ကမ္ဘာ့ဝက်မျိုးစိတ်များနှင့် အားသာချက်များ အပိုင်း(၂)

ကမ္ဘာပေါ်မှာ မွေးမြူနေတဲ့ ဝက်မျိုးစိတ်တွေရဲ့ထူးခြားချက်တွေ၊ ဘယ်လိုပုံစံနဲ့ အသုံးချကြလဲဆိုတာတွေကို ဒီဆောင်းပါးလေးမှာ ပြောပြပေးထားတာပါ။ အပိုင်း(၁) မှာတော့ မျိုးစိတ် ၆ မျိုးအကြောင်း ကို ဖော်ပြပေးခဲ့ပြီးပါပြီ။ ဖတ်ရှုလိုပါက အောက်ပါလင့်မှာ ဝင်ရောက်ဖတ်ရှုနိုင်ပါတယ်။

https://greenwaymyanmar.com/posts/World_Swine_Species_1

၇။ လင်းဒ်ရေ့စ်(Land Race)

လင်းဒ်ရေ့စ်အမျိုးအစားမှာ အမေရိကန်တွင် မွေးမြူကြပြီး လူသိများသောမျိုး ဖြစ်သည်။ မူလဇာစ်မြစ်မှာ ဒိန်းမတ်နိုင်ငံမှမျိုးဖြစ်သည်။ အဖြူရောင်ဝက်မျိုးဖြစ်ပြီး ခါးလျားအရှည်ဆုံးသောဝက်မျိုးဖြစ်သည်။ နားရွက်ရှည်ပြီး အရှေ့သို့ ငိုက်ကျနေသည်။ သားပေါက်နှုန်းကောင်းမွန်သောမျိုးဖြစ်သည်။ အခြားသော ဝက်မျိုးများထက် အရိုးအဆစ်သေးငယ်သည့် ဝက်များဖြစ်သည်။

၈။ တမ်းဝပ်သ်မျိုး(Tamworth)

တမ်းဝပ်သ်မျိုးသည် အနီရောင်ဝက်မျိုးများဖြစ်ပြီး ခန္ဓာကိုယ်အရွယ်အစားသေးငယ်သည့်မျိုးဖြစ်သည်။ နားရွက်ထောင်သည်။ အဆီပါဝင်မှုရာခိုင်နှုန်းနည်းပြီး ရာသီဥတုအကြမ်းဒဏ် ခံနိုင်ရည် ရှိသည်။ ဝက်မများ သားထိန်းကောင်းသည်။

၉။ ပိုလန်ချိုင်းနားမျိုး(Poland China)

အမည်အားဖြင့် ပိုလန်နိုင်ငံ(သို့မဟုတ်) ချိုင်းနား(တရုတ်နိုင်ငံ)ဟူ၍ ထင်မှတ်ဖွယ်ရာဖြစ်သော်လည်း ဤဝက်မျိုးသည် အမေရိကန်နိုင်ငံ၊ အိုဟိုင်းယိုးပြည်နယ်မှ ပေါ်ထွန်းလာသော ဝက်မျိုး ဖြစ်ပါသည်။

ဤမျိုးကိုရရှိရန်အတွက် အခြားသောဝက်မျိုးများဖြင့် သားစပ်ပြီးရရှိလာသည့် စပ်မျိုးတစ်မျိုးဖြစ်သည်။ ဘတ်ရှိုင်းယားမျိုးနှင့် ဆင်တူယိုးမှား ပုံသဏ္ဍာန် အရောင်အသွေးတို့ရှိသည်။

သို့သော် ၄င်း၏နားရွက်မှာ ဘတ်ရှိုင်းယားကဲ့သို့မထောင်ဘဲ အရှေ့သို့ငိုက်ကျနေသည်။ ၄င်းတို့၏ ကျောပြင်သည် ကျယ်ပြီး ကျောရိုးတန်းမှာလည်း ဘတ်ရှိုင်းယားဝက်များထက် ပို၍ရှည်လျားသည်။အဆီနည်းပြီး အသားများသည့်မျိုး ဖြစ်သည်။ ရာသီဥတုဒဏ်နှင့် ပတ်ဝန်းကျင်အကြမ်းဒဏ် ခံနိုင်ရည် ရှိသည်။ မျိုးဝက်မများအဖြစ် ထင်ရှားသောမျိုးတစ်မျိုးဖြစ်ပြီး ၈ ကြိမ်အထိ သားပေါက်သည့် ဝက်မအများအပြားရှိသည်။

၁၀။ ဘိုကိတ်ဝက်(Large Black)

စိုက်ပျိုးရေးပညာရှင် Reverend Case က မြန်မာနိုင်ငံသို့ စတင်ယူဆောင်လာခဲ့သောမျိုးဖြစ်သည့်အတွက် ဘိုကိတ်ဝက်မျိုးဟူ၍ နာမည်တွင်နေခဲ့သည်။ မူလဇာစ်မြစ်မှာ အင်္ဂလန်နိုင်ငံမှ Large Black ဝက်များဖြစ်သည်။ တစ်ကိုယ်လုံးအနက်ရောင်ဖြစ်ပြီး ကြီးထွားနှုန်းကောင်းသောဝက်မျိုးဖြစ်သည်။

ဦးခေါင်းကြီးပြီး နားရွက်ဖားလျက် အရှေ့သို့ငိုက်ကျနေသည်။ မျက်နှာခွက်သည်။ သားပေါက်နှုန်းကောင်းပြီး သားထိန်းကောင်းသော ဝက်မျိုးဖြစ်သည်။ ဧရာဝတီတိုင်းတွင် အနည်းအကျဉ်း တွေ့နိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်