စိုက်ပျိုးရေး မွေးမြူရေး ပင်လယ်စာ နို့ထွက်ပစ္စည်းနှင့် လူသုံးကုန်ပစ္စည်း အရောင်းပြပွဲ ရန်ကုန်မြို့တွင် ၃ ရက် ကြာ ပြုလုပ်မည်

စိုက်ပျိုးရေး၊ မွေးမြူရေးနှင့် ငါးလုပ်ငန်း လုပ်ကိုင်နေသည့် တောင်သူများနှင့် ကုန်သည်များ တိုက်ရိုက် ချိတ်ဆက် ပေးနိုင်ရန်ရည်ရွယ်သည့် စိုက်ပျိုးရေး မွေးမြူရေး ပင်လယ်စာ နို့ထွက်ပစ္စည်းနှင့် လူသုံးကုန်ပစ္စည်း အရောင်း ပြပွဲကို ရန်ကုန်မြို့၊ အင်းလျားလိတ်ဟိုတယ်ဝင်းအတွင်းရှိ Yangon Convention Center တွင် နို၀င်ဘာလ ၁၈ ရက်နေ့မှ ၂၀ ရက်နေ့ထိ ကျင်းပသွားမည်ဖြစ်ကြောင်း သိရသည်။

ယခုပြပွဲကို MIS နှင့် ငွေပင်လယ်ဂျာနယ်တို့ ပူးပေါင်းကျင်းပခြင်းဖြစ်ပြီး ရန်ကုန်မြို့တွင် ပထမဆုံးအကြိမ် ကျင်းပပြုလုပ်ခြင်း ဖြစ်သည်ဟု သိရသည်။

“ စိုက်ပျိုးရေး၊ မွေးမြူရေး နဲ့ ငါးလုပ်ငန်းကို လုပ်ကိုင်နေတဲ့ တောင်သူတွေကို ကုန်သည်တွေနဲ့ အချိတ်အဆက် ရစေချင်တာရယ်၊ နည်းပညာအသစ်အဆန်းတွေ၊ စက်ပစ္စည်းအသစ်တွေ၊ ဆေးဝါးအသစ်တွေ၊ မျိုးစေ့အသစ်တွေကို လက်တွေ့ကြည့်ရှုလို့ရစေချင်တာကြောင့် ဒီပြပွဲကို ကျင်းပရခြင်းဖြစ်ပါတယ်” ဟု ငွေပင်လယ်ဂျာနယ်၏ ဒါရိုက်တာ ကိုဇာနည်က Green Way ကို ပြောသည်။

“အခုလို တစ်ကမ္ဘာလုံးက မတည်မငြိမ်ဖြစ်နေတဲ့အချိန် ဖြစ်ပေါ်လာတဲ့ စိန်ခေါ်မှုတွေကြောင့် တောင်သူတွေ အနေနဲ့ မှန်မှန်ကန်ကန် ထောက်ပံ့ပေးမယ့် ကုမ္ပဏီတွေကို မျက်မြင်ရွေးချယ်လို့ ရစေချင်တာပါ။ ဒီလိုမျိုး မြင်သွားပြီဆိုရင် တောင်သူတွေအနေနဲ့ ကိုယ်နဲ့ ကိုက်ညီမယ့် မျိုးစေ့တွေ ဆေးဝါးတွေကိုရွေးချယ်လို့ ရသွားနိုင်တာပေါ့” ဟုလည်း ကိုဇာနည်က ဆက်လက်ပြောပြသည်။

ပြပွဲအတွင်း စိုက်ပျိုးမွေးမြူရေးတောင်သူများအတွက် ဗဟုသုတနှင့် နည်းပညာများရရှိနိုင်မည့် ဟောပြောပွဲများ ကိုပါ ထည့်သွင်းပြုလုပ်သွားရန် ရှိသည်ဟုလည်း သိရသည်။

ဖွင့်ပွဲနေ့ နိုဝင်ဘာ ၁၈ ရက်တွင် ‘ နို့စားနွားမွေးမြူတဲ့သူများအနေဖြင့် ရေရှည်တည်တံ့နိုင်အောင် ဘယ်လို လုပ်ရ မလဲ ဆိုသည်နှင့်ပတ်သက်ပြီး အငြိမ်းစားမွေးမြူရေးပညာရှင် ဒေါက်တာရန်နိုင်စိုး၏ဟောပြောပွဲ’၊ နိုဝင်ဘာ ၁၉ ရက်တွင် ငှက်သိုက်ထုတ်လို့ရသည့် (ဇီဝဇိုးငှက်) မွေးမြူရေးကို တကယ်လက်တွေ့ မွေးမြူနေပြီး အောင်မြင်နေ သည့် ဆရာ ဒေါက်တာတင့်ဆွေ၏ ‘ဇီဝဇိုးငှက်မွေးမြူ၍ ငှက်သိုက်ထုတ်လုပ်ခြင်းဆိုင်ရာ နည်းပညာ’ ခေါင်းစဉ်နှင့်ဟောပြောပွဲ စသည်တို့ ပါဝင်မည်ဖြစ်ကြောင်း သိရသည်။

ထို့ပြင် နိုဝင်ဘာ ၁၉ ရက်နေ့ နေ့လယ်ခင်းတွင် ‘Sustainability Food and Production’ ဆိုသည့် အစားအသောက်များကို ရေရှည်တည်တံ့အောင် ဘယ်လိုထုတ်လုပ်မလဲ’ ဆိုသည့် ခေါင်းစဉ်ဖြင့် သစ်သီးဝလံ စိုက်ပျိုးထုတ်လုပ်နေသည့် ပညာရှင်များ၊ မွေးမြူရေးပညာရှင်များနှင့် ငါးလုပ်ငန်းပညာရှင်များက အပြန်အလှန်ဆွေးနွေးမည့် အစီအစဉ်လည်း ပါဝင်သွားမည်ဖြစ်ကြောင်း သိရသည်။

ယခုပြပွဲတွင် နိုင်ငံတကာမှ Company များအပြင် ပြည်တွင်းမှ Company များကလည်း မိမိတို့၏ စိုက်ပျိုး မွေးမြူရေးနှင့် ရေထွက်ကုန်များ၊ စိုက်ပျိုးရေးသုံးစက်ပစ္စည်းများနှင့် လူသုံးကုန်ပစ္စည်းများကို ပြသရောင်းချ ပေးသွားမည်ဖြစ်သည်ဟု သိရသည်။ ထို့ပြင် ဟင်းချက်ဝါသနာပါသူများအတွက် လည်း Cooking Show အစီအစဉ်တစ်ခုအဖြစ် နိုင်ငံကျော်စားဖိုမှူးများကိုယ်တိုင် ပင်လယ်စာနှင့် တခြားသော ဟင်းလျာများကို ပြပွဲကျင်းပနေစဥ်အတွင်း ချက်ပြပေးသွားမည့်အစီအစဉ်လည်း ပါဝင်ကြောင်း သိရသည်။

ယခုလိုပြပွဲမျိုးကို ယခင်က ၂၀၁၆ ခုနှစ်ကစ၍ ၄ ကြိမ် ပြုလုပ်ခဲ့ဖူးပြီး အားလုံးကို မန္တလေးမြို့တွင်သာ ပြုလုပ် ခဲ့ခြင်းဖြစ်သည်ဟု သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်

ဗွေဆော်ဦး ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဗွေဆော်ဦး ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဝက်ဆိုဒ် ဒီဇိုင်းအသစ်ပြောင်းလဲခြင်း

Student Essay Contest

အသံလှူကြရအာင်

{{ post.title }}