အထွက်နှုန်းများပြားလာခြင်းကြောင့် မုန်လာဉဖြူဈေးကွက် ကျဆင်း

       အထွက်နှုန်းများပြားလာခြင်းကြောင့် မုန်လာဉဖြူဈေးကွက် ကျဆင်းနေကြောင်း မကွေးတိုင်းဒေသကြီးရှိ စားဖိုချောင်သီးနှံစုံ စိုက်ပျိုးထုတ်လုပ်သူများထံမှ သိရသည်။ 

ကျွန်တော်တို့ဒေသမှာတော့ မုန်လာဉဖြူဈေးတွေ ပြန်ကျနေတယ်။ အခုအချိန်က ဆောင်းရာသီလည်းဖြစ်တယ်၊ ဟိုတလောကဆို မုန်လာဉဖြူ ဈေးကွက်လေး ကောင်းတော့ တိုးချဲ့စိုက်ပျိုးတဲ့သူတွေလည်း များလာခဲ့တယ်။ ဒီလိုရာသီမှာက စိုက်တိုင်းလည်း အပင်က ဖြစ်ထွန်းအောင်မြင်ကြတယ်လေ။ မုန်လာဥသီးနှံရဲ့သဘောသဘာဝကိုက ဆောင်းရာသီအေးတာကိုကြိုက်တော့ စိုက်တဲ့သူတွေတိုး၊ ထွက်နှုန်းတွေလည်း တိုး၊ ဈေးတွေ ကျဆင်းကုန်တော့တာပါ။

ဟု မကွေးတိုင်းဒေသကြီး၊ ပွင့်ဖြူမြို့နယ်မှ ကုန်စိမ်းနှင့်သီးနှံစုံစိုက်ပျိုးသူ ကိုဟန်ဇော်သက်က ပြောသည်။

      မုန်လာဉဖြူ တစ်ပင်လျှင် (တစ်ဥလျှင်) (၅၀)ကျပ် ရရှိခဲ့သော်လည်း ယခုအခါ မုန်လာဥဖြူ တစ်ပင်လျှင် (၁၅) ကျပ်/ကျပ်(၂၀)ကျပ် ဝန်းကျင်သာ ဈေးနှုန်းရရှိနေကြောင်း သိရသည်။

နွေရာသီဆိုရင်တော့ မုန်လာဥဖြူက ထွက်နှုန်းများဖို့၊ ဖြစ်ထွန်းဖို့ သိပ်တော့ မလွယ်ဘူး၊ မိုးအရမ်းများရင်လည်း မရဘူး၊ အဓိကက ဆောင်းရာသီဖြစ်နေတာကြောင့် ပိုဖြစ်ထွန်းနေတာပါ။ ကျွန်တော်တို့ဒေသက ထွက်သမျှမုန်လာဥဖြူတွေကို တင်ပို့ရောင်းချနေတာတော့ မကွေးနဲ့ မင်းဘူးဘက်တွေကိုပါ။ ပွဲစားလက်ထဲကို ပေးလိုက်ပြီး ပွဲစားတွေကတဆင့်မှ မကွေးနဲ့မင်းဘူးဘက်တွေအထိ သွားရောင်းကြတာပါ။  မင်းဘူးမှာရှိတဲ့ ကုန်စိမ်း ပွဲရုံတွေကို သွင်းတာမျိုးလည်း ရှိပါတယ်။

ဟု ကိုဟန်ဇော်သက်က ဆက်လက်ပြောသည်။

        မုန်လာဥအဖြူပင်သည် မြေနု နုံးမြေကို ကြိုက်နှစ်သက်ပြီး အဓိကအားဖြင့် မြေပွကို နှစ်သက်သည့် သီးနှံအမျိုးအစားတစ်ခုဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်