မြစ်ဝကျွန်းပေါ်ကမ်းလွန်ရေလုပ်ငန်းလုပ်ကွက်များတွင် ဇန်နဝါရီ ၂၈ မှ ၃၀ ရက်အတွင်း လေပြင်းများ ကျနိုင်

မြစ်ဝကျွန်းပေါ်ကမ်းလွန်ရေလုပ်ငန်းလုပ်ကွက်တွေမှာ ဇန်နဝါရီလ ၂၈ ရက်မှ ၃၀ ရက်အတွင်း လေပြင်း (တစ်နာရီ မိုင် ၂၀ မှ မိုင် ၃၀ အထိ) ကျရောက်နိုင်တယ်လို့ နိုင်ငံတကာမိုးလေဝသအခြေအနေထုတ်ပြန်ချက်များကိုကိုးကားပြီး မိုးလေဝသခန့်မှန်းသူ ဦးဝင်းနိုင်က ပြောပါတယ်။

မနက်ဖြန် ဇန်နဝါရီ ၂၈ ရက် နေ့လယ်ပိုင်းကစလို့ လေပြင်းတိုက်တာတွေ ရှိလာနိုင်တာဖြစ်ပြီး  လေပြင်းတိုက်ချိန် လှိုင်းထန်မှုကတော့ အမြင့်ဆုံး ၅ ပေခန့်အထိသာရှိနိုင်မှာဖြစ်လို့ အန္တရာယ်ရှိနိုင်တဲ့ အခြေအနေမျိုးအထိတော့ မဖြစ်နိုင်ဘူးလို့ သိရပါတယ်။

“ အန္တရာယ်တော့မရှိနိုင်ဘူး။ သူတို့က မိုင် ၃၀ ကျော်လောက်ထိကို ဘာမှမဖြစ်ဘူး။ လှိုင်းအမြင့်ဆိုရင်လည်း ၁၀ ပေလောက်ထိကို သူတို့ဘာမှမဖြစ်ဘူး။ အပေါ်က လေအေးစီးကြောင်းကလည်း တွန်းချနေတော့ ပြင်းပြင်းလည်း ဖြစ်မှာမဟုတ်ဘူး။ လေပြင်းကတော့တိုက်မယ်” လို့ ဦးဝင်းနိုင်က ဆိုပါတယ်။

ဘင်္ဂလားပင်လယ်အော်တောင်ပိုင်း အင်ဒိုနီးရှားနိုင်ငံ ဘန်ဒါအာချေး အနောက်ဘက်ပင်လယ်ပြင်မှာ လေဖိအားနည်းရပ်ဝန်းတစ်ခု စတင်ဖြစ်ပေါ်နေပြီး အနောက်ဘက်ကို ဆက်လက်ရွေ့လျားနိုင်ကြောင်း၊ ဒါပေမဲ့ မုန်တိုင်းအဆင့်ရောက်လာနိုင်မှာတော့ မဟုတ်ကြောင်း ECMWF Model နဲ့ GFS Model များရဲ့ ကြိုတင်ခန့်မှန်းချက်တွေမှာတွေ့ရကြောင်းနဲ့ အဲ့ဒီအရှိန်ကြောင့် လေပြင်းတိုက်တာတွေ ဖြစ်လာနိုင်တာ ဖြစ်တယ်လို့ ဦးဝင်းနိုင်က ရှင်းပြပါတယ်။

ဒီအခြေအနေကြောင့် မြန်မာနိုင်ငံပေါ်မှာ တိမ်အနည်းငယ်မှ အသင့်အတင့်ဖြစ်ထွန်းနိုင်တာလောက်ပဲ ရှိနိုင်ပြီး အလွန်ဆုံး တနင်္သာရီတိုင်းတောင်ပိုင်းဒေသအချို့မှာ မိုးပါးပါးရွာနိုင်တာမျိုးလောက်သာရှိမယ်လို့လည်း ၎င်းက ဆိုပါတယ်။ 

မြန်မာတစ်နိုင်ငံလုံးမှာ တောင်ပိုင်းဒေသတွေကလွဲလို့ ညအပူချိန်ကျဆင်းနိုင်မဲ့ အခြေအနေတွေက ဖေဖော် ဝါရီလဆန်းအထိ ဆက်လက်ဖြစ်နေပြီး နိုင်ငံအရှေ့ခြမ်းဒေသတွေမှာတော့ အအေးပိုနေဦးမှာဖြစ်တယ်လို့ သိရပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်