သိုး၊ ဆိတ်များတွင်အဖြစ်များပြီး လူကိုပါကူးစက်စေနိုင်သည့် Anthrax ဟုခေါ်သော ထောင့်သန်းရောဂါ

ထောင့်သန်းရောဂါ(Anthrax)သည် သေစေနိုင်လောက်အောင် ပြင်းထန်သော ရောဂါတစ်မျိုး ဖြစ်ပြီး စားမြုံ့ပြန်သတ္တဝါများတွင် အလွန်ပြင်းထန်စွာဖြစ်ပွားပြီး ဝက်နှင့်အခြားအသားစား တိရစ္ဆာန်များ တွင်မူ ရောဂါပြင်းထန်မှု သိပ်မရှိပါ။

အဆိုပါထောင့်သန်းရောဂါသည် လူသို့လည်းကူးစက်နိုင်ပြီး ကူးစက်ပါက အထူးသဖြင့် အရေပြားတွင် အနာများဖြစ်ပေါ်လာပါသည်။ လူတွင်ဖြစ်ပွားပါက သိသိခြင်း ပဋိဇီဝဆေးဝါးများဖြင့် ကုသနိုင်ပါသည်။

ရောဂါဖြစ်စေသည့် အကြောင်းအရင်းများမှာ

- Bacillus anthracis ဟုခေါ်သည့် လေမရှိမှအသက်ရှင်နိုင်သော ဘက်တီးရီးယားပိုးတစ်မျိုး ကြောင့် ဖြစ်ပွားပါသည်။

- ၄င်းဘက်တီးရီးယားပိုးသည် ပတ်ဝန်းကျင်တွင်အခွံဖြင့် အုပ်ထားသောပုံစံ(Spores)အဖြစ် ဆယ်စုနှစ်များ ကြာအောင် ရှင်သန်နေကြပါသည်။

- အထူးသဖြင့် ယင်းဘက်တီးရီးယားပိုးသည် ရေကြီးသည့်အခါ ဒေသတစ်ခုမှ အခြားတစ်ခုသို့ ပျံ့နှံ့ ရောက်ရှိသွားပါသည်။

- ၄င်း Spores ကို ခံနိုင်ရည်မရှိသောတိရစ္ဆာန်က စားမိသောအခါ ပေါက်ပွားနိုင်သောပုံစံ (Vegetative Form) အဖြစ်သို့ ပြန်လည်၍ ပြောင်းသွားပြီး တိရစ္ဆာန်အား ရောဂါဖြစ်ပွားစေ ပါသည်။

ရောဂါလက္ခဏာများမှာ

- အပြင်းဖျားခြင်း၊

- ငြိမ်သွားခြင်း၊

- ခန္ဓာကိုယ်ဒွါရပေါက်များမှ သွေးများကျဆင်းလာခြင်း စသည်တို့ကိုတွေ့ရပါသည်။

- ထို့နောက် ခန္ဓာကိုယ်အတွင်းသွေးမတိတ်နိုင်ဘဲ သေဆုံးသွားမည် ဖြစ်ပါသည်။

အသေကောင်အား ခွဲစိတ်စစ်ဆေးခြင်း

- အကယ်၍ တိရစ္ဆာန်တစ်ကောင်ကောင် သေဆုံးသွားပြီး ထောင့်သန်းရောဂါဟု သံသယရှိပါက အသေကောင်ကို ခွဲစိတ်ခြင်းလုံးဝမပြုလုပ်သင့်ပါ။ အဘယ်ကြောင့်ဆိုသော ထိုသို့ခွဲစိတ် လိုက်ခြင်းဖြင့် ဘက်တီးရီးယားများသည် Spores အဖြစ်ပြောင်းလဲပြီး ထိုနေရာတွင် နှစ်ပေါင်း များစွာ ဆက်လက်ရှိနေနိုင်သောကြောင့်ဖြစ်ပါသည်။

- ထို့ကြောင့် အသေကောင်အား မီးရှို့ဖျက်ဆီးသင့်ပါသည်။ (သို့မဟုတ်)အနည်းဆုံး ၂မီတာ (၆ပေကျော်) တွင်းကိုတူး၍ တိရစ္ဆာန်အသေကောင်အားထည့်သွင်းကာ ထုံးဖြူးပြီးမှ မြှုပ်နှံသင့် ပါသည်။

- အကယ်၍ အသေကောင်ကို ခွဲစိတ်ကြည့်ပါက သရက်ရွက်သည် ပုံမှန်ထက် ၄-၅ ဆ ပိုကြီး နေသည်ကို တွေ့ရမည်ဖြစ်ပါသည်။

ရောဂါအား စစ်ဆေးခြင်း

- ရောဂါလက္ခဏာများကို ဓာတ်ခွဲခန်းတွင် စစ်ဆေးခြင်းဖြင့်သိရှိနိုင်ပါသည်။ ရောဂါနမူနာ ရယူရန်အတွက် ဒွါရပေါက်များမှ ကျလာသော အရည်များကို အဝတ်စသန့်သန့်တွင် စိမ့်ဝင်စေပြီး အခြောက်ခံကာ ဖန်ပုလင်း (သို့မဟုတ်)ပလတ်စတစ်ပုလင်း တစ်ခုအတွင်းတွင် ထည့်၍ လုံအောင်ပိတ်ပြီး ရောဂါရှာဖွေရေး ဓာတ်ခွဲခန်းသို့ ပေးပို့စစ်ဆေးသင့်ပါသည်။

ကာကွယ်ခြင်း

- ကာကွယ်ဆေး ကြိုတင်ထိုးနှံခြင်းဖြင့် ကောင်းစွာ ကာကွယ်နိုင်ပါသည်။

- မိမိဒေသတွင် ထောင့်သန်းရောဂါကြောင့် တိရစ္ဆာန်များသေဆုံးပြီးပါက နှစ်စဥ်ပုံမှန် ကာကွယ်ဆေး ထိုးနှံပေးခြင်းဖြင့် ရောဂါထပ်မံဖြစ်ပွားမှုကို ကာကွယ်နိုင်မည်ဖြစ်ပါသည်။

ကုသခြင်း

- များသောအားဖြင့် ရောဂါဖြစ်ကြောင်းသိရှိချိန်တွင် အလွန်နောက်ကျနေပြီဖြစ်သဖြင့် ကုသမှုမှာ မထိရောက်သည်ကို တွေ့ရှိရပါသည်။

- သို့ရာတွင် တိရစ္ဆာန်တစ်ကောင် သေဆုံးပြီးနောက် အခြားတိရစ္ဆာန်များကို သေချာစွာစစ်ဆေး၍ ဖျားကာစတွင် ပဋိဇီဝဆေးများ ထိုးနှံပေးနိုင်ပါက ရောဂါဆက်လက် မပြန့်ပွားအောင် ထိန်းချုပ်နိုင်မည် ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သိုး၊ ဆိတ်များတွင်အဖြစ်များပြီး လူကိုပါကူးစက်စေနိုင်သည့် Anthrax ဟုခေါ်သော ထောင့်သန်းရောဂါ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သိုး၊ ဆိတ်များတွင်အဖြစ်များပြီး လူကိုပါကူးစက်စေနိုင်သည့် Anthrax ဟုခေါ်သော ထောင့်သန်းရောဂါ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဇီဝကမ္မ ဖြစ်စဉ်ချို့တဲ့မှုကြောင့် ဖြစ်ပွားတတ်သော ရောဂါလက္ခဏာများ

နို့အုံရောင်ရောဂါ စစ်ဆေးခြင်း(၁) (ပထမဆုံးညှစ်သော နို့ရည်ကို စစ်ဆေးခြင်း)

နို့အုံရောင်ရောဂါစစ်ဆေးခြင်း-၂ (အမြန်နည်းဖြင့် စစ်ဆေးခြင်း)

{{ post.title }}