ကျွဲကောသီးဇုန်ဖော်ဆောင်ရန် ကရင်ပြည်နယ်အစိုးရအဖွဲ့သို့ မြေဧက ၃၀၀ ထပ်မံတင်ပြ

23/07/2019 11:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ရန်ကုန်၊ ဇူလိုင်၂၂ ရက်။

ကရင်ပြည်နယ်တွင် ကျွဲကောသီးစိုက်ပျိုးရေးဇုန် အကောင် အထည်ဖော်ဆောင်ရန်အတွက် ကရင်ပြည်နယ်အစိုးရအဖွဲ့သို့ မြေဧက ၃၀၀ ခွင့်ပြုပေးရန် ထပ်မံတင်ပြတောင်းဆိုထားကြောင်း မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ သိရသည်။

ကျွဲကောသီးဇုန် ဖော်ဆောင်ရန် ကရင်ပြည်နယ်အစိုးရအဖွဲ့ သို့ ၂၀၁၇ ခုနှစ်က မြေနေရာတောင်းဆိုခဲ့ခြင်းဖြစ်သော်လည်း သက်ဆိုင်ရာ ပြည်နယ်အစိုးရအဖွဲ့မှ ခွင့်ပြုပေးနိုင်ခြင်းမရှိသဖြင့် ပြည်နယ်အစိုးရအဖွဲ့မှ မြေနေရာအတွက် ထပ်မံတင်ပြရန် အသိပေးခြင်းကြောင့် ဇွန်လက ဒုတိယအကြိမ် တင်ပြထားကြောင်းသိရသည်။

“ပြည်ပက ကျွဲကောကို အလုံးအရင်းနဲ့ ဝယ်ချင်တယ်။ ဒါပေမယ့် ဦးတို့ဆီကထွက်တဲ့ ကျွဲကောသီးပမာဏက ပို့နိုင်တဲ့ပမာဏမရှိဘူး။ အဲ့ဒါကြောင့် ပြည်ပတင်ပို့နိုင်တဲ့ ပမာဏရဖို့အတွက် ဇုန်ကြီးတွေလုပ်ပြီးတော့မှ အလုံးအရင်းနဲ့ထုတ်ပြီးတော့ စျေးကွက်ကို သွားမှရမယ်။ အဲ့ဒါကြောင့် ဦးတို့က မွန်ပြည်နယ်အစိုးရနဲ့ သွားပြောတယ်။ ကရင်ပြည်နယ်အစိုးရအဖွဲ့နဲ့လည်း ညှိနှိုင်းတယ်။ ဒါပေမယ့် မြေကတော့ သိတဲ့အတိုင်း အခက်အခဲတွေ အများကြီးရှိတယ်။ သူတို့လည်း ခွင့်ပြုမပေးနိုင်ဘူး။ ဒါက ဦးတို့အနေနဲ့ လုပ်မှာမဟုတ် ဘူး။ ကျွဲကောစိုက်တဲ့ တောင်သူတွေ ဝင်ရောက်လုပ်ကိုင်မှာဖြစ်တယ်။” မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း ဥက္ကဌ ဦးစိုးသန်းမင်းဒင်က ပြောသည်။

လက်ရှိတွင် မြန်မာ့ကျွဲကောအား ဝယ်ယူရန် တရုတ်နိုင်ငံအပါအဝင် ပြည်ပနိုင်ငံအချို့မှ ကမ်းလှမ်း မှုများရှိသော် လည်း ပြည်တွင်း၌ အရည်အသွေးကောင်းမွန်စွာ ထုတ်လုပ်နိုင်မှုအားနည်းခြင်းကြောင့် ပြည်ပစျေးကွက်လိုအပ်ချက်ကို ပြည့်မီအောင် ဆောင်ရွက်နိုင်ခြင်းမရှိသေးကြောင်း သိရသည်။

ကျွဲကောသီးစိုက်ပျိုးရေးဇုန် အကောင်အထည်ဖော်ဆောင်ရွက်ရန်အတွက် မွန်ပြည်နယ်အစိုးရအဖွဲ့သို့ တင်ပြတောင်းဆိုထားသော်လည်း မြေယာအခက်အခဲများကြောင့် မြေနေရာပေးနိုင်ခြင်းမရှိသေးကြောင်း သိရသည်။

“အခု ကရင်ပြည်ကို နောက်ထပ် တင်ပြပါလို့ ပြောလာတဲ့အတွက် ဧက ၃၀၀ လောက် ဦးတို့ထပ်တင်တယ်။ အဲ့ဒါတင်ပြထားတာ တစ်လလောက်ပဲ ရှိသေးတယ်။ ပထမအကြိမ်တင်ပြတာက တစ်နှစ်ကျော်လောက်ရှိပြီ။ ကရင်ပြည်နယ် သစ်သီးဝလံအသင်းစဖွဲ့ကတည်းက တင်ပြတော့ ဝန်ကြီးချုပ်ကလည်း စိတ်ဝင်စားတယ်။ တကယ်တမ်းတော့ မြေနေရာကို မပေးနိုင်ကြဘူး။ ဦးတို့ကတော့ ကရင်ပြည်နယ်ထဲက အဆင်ပြေတဲ့နေရာပေးဖို့ တောင်းထားတယ်။” ဟု ဦးစိုးသန်းမင်းဒင်က ပြောသည်။

ပြည်တွင်း၌ ကျွဲကောသီးမျိုးစိတ်ပေါင်း ၂၀ ကျော်ရှိသော်လည်း ပန်းတစ်ကျွဲကောနှင့် ပျားကျွဲကောမျိုးစိတ်သာ ပြည်ပစျေးကွက်အများဆုံးရှိပြီး မြန်မာနိုင်ငံတစ်နိုင်ငံလုံးတွင် ကျွဲကောစိုက်ဧက ၅၀၀၀ ကျော်ရှိကြောင်း သိရသည်။

ကျွဲကောကို မွန်ပြည်နယ်၊ ကရင်ပြည်နယ်၊ ကချင်ပြည်နယ်၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ မန္တလေးတိုင်းဒေသကြီးနှင့် ရန်ကုန်တိုင်းဒေသကြီးတို့တွင် စိုက်ပျိုးဖြစ်ထွန်းသော်လည်း ကရင်ပြည်နယ်နှင့် မွန်ပြည်နယ်တို့တွင် အများဆုံးစိုက်ပျိုးထုတ်လုပ်လျက်ရှိကြောင်း သိရသည်။ 

အေးအေးမြင့်(ABM)

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်