ဘိန်းအစားထိုးသီးနှံအဖြစ် တစ်သျှူးငှက်ပျော၊ ရော်ဘာ၊ ပြောင်းတို့ကို တိုးမြှင့်တင်ပို့ခွင့် ရရှိရေးဆွေး နွေးထား

တရုတ်နိုင်ငံဘက်သို့ ဘိန်းအစားထိုးသီးနှံအဖြစ် တစ်သျှူးငှက်ပျော၊ ရော်ဘာ၊ ပြောင်းတို့ကို တိုးမြှင့်တင်ပို့ခွင့် ရရှိရေး ဆွေးနွေးထားကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သိရသည်။

“ နှစ်နိုင်ငံ နယ်စပ်ကုန်သွယ်ရေး အစည်းအဝေးကို လေးလတစ်ကြိမ် ကျင်းပဖို့ သဘောတူထားတယ်။ ဒီအစည်း အဝေးတွေကနေ ကုန်သွယ်ရေး အခက်အခဲတွေ၊ ဆောင်ရွက်မယ့် လုပ်ငန်းတွေကို အပြန်အလှန် ဆွေးနွေးနိုင် ဖို့ဖြစ်တယ်” ဟု ကန်ပိုက်တီး နယ်စပ်ကုန်သွယ်ရေးစခန်း တာဝန်ခံ ဒုတိယညွန်ကြားရေးမှူး ဦးသန့်စင်မင်းက ပြောသည်။

ထို့ပြင် နှစ်နိုင်ငံကုန်သွယ်မှု အစည်းအဝေးအရ ကိုတာ သတ်မှတ်ထားသော သီးနှံများအနက် တစ်သျှူး ငှက် ပျောကို ကန်ပိုက်တီ ကုန်သွယ်ရေးစခန်းမှ တင်ပို့ခွင့်ပြုထားခြင်း၊ နှစ်နိုင်ငံ ပင်ရင်းသက်သေခံ လက်မှတ်ဆိုင် ရာများ ဆက်လက်ဆောင်ရွက်သွားရေး၊ လူ၊ တိရစ္ဆာန်နှင့် အပင်တို့တွင် ဖြစ်ပွားတတ်သော ကပ်ရောဂါများကို အပြန်အလှန် ပူးပေါင်းဆောင်ရွက်ရေး၊ တရုတ်၊ မြန်မာလုပ်သား လူဝင်လူထွက်ဆိုင်ရာများကို အပြန်အလှန် ချိတ်ဆက်ဆောင်ရွက်ရေး စသည်တို့ကို ဆွေးနွေးထားကြောင်း သိရသည်။

လက်ရှိ ကုန်သွယ်ခွင့်ပြုရာတွင် နိုင်ငံသားများ ဝင်ထွက်သွားလာလျက်ရှိသော နယ်စပ်ဖြတ်ကျော် ဂိတ်များမှ တ ရားဝင် ဖြစ်စေရန် စိစစ်ကြပ်မတ်ခြင်း လုပ်ငန်းများကို တိုးမြှင့်ဆောင်ရွက်လျက်ရှိကြောင်း သိရသည်။

လက်ရှိ ကန်ပိုက်တီးနယ်စပ် ကုန်သွယ်ရေးစခန်း၏ အဓိက ပို့ကုန်များမှာ တစ်သျှူးငှက်ပျော၊ ပြောင်း၊ ဖရဲ၊ စပါးခွံ မီးသွေးတောင့်တို့ဖြစ်ပြီး သွင်းကုန်များမှာ ဓာတ်မြေသြဇာ၊ ဘိလပ်မြေ၊ ဆောက်လုပ်ရေးသုံး ပစ္စည်းများ၊ မော် တော်ယာဉ် စသည်တို့ကို တင်သွင်းကြောင်း သိရသည်။

ကန်ပိုက်တီးနယ်စပ် ကုန်သွယ်ရေးစခန်းမှ ၂၀၁၆-၁၈ ဘဏ္ဍာနှစ်တွင် ပို့ကုန်မှ ကန်ဒေါ်လာ ၆၄ဒသမ၀၉၄ သန်း၊ သွင်းကုန်မှ ကန်ဒေါ်လာ ၄၂ဒသမ၄၇၇သန်း၊ ၂၀၁၇-၁၈ ဘဏ္ဍာနှစ်တွင် ပို့ကုန်မှ ကန်ဒေါ်လာ ၈၅ဒသမ ၉၂၈သန်း၊ သွင်းကုန်မှ ကန်ဒေါ်လာ ၃၀ဒသမ၇၁၈သန်း စုစုပေါင်းကုန်သွယ်မှု ကန်ဒေါ်လာ ၁၁၆ဒသမ ၆၄၆ သန်းခန့် အသီးသီး ရရှိခဲ့ကြောင်း သိရသည်။

အဆိုပါ စခန်းသည် ကချင်ပြည်နယ်၊ မြစ်ကြီးနားခရိုင်၊ ဝိုင်းမော်မြို့တွင် တည်ရှိပြီး တရုတ်ပြည် ယူနန်ပြည်နယ်၊ ပေါင်စန်းခရိုင်၊ ထိန်ချုံးမြို့နယ်နှင့် အဓိက ကုန်သွယ်လျက်ရှိကြောင်း သိရသည်။

ဇာလင်းသူ(AMIA)

Source - AMIA Facebook page

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်