စျေးကွက် ချိတ်ဆက်ပေးမယ့် အစိမ်းရောင်လမ်း ဗားရှင်းအသစ်

ဗားရှင်းအသစ်ရဲ့ ထူးခြားချက်(၃)ချက်

အစိမ်းရောင်လမ်းရဲ့ ဗားရှင်း အသစ် (၃.၅.၀) မှာ တောင်သူတွေခက်ခဲနေတဲ့ စျေးကွက်ပြဿနာအတွက် ဒီဗားရှင်းက အဖြေတစ်ခုဖြစ်ဖို့ အစိမ်းရောင်လမ်းအဖွဲ့သားတွေက ကြိုးပမ်းထားပါတယ်။

ဘာတွေလဲဆိုတော့….

၁။ အသိပေးစာပို့ပေးခြင်း

ဒီတစ်ချက်က အစိမ်းရောင်လမ်းမှာပဲရနိုင်တဲ့ လုပ်ဆောင်ချက်တစ်ခုလည်းဖြစ်ပါတယ်။ သင့်ရဲ့ အရောင်းအဝယ်ပို့စ်တွေအတွက် ထိရောက်မှုရှိစေဖို့ပါ။ နှမ်းစိုက်တဲ့တောင်သူက နှမ်းနက်ရောင်းချင်ပါတယ်ဆိုတဲ့အကြောင်းတင်တဲ့အခါ ဆော့ဝဲထဲက နှမ်းဝယ်တဲ့သူတွေဆီ အသိပေးစာ ပို့ပေးမှာပါ။ ပဲတီစိမ်းမျိုးလိုချင်လို့ အဝယ်ပို့စ်တင်လိုက်တဲ့အခါမှာလည်း ပဲစိုက်တဲ့တောင်သူတွေဆီ အသိပေးစာပို့ပေးမှာပါ။ ဒီလိုဝန်ဆောင်မှုကို အစိမ်းရောင်လမ်းဗားရှင်းအသစ်မှာ ရနိုင်မှာဖြစ်ပါတယ်။

၂။ စိတ်ကြိုက်ထည့်နိုင်မယ့် ဆက်သွယ်ရမယ့် ဖုန်းနံပါတ်

အရောင်းအဝယ်လုပ်ချင်ပေမယ့် ဖုန်းမကောင်းတာ၊ ဖုန်းနဲ့အချိန်ပြည့်မရှိတာက အဟန့်အတားမဖြစ်စေဖို့ ဒီတစ်ချက်ကို ထည့်သွင်းစဉ်းစားထားပေးတာပါ။ ကိုယ် ကကွင်းအလုပ်တွေနဲ့မအားရင် ဖုန်းလက်ခံဖြေကြားပေးမယ့်သူရဲ့ နံပါတ်ကို ထည့်လို့ရပါသေးတယ်။ လူငယ်တွေအနေနဲ့လည်း စျေးကွက်မှာ ပိုမိုပါဝင်လာနိုင်ပြီး တောင်သူမိဘတွေကို ကူညီနိုင်စေဖို့ ရည်ရွယ်ထားတဲ့ လုပ်ဆောင်ချက် အသစ်လေးလည်းဖြစ်ပါတယ်။

၃။ အမေးအဖြေနဲ့ အရောင်းအဝယ်မှာ အချင်းချင်းစကားပြောနိုင်ပြီ

ဒါကတော့ အသုံးပြုသူတွေတောင်းဆိုထားတဲ့ လုပ်ဆောင်ချက်ပါ။ ရောင်းဝယ်ညှိနှိုင်းဖို့ပဲဖြစ်ဖြစ်၊ ပညာရှင်တွေနဲ့ အမေးအဖြေမှာ စကားပြောချင်လို့ပဲဖြစ်ဖြစ်၊ နာမည်လေးကို နှိပ်လိုက်တာနဲ့ စာတိုပို့နိုင်ပြီဖြစ်ပါတယ်။

ဒီလိုလုပ်ဆောင်မှုတွေအသစ်တွေနဲ့ စျေးကွက်ချိတ်ဆက်နိုင်မယ့် အစိမ်းရောင်လမ်းဗားရှင်းအသစ်ကို အခမဲ့ အသုံးပြုနိုင်ပါပြီ။

Play storeမှာ update မြှင်ပြီး စတင်ချိတ်ဆက်နိုင်ပါပြီ။

ဒီလင့်တွေကလည်း တိုက်ရိုက်ရယူနိုင်ပါတယ်။

ဆော့ဝဲလ်ရယူရန်- http://dl.greenwaymyanmar.com/

ဆော့ဝဲလ်ရယူရန် (Huawei App Gallery) ဟွာဝေး ဖုန်းများအတွက်- 

http://appgallery.cloud.hauwei.com/ag/n/app/C102559487

iOS userတွေကလည်း seller-buyer linkage ကို ဒီwebsiteမှာ www.zaytangyi.com ဝင်ရောက်ကြည့်ရှုနိုင်ပါပြီ။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more