထိ)

မိုးနည်းနိုင်သည့်ဒေသများ -  ပဲခူးတိုင်းအနောက်ခြမ်း၊ မကွေးတိုင်း၊ မန္တလေးတိုင်းအနောက်ခြမ်း၊ စစ်ကိုင်းတိုင်းတောင်ပိုင်း၊ ချင်းပြည်နယ် (မိုးရေချိန် ၀.၄ လက်မ မှ ၀.၈ လက်မ ခန့်)

၃ ရက်ကျော်ပြီး ၅ ရက်လောက်ဆိုရင်တော့ ဘင်္ဂလားပင်လယ်အော် အနောက်အလယ်ပိုင်းထဲမှာဖြစ်နေ တဲ့ လေဖိအားနည်းရပ်ဝန်းအရှိန်နဲ့အတူ မိုးနည်းနေတဲ့ အလယ်ပိုင်းဒေသတွေမှာပါ ၁ လက်မ အထက် လောက် မိုးတွေပြန်ရွာလာနိုင်တယ်လို့ ဦးဝင်းနိုင်က ခန့်မှန်းပါတယ်။

 Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်