တစ်ပတ်အတွင်း လယ်ယာထွက်ကုန် သီးနှံစျေးကွက် နှိုင်းယှဉ်သုံးသပ်ချက်

ဒီတစ်ပတ်ကတော့ ပွဲတော်ပိတ်ရက်တွေများနေပြီး ကုန်စည်ဒိုင်တွေပိတ်တဲ့အတွက် အရောင်းအဝယ်ကလည်း မရှိသလောက်ဖြစ်သွားပါတယ်။ ပဲဈေးတွေလောက်သာ အတက်အကျရှိပြီး အခြားသီးနှံတွေကတော့ ထူးထူးခြားခြားပြောင်းလဲသွားတာမျိုးမရှိပါဘူး။

ဆန်၊ စပါး

ဒီတစ်ပတ်မှာတော့ ရန်ကုန်ဈေးကွက်မှာ ဆန်ကောင်းရင် အရောင်းအဝယ်ကောင်းတဲ့အခြေအနေ လည်း ဖြစ်ပါတယ်။ ဆန်သစ်က ဈေးအေးနေပြီး အဟောင်းသာ ရောင်းရတဲ့အခြေအနေလည်း ဖြ စ်ပါတယ်။

ရန်ကုန်ဈေးကွက်မှာတော့ ပေါ်ဆန်းအသစ်က တစ်အိတ်ကို ၂၃၀၀၀ ကနေ ၂၄၀၀၀ ကြားပေါက်ဈေးရှိပေမယ့် အဟောင်းဖြစ်တဲ့ မြောင်းမြပုသိမ်ပေါ်ဆန်းကတော့ ၃၈၀၀၀ ကနေ ၄၂၀၀၀ ကျပ်၊ ဖျာပုံပေါ်ဆန်းကတော့ ၃၆၀၀၀ ကနေ ၃၈၀၀၀ ကျပ်၊ ဒေးဒရဲပေါ်ဆန်းကတော့ ၃၅၀၀၀ ကနေ ၃၈၀၀၀ကျပ်၊ ဒေးဒရဲပေါ်ဆန်းကတော့ ၂၅၀၀၀ ကနေ ၃၂၀၀၀ ကြား အသီးသီးရှိပြီး ဈေးငြိမ်ပါတယ်။

နယ်ဈေးကွက်တွေမှာတော့ စပါးသစ်တွေထွက်ရှိပြီဖြစ်တဲ့အတွက် စပါးအဟောင်းဈေးတွေက ငြိမ်နေပြီး ဆန်အဟောင်းတွေကထပ်ပြီးဈေးက ကျဆင်းသွားတာတွေ့ရပါတယ်။ ပေါ်ဆန်းစပါးဈေး၊ ဆန်ဈေးတွေက ငြိမ်နေတာ တစ်လနီးပါးရှိပြီး ဧည့်မထ ဆန်ဈေးတွေကတော့ အနည်းငယ်ကျဆင်းသွားခဲ့ပါတယ်။

စပါးအသစ်ကတော့ ပုသိမ်ဧည့်မထသာ ထွက်ရှိပြီး တင်း ၁၀၀ ကို ၄၆၀၀၀၀ နဲ့ ဈေးဖွင့်ထားပါ တယ်။ မြောင်းမြဧည့်မထကတော့ တင်း ၁၀၀ ကို ၄၆၉၀၀၀ ပေါက်ဈေးရှိပြီး မြောင်းမြပေါ်ဆန်းကတော့ တင်း ၁၀၀ ကို ၆၂၂၀၀၀ ပေါက်ဈေးရှိနေပါတယ်။

ပုသိမ်ပေါ်ဆန်းစပါးအဟောင်းကတော့ တင်း ၁၀၀ ကို ၈၂၄၀၀၀ ကျပ်ရှိပြီး ဆန်ကတော့ ၃၈၀၀၀ ကျပ်ရှိပါ တယ်။ မြောင်းမြပေါ်ဆန်းအဟောင်းစပါးကလည်း တင်း ၁၀၀ ကို ၇၄၅၀၀၀ ကျပ်ရှိပြီး ဆန်က ၄၀၀၀၀ ကျပ်၊ ဒေးဒရဲစပါးက တင်း ၁၀၀ ကို ၇၁၁၀၀၀ ပေါက်ဈေးရှိပြီး ဆန်က ၃၈၀၀၀ ကျပ်၊ဖျာပုံပေါ်ဆန်းက တင်း ၁၀၀ ကို ၇၂၅၀၀၀ ပေါက်ဈေးရှိပြီး ဆန်က ၃၈၀၀၀ ကျပ် အသီးသီး ဈေးငြိမ်ပါ တယ်။ ပုသိမ်ဧည့်မထဆန်က တစ်တင်းခွဲ တစ်အိတ်ကို ၂၀၀၀၀ ပေါက်ဈေးရှိပြီး ၁၀၀၀ ကျပ်၊ မြောင်းမြ ဧည့်မထ ဆန်က တစ်အိတ်ကို ၂၁၅၀၀ ကျပ်ရှိပြီး ၅၀၀ ကျပ်၊ အသီးသီးဈေးကျဆင်းသွားပါတယ်။

မတ်ပဲ (FAQ/RC)

မတ်ပဲကတော့ အမြင့်ဆုံးဈေးရရှိခဲ့ပြီးတောင်သူတွေကို မျှော်လင့်ချက်ပေးခဲ့ပေမယ့် ရက်ပိုင်းအတွင်း ပြန်ကျဆင်းသွားခဲ့ပါတယ်။ ပြီးခဲ့တဲ့ နှစ်နဲ့ ယှဉ်ရင်တော့ အနည်းငယ်မျှော်လင့်ချက်ရှိပေမယ့် တောင်သူတွေလက်ထဲ ပဲ မရှိတဲ့အတွက် ဈေးကောင်းရရှိမှုဟာ တောင်သူတွေအတွက် မဟုတ်ခဲ့တာလည်းတွေ့ရပါတယ်။

အိန္ဒိယမှာ မကြာခဏပြောင်းလဲနေတဲ့ ပဲမူဝါဒတွေကြောင့် မြန်မာ့ပဲဈေးကွက်က ကမောက်ကမ တွေ ဖြစ်ဖြစ်သွားတာလည်းတွေ့ရပါတယ်။

ပြီးခဲ့တဲ့ အပတ်ကတော့ မတ်ပဲက တစ်တန်ကို ၁၃ သိန်းထိ မြင့်တက်သွားခဲ့ပြီး ရက်ပိုင်းအတွင်း ပြန်ကျဆင်းသွားကာ ဈေးပိတ်ရက်မှာ တစ်တန်ကို ၁၂၀၀၀၀၀ ပေါက်ဈေးရှိပါတယ်။ ဒီတစ်ပတ်မှာတော့ တစ်တန်ကို ၁၁၈၀၀၀၀ ပေါက်ဈေးရှိပြီး ပြီးခဲ့တဲ့ အပတ်နဲ့ ယှဉ်ရင်တော့ ၃ သောင်းလောက်ထပ်ပြီး ကျဆင်းသွားခဲ့ပါတယ်။

နယ်ကုန်စည်ဒိုင်တွေဖြစ်တဲ့ မုံရွာဈေးကွက်မှာတော့ မတ်ပဲက တစ်တင်းကို ၃၂၀၀၀ ပေါက်ဈေးရှိပြီး ၄၀၀၀ ကျော်ဈေးကျဆင်းသွားပါတယ်။ နေပြည်တော်ကုန်စည်ဒိုင်မှာလည်းတစ်တင်းကို ၃၀၆၀၀ ပေါက်ဈေးရှိပြီး ၁၉၀၀ ကျပ် ဈေးကျဆင်းသွားခဲ့ပါတယ်။

ပဲစင်းငုံ(နီ)

ပဲစင်းငုံနီကတော့ ပြီးခဲ့တဲ့အပတ်က ဈေးမဖွင့်ပေမယ့် ဒီတစ်ပတ် ပိတ်ရက်ပြီးတဲ့အချိန်မှာတော့ အရောင်းအဝယ် ဖြစ်ပြီးဈေးပြန်ဖွင့်ပါတယ်။ မတ်ပဲဈေးကသာ အတက်အကျအပြောင်းအလဲဖြစ်နေပေမယ့် ပဲစင်းငုံနီကတော့ လက်တလော ပုံမှန်ဈေးရှိနေတယ်လို့ပြောလို့ရပါတယ်။ အတက်အကျကလည်း အနည်းငယ်သာ အပြောင်းအလဲရှိနေပါတယ်။

အိန္ဒိယကပဲဝယ်ယူမှုရက်ကို နိုဝင်ဘာ ၁၅ ရက်နေ့အထိ သက်တမ်းတိုးပေးလိုက်တဲ့အတွက် ရက်ပိုင်းအတွင်း အရောင်းအဝယ်ပြန်ဖြစ်နေတာလည်းဖြစ်ပါတယ်။

ရန်ကုန်ဈေးကွက်မှာတော့ ပဲစင်းငုံနီက ၈၂၀၀၀၀ ကျော်နဲ့ အရောင်းအဝယ်ဖြစ်ပါတယ်။ မုံရွာဈေးကွက် မှာလည်း တစ်တင်းကို ၂၇၇၅၀ ကျပ် နဲ့ဈေးငြိမ်နေပြီး မြင်းခြံကုန်စည်ဒိုင်မှာတော့ တစ်တင်းကို ၂၈၅၀၀ ကျပ်ရှိပြီး ၃၀၀ လောက်ဈေးတက်လာပါတယ်။ ပြည်ကုန်စည်ဒိုင်မှာလည်း တစ်တင်းကို ၂၇၀၀၀ ကျပ်ရှိပြီး ၇၀၀ ကျပ် ဈေးတက်လာပါတယ်။

ပခုက္ကူကုန်စည်ဒိုင်မှာတော့ တစ်တင်းကို ၂၈၉၀၀ ပေါက်ဈေးရှိပြီး ၉၀၀ ကျပ်ဈေးကျဆင်းသွားပါတယ်။

ပဲတီစိမ်း

ပဲတီစိမ်း ကတော့ ဒီတစ်ပတ်မှာ ဈေးအနည်းငယ်တက်လာပါတယ်။ အိန္ဒိယတင်ပို့မှုကြောင့် ဈေးတက်လာတာ ဖြစ်ပြီး ဒီလအတွင်း အပြီးတင်ပို့ရမယ်ဆိုတဲ့အတွက်ကြောင့်လည်းဖြစ်ပါတယ်။ တရုတ်တင်ပို့မှုကတော့ ပုံမှန်ရှိနေပါတယ်။

ရန်ကုန်ဈေးကွက်မှာတော့ ပဲတီစိမ်းက တစ်ပိဿာကို ၁၈၅၀ ကနေ ၂၂၅၀ ပေါက်ဈေးရှိပြီး ၁၀၀ ကျော်ဈေး တက်လာပါတယ်။ မုံရွာဈေးကွက်မှာတော့ ပဲတီစိမ်းကတော့ တစ်တင်းကို ၃၃၅၀၀ ကနေ ၃၅၀၀၀ ပေါက်ဈေးရှိ ပြီး ၁၀၀၀ ကျပ်ဈေးတက်လာပါတယ်။ ပြည်ကုန်စည်ဒိုင်မှာတော့ တစ်တင်းကို ၃၈၅၀၀ ပေါက်ဈေးရှိပြီး ၁၅၀၀ ကျပ်ဈေးတက်လာပါတယ်။

၁၃.၁၁.၂၀၁၉ မှ ၁၅.၁၁.၂၀၁၉ထိ

ဝတ်ရည်မွန်(AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်