လာမည့် ၃ ရက်အတွင်း ကချင်မြောက်ဖျားမှလွဲ၍ ကျန်ဒေသများ မိုးမများနိုင်

လာမယ့် ၃ ရက်အတွင်း မိုးရွာသွန်းမှုအချို့ ရှိနေနိုင်သေးပေမယ့် ကချင်ပြည်နယ် မြောက်ဖျားပိုင်းကလွဲလို့ ကျန်ဒေသတွေမှာ များများစားစားတော့ ရွာနိုင်ခြေ မရှိဘူးလို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကားခန့်မှန်းသူ ဦးဝင်းနိုင်က ကြိုတင်ခန့်မှန်းပါတယ်။

လာမယ့် ၃ ရက်အတွင်း မိုးလေဝသအခြေအနေ၊ နေ့အပူချိန် ညအပူချိန် အခြေအနေတွေနဲ့ ပတ်သက်လို့ ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေးလိုက်ပါတယ်။

လာမယ့် ၃ ရက်အတွင်း မိုးလေဝသ အခြေအနေ

“ အခု လာမယ့် ၁၂ နာရီအတွင်းဆိုရင်တော့ ကချင်ပြည်နယ်မြောက်ဖျား နောင်မွန်းအထက်လောက်ပဲ မိုးများဖို့ရှိနေတယ်။ ကျန်တဲ့နေရာတွေမှာတော့ မိုးနည်းနည်းပါးပါးလောက်ပဲ ရှိနေမှာ။ ၂၄ နာရီအတွင်းဆိုရင်လည်း ဒီတိုင်းပဲ”

“ နောက် ၃ ရက်အတွင်းဆိုရင်တော့ ရှမ်းပြည်တောင်ပိုင်း နေရာတချို့ကလွဲရင် ကျန်တဲ့နေရာအားလုံး မှာ မိုးနည်းနည်း ပြန်များလာနိုင်တဲ့အနေအထား ရှိတယ်။ အလယ်ပိုင်းဒေသတစ်ချို့ စလင်းမြို့နယ် ပတ်ဝန်းကျင်နဲ့ ဆိပ်ဖြူဝန်းကျင်လောက်ပဲ မိုးပါးမယ်။ ကျန်တဲ့နေရာတွေထဲကဆိုရင်တော့ မွန်၊ တနင်္သာရီနဲ့ ဧရာဝတီတိုင်းတွေမှာ မိုးများများရွာနိုင်တယ်။ ကချင်ပြည်နယ်လောက်တော့ မများနိုင်ဘူး။ တစ်လက်မခွဲလောက်ပဲ။ ရန်ကုန်တိုင်းဆိုရင်လည်း တစ်လက်မ၊ တစ်လက်မခွဲလောက်ပဲ ရွာနိုင်ချေ ရှိတယ်။ လာမယ့် ၅ ရက်ကနေ ၁၀ ရက်ကြားလောက်ကျမှ တောင်တရုတ်ပင်လယ်မှာ လေဖိအားနည်းရပ်ဝန်း ဖြစ်လာနိုင်တဲ့အခြေအနေကြောင့် မိုးပြန်များလာနိုင်မှာ"

လေဖိအားနည်းရပ်ဝန်းက ဘယ်အချိန်မှာ ဖြစ်လာနိုင်ချေရှိတာလဲ..

“ ၁၀ ရက်နေ့နောက်ပိုင်း ၁၂ ရက်နေ့လောက်ကျရင်တော့ တောင်တရုတ်ပင်လယ်ဘက်မှာ လေဖိအား နည်းရပ်ဝန်း တစ်ခု ဖြစ်လာနိုင်မယ့် အလားအလာရှိနေတာ။ အခုအချိန်ကတော့ လမ်းကြောင်း အခြေအနေတွေ ဘာတွေ သိပ်မသိသေးတော့ နည်းနည်းတော့ ဝေးနေသေးတယ်။ ဆိုတော့ ၁၀ ရက်နေ့ နောက်ပိုင်းလောက်ကျရင် တိမ်တွေပြန်ဖုံးပြီးတော့ အလယ်ပိုင်းဒေသတွေကာ အကုန်လုံး မိုးတွေ ပြန်များလာနိုင်မယ့် အနေအထားတစ်ခုတော့ ရှိနေတယ်"

နေ့အပူချိန်၊ ညအပူချိန်တွေအခြေအနေကော ဘယ်လိုရှိမလဲ

" ၁၂၊ ၁၃ လောက်ကျရင် မွန်၊ တနင်္သာရီ၊ ပဲခူး၊ ရန်ကုန်၊ ဧရာဝတီ၊ မန္တလေးတိုင်း၊ မကွေးတိုင်း၊ စစ်ကိုင်းတိုင်းအထက်ပိုင်းထိ နေ့အပူချိန်တွေ တက်လာနိုင်မယ်။ ၃၂ လောက်ထိ တက်လာမှာ။ ရခိုင်ပြည်နယ် ဘက်ကောပဲ"

" ညအပူချိန်နဲ့ မနက်စောစောကျတော့ အလယ်ပိုင်းဘက်မှာ ၂၃ လောက်ထိ ကျတယ်။ ရန်ကုန်မှာလည်း ၂၄ လောက်ထိတော့ ကျတယ်။ ပူတာကတော့ လေစီးကြောင်းပိတ်နေလို့ ဖြစ်လိမ့်မယ်။ ထူးခြားတာက တော့ ချင်းပြည်နယ်မှာ အပူချိန်တော်တော်ကျတယ်။ ၁၃ ဒီဂရီလောက်ထိ ကျတယ်။ ရှမ်းပြည်နယ် ဘက်မှာကျ ၁၇ လောက်ထိ ဆင်းလာတယ်။ အဲ့ဒါက အထက်ဘက်က အအေးတွေက မြန်မာပြည် မြောက်ပိုင်းထိ ရောက်လာနေလို့။ ခုန မိုးများမယ်ဆိုတဲ့ နောင်မွန်းအထက်တို့ဆိုရင် အပူချိန်က ၈ ဒီဂရီ လောက်ထိ ကျနေပြီ။ အောက်တိုဘာလကုန်လောက်ထိကတော့ နေ့အပူချိန်တွေက တက်လိုက် ကျလိုက်တော့ ရှိနေဦးမှာမှာ။ ဘာလို့လဲဆိုတော့ မုတ်သုံက ဆုတ်နေပြီမို့လို့။ ဒါပေမဲ့ မုတ်သုံ ဆုတ်သွားပေမဲ့ အောက်တိုဘာလကုန်အထိတော့ လာနီညာဆက်ဖြစ်နေတဲ့ အရှိန်နဲ့ မိုးကတော့ ဆက်နေနိုင်သေးတယ်"

( ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

လာမည့် ၃ ရက်အတွင်း ကချင်မြောက်ဖျားမှလွဲ၍ ကျန်ဒေသများ မိုးမများနိုင်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

လာမည့် ၃ ရက်အတွင်း ကချင်မြောက်ဖျားမှလွဲ၍ ကျန်ဒေသများ မိုးမများနိုင်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နေ့စဉ်မိုးလေဝသသတင်း

ဇူလိုင်လ၊ ဒုတိယ(၁၀)ရက်ပတ်အတွက် မြစ်ရေအခြေအနေခန့်မှန်းချက်များ

နေ့စဉ်မိုးလေဝသ သတင်း

{{ post.title }}