မုန့်ဖုတ်ဆိုဒါကို မြေချဉ်ငန်တိုင်းဖို့နဲ့ အပင်ရောဂါတွေကာကွယ်ဖို့ အသုံးချခြင်း

သဘာဝပြုလုပ်နည်းတွေက အိမ်မှာဘဲ အလွယ်ပြုလုပ်နိုင်ကာ ကုန်ကျစရိတ်လည်း သက်သာမှုရှိပါတယ်။ ဒါ့အပြင် အိမ်လုပ်နည်းလမ်းလေးတွေဖြစ်တဲ့အတွက်  လူနဲ့ ပတ်ဝန်းကျင်ကို ထိခိုက်မှုမရှိစေဖို့ စိတ်ချလက်ချ အသုံးပြုနိုင်တဲ့ နည်းလမ်းလေးအချို့ကို မျှဝေပေးလိုက်ပါတယ် ။

pH မီတာအစားအသုံးပြုနိုင်ခြင်း

သီးနှံတွေမစိုက်ပျိုးခင်မှာ မြေဆီလွှာ စမ်းသပ်သင့်တာကို သိရှိပြီးသားဖြစ်မှာပါနော်။ ဒါကြောင့် pH မီတာကိုဝယ်လို့ကလည်း မလွယ်လို့ အိမ်မှာအလွယ်တကူ စမ်းသပ်ချင်တဲ့သူတွေအတွက် ရှာလကာရည်၊ မုန့်ဖုတ်ဆိုဒါတေွနဲ့ စမ်းသပ်နည်းလေးကိုပြောပြပေးလိုက်ရပါတယ်။

(၁)  စမ်းသပ်ချင်တဲ့ မြေကြီးကို ပုံးထဲထည့်ပြီး ရှာလကာရည်လောင်းထည့်လိုက်ရပါမယ်။ အမြှုပ်တစီစီထပြီး တစီစီအသံကြားပါက မြေငန်အမျိုးအစားလို့ဆိုနိုင်ပါတယ်။ pH က 7 အထက်မှာပါ။

(၂) ရှာလကာရည်နဲ့စမ်းလို့ အမြှုပ်မထဘူးဆိုရင်တော့ မြေကြီးနဲ့ရေကို ရွှံ့စေးဖြစ်အောင်ရောပြီး မုန့်ဖုတ်ဆိုဒါ အနည်းငယ်ထည့်လိုက်ပါ။ အမြှုပ်ထလာပါက မြေချဉ်အမျိုးအစား ဖြစ်တယ်လို့သတ်မှတ်နိုင်ပါတယ်။ pH 7 အောက် ရောက်နေတယ်လို့ ပြောနိုင်ပါတယ်။ 

(၃)  ရှာလကာရည်နဲ့ မုန့်ဖုတ်ဆိုဒါ ၂ ခုလုံးထည့်ကြည့်ပြီးတော့ အမြှုပ်မထဘူးဆိုရင်တော့ pH 7 ဝန်းကျင်ရှိတဲ့ မြေအမျိုးအစားလို့သတ်မှတ်နိုင်ပါတယ်။

မှိုသတ်ဆေးအဖြစ်သုံးနိုင်ခြင်း

သဘာဝမှိုသတ်ဆေးအဖြစ် အသုံးပြုချင်ရင်တော့ ရေ ၁ ဂါလံ ၊ မုန့်ဖုတ်ဆိုဒါ ၁ ဇွန်း ၊ castile ဆပ်ပြာ ( ဟင်းသီးဟင်းရွက်ဆီ ပါဝင်သော ဆပ်ပြာ) နဲ့ ဟင်းသီးဟင်းရွက်ဆီ ၁ ဇွန်းကို နှံ့စပ်အောင် ရောမွှေပြီး  မှိုရောဂါကျနေတဲ့ အပင်တွေကို ဖျန်းပေးနိုင်ပါတယ်။ ရောဂါဒဏ်ခံရပြီးသားအရွက်တွေကိုတော့ အရင်ဖယ်ရှား ပစ်ဖို့ လိုပါတယ်။ ဓာတုမပါဝင်တဲ့အတွက် အပင်တွေကို မှိုရောဂါကြိုတင်ကာကွယ်ဖို့လည်း ဖျန်းပက် အသုံးပြုနိုင်ပါတယ်။

ရွက်နက်ပြောက်ရောဂါ (black spot disease) အတွက်အသုံးပြုနိုင်ခြင်း

နှင်းဆီမှာဆိုးဝါးစွာကျတတ်တဲ့ ရွက်နက်ပြောက်ရောဂါ ကို မုန့်ဖုတ်ဆိုဒါ (၂ ဇွန်း သို့ ၃ ဇွန်း) နဲ့ရေ ၁ ဂါလံကို ရောပြီး ကြိုတင်ကာကွယ်ဆေးအနေနဲ့ အသုံးပြုနိုင်ပါတယ်။ horticultural soap ( ရေနံဆီ သို့ အပင်တွေကထုတ်ထားတဲ့ဆီ ) နဲ့ပြုလုပ်ထားတဲ့ ဆပ်ပြာကို ထည့်ချင်လည်းရပါတယ်။ မထည့်ချင်လည်း ဘာမှမဖြစ်ပါ။ ရွက်ပြောက်ရောဂါကို ကာကွယ်ဖို့အတွက်ဆိုရင် အပတ်တိုင်းတော့ မှန်မှန်ဖျန်းပေးဖို့လိုပါမယ်။

 ref: HouseHold Hints by Heather Rodino

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်