၂၀၂၀ မိုးရာသီ ချေးငွေများကို စက်တင်ဘာ လဝက်ထိ ထုတ်ချေးပေးသွားရန်စီစဉ်

    မန္တလေးတိုင်း ဒေသကြီးအတွင်းက တောင်သူတွေအတွက် မိုးရာသီ စိုက်ပျိုးစရိတ်ချေးငွေများကို စက်တင်ဘာလဝက်ထိ ထုတ်ချေးပေးသွားမည်ဖြစ်ကြောင်း မန္တလေးတိုင်းဒေသကြီး မြန်မာလယ်ယာဖွံ့ဖြိုးရေးဘဏ်မှ သိရသည်။

    ၎င်းစိုက်ပျိုးစရိတ် ချေးငွေများကို စက်တင်ဘာလကုန်ထိ ထုတ်ချေးပေးရန် သတ်မှတ်ထားသော်လည်း နှစ်ကုန် ဘက်ဂျက်ပိတ်လုပ်ငန်းများ လုပ်ဆောင်ရန်ရှိနေသဖြင့် စက်တင်ဘာ ၁၅ ရက်နေ့ နောက်ဆုံးထားကာ ထုတ်ချေးပေးရန် စီမံရခြင်းဖြစ်ကြောင်း မြန်မာလယ်ယာ ဖွံ့ဖြိုးရေးဘဏ်မန်နေဂျာ ဒေါ်ယဉ်နွဲ့က ပြောသည်။

စက်တင်ဘာလကုန်ထိ ထုတ်ချေးထားဖို့ လုပ်ထားတာပေါ့။ ဒါပေမယ့် အမတို့က နှစ်ချုပ်တို့ လုပ်စရာတွေရှိတဲ့အတွက် စက်တင်ဘာ ၁၅ အပြီးထုတ်ချေးဖို့ စီမံထားတယ်။ ရုံးချုပ်က သတ်မှတ်ထားတာက လကုန်လို့ဆိုပေမယ့် အမတို့က နှစ်ချုပ်လုပ်ငန်းတွေ လုပ်စရာရှိတဲ့အတွက် ဘက်ဂျက်ပိတ်လုပ်ငန်းတွေ လုပ်စရာရှိတဲ့အတွက် စက်တင်ဘာ ၁၅ ထိချေးတာရော၊ ကောက်တာရော အပြီးလုပ်ဖို့ စီမံထားတယ်။ မပြီးလို့ရှိရင်လည်း နည်းနည်းဆက်တာပေါ့

ဟု ဒေါ်ယဉ်နွဲ့က ပြောသည်။

    မန္တ‌လေးတိုင်းဒေသကြီးအတွက်၂၀၂၀ ခုနှစ် မိုးရာသီ စိုက်ပျိုးစရိတ် ချေးငွေများကို ၁၆၁ ဒသမ ၆၂ ဘီလီယံ ထုတ်ချေးပေးရန် လျာထားကြောင်း၊ မိုးရာသီချေးငွေများကို မေလ ၁၅ ရက်နေ့မှစတင်၍ ထုတ်ချေးပေးခဲ့ရာ လက်ရှိ အချိန်ထိ ၁၂၆ ဒသမ ၈၀ ဘီလီယံ ထုတ်ချေးထားပြီးဖြစ်ရာ ၇၈ဒသမ၄၆ ရာ ခိုင်နှုန်းထုတ်ချေး ထားပြီး ဖြစ်ကြောင်း သိရသည်။

    ယင်းသို့ ထုတ်ချေးရာတွင် စပါးတစ်ဧကလျင် တစ်သိန်းငါးသောင်းကျပ်၊ အခြားသီးနှံ တစ်ဧကလျင် တစ်သိန်းကျပ်နှုန်းဖြင့် ထုတ်ချေးပေးခြင်းဖြစ်ပြီး မန္တလေးတိုင်းဒေသကြီးတွင် ပြီးခဲ့သည့် ၂၀၁၉ ခုနှစ်အတွက်မိုးရာသီ စိုက်ပျိုးစရိတ်ချေငွေ ၁၄၇ ဒသမ ၅၆ ဘီလီယံ ထုတ်ချေးပေးခဲ့သည်။

မင်းမင်း(AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်