မြန်မာနိုင်ငံဝါးစိုက်ပျိုးရေးအသင်းမှ ဦးဆောင်၍ ဝန်ကြီးများရုံး၌ ဝါးလက်မှုထည်ဆိုင်ခန်းဖွင့်လှစ်မည်

    ဝါးလက်မှုထည် ဈေးကွက်သစ်များဖော်ဆောင်ရန် ရည်ရွယ်ချက်ဖြင့် မြန်မာနိုင်ငံဝါးစိုက်ပျိုးရေးအသင်းမှဦးဆောင်၍ ဝန်ကြီးများရုံး၌ ဝါးလက်မှုထည်ဆိုင်ခန်းဖွင့်လှစ်မည်ဖြစ်ကြောင်း သိရသည်။

အသင်းကနေ သင်တန်းပေးနေတဲ့ သင်တန်းသားတွေရဲ့လက်ရာတွေကို ဈေးကွက်သစ်တွေ ရှာပေးချင်တာရယ်၊ ကိုယ့်မြန်မာနိုင်ငံတွင်းမှာ ကိုယ့်နိုင်ငံသားတွေ ကိုယ်တိုင်ပြုလုပ်ဖန်တီးထားတဲ့ ဝါးလက်မှုထည်လေးတွေကို လူအများမြင်တွေ့သိရှိအောင် ပြသနိုင်ဖို့ရယ် အပြင်၊ ဝါးအဆောက်အဦ တည်ဆောက်ချင်တဲ့သူဖြစ်ဖြစ် တစ်နေရာတည်းမှာ ဝါးအသင်းကို လာရောက်ဆက်သွယ်လို့ရနိုင်စေဖို့၊ နောက်ဆုံးပြောရရင် ဝါးစိုက်ပျိုးရေးကို စိတ်ပါဝင်စားလို့ ဝါးပျိုးပင်လေးလိုချင်တာဖြစ်ဖြစ် နီးစပ်ရာဒေသမှာ ရနိုင်တဲ့ အသင်းသားတွေဆီ လမ်းညွှန်ပေးနိုင်ဖို့တွေအထိကို ရည်ရွယ်ထားပါတယ်။

ဟု မြန်မာနိုင်ငံဝါးစိုက်ပျိုးရေးအသင်း(ဗဟို) ၏ ဥက္ကဌ ဦးကျော်ဝင်း က ပြောသည်။

    အဆိုပါဆိုင်ခန်းအတွက် ကုန်ကျစရိတ် (ဆိုင်ခန်းငှားခ) များကို မြန်မာနိုင်ငံဝါးစိုက်ပျိုးရေးအသင်း၏ ဈေးကွက်ရှာဖွေရေးကော်မတီဝင် (၄) ဦးမှ အကျိုးအမြတ်မရသေးခင် ကာလများအတွင်း ဦးဆောင်မ,တည်ပေးထားခြင်းဖြစ်ကြောင်း သိရသည်။

ဖွင့်ပွဲတော့ မလုပ်သေးဘူးပေါ့။ ဆိုင်အတွက် လိုအပ်တာလေးတွေတော့ စီစဉ်နေတယ်။ စက်တင်ဘာလအစကနေ စနေပြီပေါ့။ ဝါးနဲ့ ပြုလုပ်တဲ့ တစ်ရှူးပုံးလေးတွေ၊ ဝါးသော့ချိတ် စတာလေးတွေ အစုံတော့ တင်ထားပါတယ်။ အရင်တုန်းကတော့ ထုတ်ကုန်တွေကို စုစည်းပြီးတော့မှ ရန်ကုန်၊ နေပြည်တော်၊ တောင်ကြီး၊ မုံရွာ၊ ပုဂံ စတဲ့ မြို့တွေမှာ ပြပွဲတွေကျင်းပတဲ့အခါ၊ ဈေးကွက်ရှာဖွေရင်း သွားပြသခဲ့ကြတယ်။ အဲ့ဒီတုန်းက လမ်းခရီးသွားလာ ကုန်ကျစရိတ်နဲ့ဆိုတော့ အကျိုးအမြတ်မရဘဲ တော်တော်ရှုံးခဲ့ကြပါတယ်။

ဟု ဦးကျော်ဝင်းက ဆက်လက်ပြောသည်။

    ကချင်ပြည်နယ်၊ ချင်းပြည်နယ်၊ စစ်ကိုင်းတိုင်း၊ မန္တလေးတိုင်း အစရှိသည့် မြန်မာနိုင်ငံ ဒေသအသီးသီးမှ အသင်းသားများ၏ လက်ရာများအပြင်၊ တခြားဝါးလက်မှုထည်လက်ရာများကိုပါ ဆိုင်ခန်းတွင် ပြသနိုင်ရန် ကြိုးပမ်းသွားမည်ဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more