ကျွဲ၊ နွားများတွင် အဖြစ်များသော ဒေါင့်သန်းရောဂါ

ကျွဲ၊နွားများတွင်အဖြစ်များသော ဒေါင့်သန်းရောဂါမှာ ဘက်တီးရီးယားပိုး( Bacteria) ကြောင့် ဖြစ်ပွားရပါသည်။ ဒေါင့်သန်းရောဂါကိုဖြစ်စေသော ဘက်တီးရီးယားပိုးသည် အပူ၊အအေးဒဏ်နှင့် ပဋိဇီဝဆေးအချို့ကို ခံနိုင်ရည်ရှိပြီး မြေကြီးထဲတွင် နှစ်ပေါင်းများစွာ ရှင်သန်နိုင်ကြသည်။

ရောဂါလက္ခဏာများ အနေဖြင့် -

-ရောဂါဖြစ်သောတိရစ္ဆာန်သည် ကိုယ်အပူချိန် ၁၀၇ ဒီဂရီ ဖာရင်ဟိုက်အထိတက်ခြင်း၊

-မျက်စိများ နီရဲနေခြင်း၊

-အစာ မစားခြင်း၊

-စားမြုံ့ မပြန်ခြင်း၊

-နို့ မထွက်ခြင်း၊

-တခါတရံ သားလျှောခြင်းများ တွေ့ရတတ်ပါသည်။

-နောက်ပိုင်းတွင် အသက်ရှူကျပ်၍ ယိမ်းယိုင်ခြင်း၊ရုန်းကန် ခြင်းများဖြစ်ကာ သေဆုံးတတ်ပါသည်။

-သေဆုံးပြီးနောက် ဒွာရပေါက်များမှ သွေးများယိုစီးခြင်းကို တွေ့ရပါမည်။

သတိပြုရမှာကဒေါင့်သန်းရောဂါဖြစ်ပြီး သေဆုံးသွား သည့်တိရစ္ဆာန်ကို ခွဲစိတ်စစ်ဆေးခြင်း မပြုလုပ်ရပါ။ မြေမြုပ် ပစ်ရပါမည်။

ရောဂါကူးစက်ပြန့်ပွားပုံမှာ

- ရောဂါပိုးရှိသည့်မြေတွင်ပေါက်သည့် မြက်များ၊အခြား အစားအစာများအား စားမိခြင်းဖြင့်လည်းကောင်း၊ ထိခိုက်ရှနာမှ တဆင့်သော်လည်းကောင်း၊ ခန္ဓာကိုယ်အတွင်းသို့ ရောဂါကူးစက်ဝင်ရောက်နိုင်ပါသည်။

ကာကွယ်ခြင်း

မွေးမြူရေးနှင့် ကုသရေးဦးစီးဌာနမှ ဒေါင့်သန်းရောဂါ ကာကွယ်ဆေးကို အသက်(၄)လအထက် ကျွဲ၊ နွားများကို ၁နှစ်လျှင် ၁ကြိမ် ထိုးနှံပေးခြင်းဖြင့် ကာကွယ်မှု ပေးနိုင်ပါသည်။ ဆေးထိုးပြီး ၅ရက်မှ ၁၂ရက် အကြာတွင် ရောဂါခံနိုင်ရည်စွမ်း အားကို ရရှိပါမည်။

ကုသခြင်း

ပင်နဆလင် (Penicillin)၊ အောက်စီတက်ထွာဆိုက်ကလင်း(Oxytetracycline) စသော ပဋိဇီဝဆေးများအား ရောဂါဖြစ်စ တွင် ထိုးနှံကုသပေးခြင်းဖြင့် ပျောက်ကင်းနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ