မြန်မာနိုင်ငံဆိုင်ရာ အစ္စရေးလ်နိုင်ငံ သံအမတ်ကြီး MFVP သို့ လာရောက်တွေ့ဆုံ

16/06/2021 13:30 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    ၂၀၂၁ ခုနှစ်၊ ဇွန်လ (၁၄) ရက်က မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP) သို့ မြန်မာနိုင်ငံဆိုင်ရာ အစ္စရေးလ်နိုင်ငံသံအမတ်ကြီးနှင့်အဖွဲ့မှ လာရောက်တွေ့ဆုံခဲ့ကြောင်း သိရသည်။

မနေ့ကညနေပိုင်းက မြန်မာနိုင်ငံဆိုင်ရာ အစ္စရေးလ်နိုင်ငံသံအမတ်ကြီး HE.Ronen Gilor နဲ့အဖွဲ့ဦးဆောင်ပြီး ကျွန်တော်တို့ MFVP အသင်းကြီးနဲ့ လာရောက်တွေ့ဆုံခဲ့ပါတယ်။ အကြောင်းအရင်းကတော့ မြန်မာနိုင်ငံက အရပ်ဖက်အဖွဲ့အစည်းတွေနဲ့ ဆုံတွေ့ပြီး အပူပိုင်းဒေသမှာရှိတဲ့ စိုက်ပျိုးရေးကဏ္ဍတွေ တိုးတက်စေဖို့အတွက် ပူးပေါင်းလုပ်ဆောင်နိုင်ဖို့အတွက်ပါ။ ခေတ်မီစိုက်ပျိုးရေးနည်းပညာတွေကို စနစ်တကျသိရှိအောင် ဖြန့်ဝေပေးချင်တဲ့ရည်ရွယ်ချက်နဲ့ လာရောက်ဆွေးနွေးကြတာ ဖြစ်ပါတယ်။

ဟု မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း(MFVP)၏ ဗဟိုအလုပ်အမှုဆောင် ဦးတင်အောင်က ပြောသည်။

    မြန်မာနိုင်ငံရှိ အပူပိုင်းဒေသများအတွင်း ဟင်းသီးဟင်းရွက်နှင့် သစ်သီးဝလံ စိုက်ပျိုးထုတ်လုပ်မှုဆိုင်ရာ စိုက်ပျိုးရေးနည်းပညာဖွံ့ဖြိုးရေးသင်တန်းများ ပို့ချနိုင်စေရေး၊ ကျွမ်းကျင်သင်တန်းသားများစေလွှတ်ရေး စသည့်ကိစ္စရပ်များကို MFVP ဥက္ကဌ၊ တာဝန်ရှိသူများနှင့် တွေ့ဆုံဆွေးနွေးခဲ့ခြင်းဖြစ်သည်။

ကနဦးအနေနဲ့တော့ စိုက်ပျိုးရေးနည်းပညာတွေကို Zoom ကို အသုံးပြုပြီး အွန်လိုင်းပို့ချသင်ကြားရေးအနေနဲ့ အရင်ဆုံး သင်ကြားပို့ချပေးမှာဖြစ်ပါတယ်။ အွန်လိုင်းပြင်ပ သင်ကြားရေးအနေနဲ့ဆိုရင်လည်း သက်ဆိုင်ရာသီးနှံအလိုက် သင်ကြားမှုအဆင့်တွေခွဲခြားပြီး ဆက်လက်သင်ကြားပေးမှာပါ။ စိုက်ပျိုးရေးတက္ကသိုလ်က ကျောင်းသားတွေသာမက စိုက်ပျိုးရေးအခြေခံကိုနားလည်ပြီး စိတ်ပါဝင်စား ဝါသနာပါသူတွေလည်း သင်ကြားနိုင်ပါတယ်။ ကျွန်တော်တို့ MFVP အသင်းကြီးကတော့ အဓိက ဦးဆောင်သူတွေအဖြစ်နဲ့ ပါဝင်ဆောင်ရွက်ပေးသွားမှာပါ။ သင်ကြားမှုမှာ သီအိုရီပိုင်းအပြင် ခြံတွေမှာလက်တွေ့ ပြသမှုတွေလည်းပါဝင်ပါမယ်။

ဟု ဦးတင်အောင်က ဆက်လက်ပြောကြားသည်။

    မြန်မာနိုင်ငံနှင့် အစ္စရေးနိုင်ငံတို့သည် စိုက်ပျိုးရေးကဏ္ဍဖွံ့ဖြိုးတိုးတက်စေရေးအတွက် နှစ်ပေါင်း(၆၀)ကျော်သက်တမ်းကြာ ပူးပေါင်းလုပ်ဆောင်မှုများ ရှိခဲ့ကြပြီဖြစ်သည်။

    ယခုသင်တန်းပို့ချမှုတွင် အဓိကအားဖြင့် အပူပိုင်းဒေသအတွင်း စိုက်ပျိုးထုတ်လုပ်နေသည့် သီးနှံအမျိုးအစားများအတွက် ကာလတိုသင်ရိုးများစီစဉ်ထားပြီး၊ သင်တန်းစတင်ပို့ချမှု လုပ်ငန်းစဉ်ကို ၂၀၂၁ ခုနှစ် ဇွန်လတတိယပတ်မှစတင်၍ စီစဉ်လုပ်ဆောင်သွားမည်ဖြစ်ကြောင်း သိရသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်