တစ်ပတ်အတွင်း ကမ္ဘာ့ရော်ဘာဈေးကွက် သုံးသပ်ချက်

ရော်ဘာဈေးဟာ ရော်ဘာထွက်ရှိရာနိုင်ငံ၏ နိုင်ငံရေးအခြေအနေပေါ်လည်း မှီနေတယ်ဆိုတာ တနင်္လာနေ့က ထိုင်းမှာ ဗုံးပေါက်ကွဲမှုက သာဓကပါပဲ။ ရော်ဘာအထွက်ဆုံးဒေသ ထိုင်းတောင်ပိုင်းက ယာလပြည်နယ်မှာ ဆိုင်ကယ်ဗုံးပေါက်ပြီးနောက် ရော်ဘာဈေးဟာ သောကြာနေ့က ပိတ်ဈေးအတိုင်း တနင်္လာနေ့မှာလည်း အတက် အကျမရှိ ငြိမ်သက်စွာ ဈေးပိတ်သွားတော့တယ်။ တနင်္လာနေ့မှာပဲ TOCOM ဈေးကွက်ရှိ ကုန်သည်တစ်ဦးက " အာရှမှာ ရော်ဘာရောင်းလိုအား တအားများနေတယ်။ ဒီတော့ ရော်ဘာအထွက်ကို ထိခိုက်နိုင်တဲ့ အကြောင်းအရာ မပေါ်မချင်း၊ တစ်နည်းပြောရရင် ရော်ဘာအထွက်မလျော့မချင်း ရော်ဘာဈေးဟာ ရောင်းလိုအားများတဲ့ ဖိအား ဒဏ်ကို ခံနေရမှာပဲ" တဲ့။

ကွာလာလမ်ပူက လာတဲ့သတင်းမှာက၊ ၂၀၁၇ မှာ ကမ္ဘာ့သဘာဝရော်ဘာအထွက် တိုးတယ်တဲ့။ ဒါပေမယ့် ကမ္ဘာ့သဘာဝရော်ဘာအသုံးက ကျဆင်းနေတယ်လို့ ANRPC လို့ခေါ်တဲ့ ကမ္ဘာ့ရော်ဘာထုတ်လုပ်သူများအသင်း ကပြောပါတယ်။ ANPRC ရဲ့အစီရင်ခံစာအရ ပြီးခဲ့တဲ့နှစ်မှာ သဘာဝရော်ဘာ ထုတ်လုပ်မှုဟာ ၆.၈% တိုးပြီး မက်ထရစ်တန် ၁၃.၃ သန်းထိရောက်သွားပါတယ်။ ၂၀၁၆ မှာ တန် ၁၂.၄ သန်းထုတ်လုပ်ပါတယ်။ ကမ္ဘာ့ သဘာဝရော်ဘာအထွက်ရဲ့ ၉၀% ခန့်ကို သူတို့အဖွဲ့ဝင်နိုင်ငံများမှထုတ်လုပ်တာလို့ ANRPC ကဆိုပါတယ်။

ANRPC ကပဲ ၂၀၁၇ မှာ ကမ္ဘာ့သဘာဝရော်ဘာအသုံးက ၁.၄% မျှသာတိုးပြီး တန် ၁၂.၉ သန်းသာ သုံးစွဲ ပါတယ်လို့ ပြောပါတယ်။ ရော်ဘာကအထွက်တိုးတယ်။ တိုးသမျှကို မဖြုန်းနိုင်ဘူးဆိုရင်တော့ ဈေးကွက်မှာ ပေါလျှံပြီး ဈေးကျဘို့အလားအလာ ဖြစ်စေတာပါပဲ။ ဒါကြောင့် ရော်ဘာကြီး ၃ ကြီးက ဈေးမကျသွားရအောင် အိတ်စပို့လျှော့ချဘို့ လုပ်ကြတာပါပဲ။

ဗုဒ္ဓဟူးနေ့မှာတော့ ငွေဈေးက ရော်ဘာဈေးကို လွှမ်းမိုးသွားပြန်တယ်။ ဒေါ်လာနဲ့ယှဉ်တဲ့အခါ ၄ လအတွင်း ယန်းငွေဟာ ဈေးအမြင့်ဆုံးကိုရောက်သွားတဲ့ အတွက်ကြောင့်ပါ။ ယန်းဈေးမြင့်တော့ ယန်းနဲ့သတ်မှတ်ထားတဲ့ ကုန်စည်ကို ဒေါ်လာလို အခြားငွေကြေးနဲ့ဝယ်တဲ့အခါ ဈေးကြီးသွားပါတယ်။ ဒီတော့ ရောင်းအားကျကာ ဈေးလဲ ကျတော့တာပေါ့။ ပြီးတော့အဲဒီနေ့က တရုတ် ရှန်ဟိုင်းမှာလည်း ဈေးကအေးနေတယ်လေ။ တိုကျိုကလည်း ရှန်ဟိုင်းကို မှီနေပြန်တယ်။

နောက်တစ်ခုကလည်း ကွာလာလမ်ပူကလာတဲ့သတင်းပါပဲ။ အကြီးဆုံးကွန်ဒုံးထုတ်လုပ်သူကုမ္ပဏီ Karex ရဲ့ ခန့်မှန်းချက်ပါ။ "ဝယ်လိုအား အတော့်ကိုမကောင်းတော့ ဒီနှစ်အတွင်းမှာ ရော်ဘာဈေးဟာ အတိုင်းအတာတစ်ခု အတွင်း တက်လိုက် ကျလိုက်နဲ့ပဲ ရှိနေမယ်" တဲ့။

" ရော်ဘာဝယ်လိုအားက နည်းသွားတယ်။ ဥရောပတို့ အမေရိကတို့မှာလို ရော်ဘာတုကိုအသုံးများလာလို့လေ" Karex အုပ်စုရဲ့ အမှုဆောင်အရာရှိချုပ် Goh Miah Kiat က Invest Malaysia 2018 ဒီနေ့ ညီလာထံမှာ သတင်းထောက်တွေကိုပြောပါတယ်။ ရော်ဘာတု Synthetic Rubber နဲ့ သဘာဝရော်ဘာကို တွဲစပ်ပြီး သုံးကြရာမှာ တစ်ခုဈေးတက်ရင် တစ်ခုကဈေးကျပါတယ်။ သဘာဝရော်ဘာအသုံးများရင် သဘာဝရော်ဘာ ဈေးတက်ပြီး၊ ရော်ဘာတုဈေးကျတယ်။ အပြန်အလှန်ပေါ့။ ဒီလို ၂ မျိုးတွဲစပ်သုံးတဲ့ ကုန်ထုတ်လုပ်ငန်းက တိုင်ယာလုပ်ငန်းပဲ။ ကားငယ်လေးတွေရဲ့ တိုင်ယာမှာ သဘာဝရော်ဘာအသုံးနည်းပြီး၊ ထရပ်ကားတို့၊ ထွန်စက်ဘီးတို့လို အကြီးစားတွေက သဘာဝရော်ဘာ အသုံးများတယ်။ ဒီတော့ ရော်ဘာဈေးဟာ မော်တော်ယာဉ် ရောင်းအားအပေါ်မူတည်တယ်ဆိုရာမှာ ဘယ်လိုမော်တော်ယာဉ်ရောင်းအားမျိုးလဲဆိုတာ ကြည့်ရသေးတယ်။

ရော်ဘာဈေးရဲ့ အမှီသဟဲပြုမှုအချက်တွေက အလွန်စုံလှပါတယ်။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...