သိုး၊ ဆိတ်များ ခြေကျိုး၊ လက်ကျိုးဖြစ်ပွားပါက ကုသရန်နည်းလမ်းများ

မြန်မာနိုင်ငံတွင် သိုးနှင့်ဆိတ်များကို အထက်အညာဒေသတွင် မွေးမြူသူများလှပါသည်။ သိုးနှင့်ဆိတ်တို့ကို မွေးမြူခြင်းအားဖြင့် တဖက်တလမ်းမှ ဝင်ငွေရရှိစေသည့်အပြင် သိုးချေး၊ ဆိတ်ချေး တို့ကိုလည်း မြေသြဇာအဖြစ် အသုံးပြုနိုင်ပါသည်။ သိုးချေး၊ ဆိတ်ချေးတို့ကို ယာမြေအတွင်း ၁နှစ်တာ ထည့်ထားလျှင် ၃နှစ်အထိ အစွမ်းသတ္တိရှိသည်ဟု သိရပါသည်။

သိုးများသည် ဆိတ်များထက် ရောဂါကင်းကြပါသည်။ ဆိတ်များတွင် ဝဲစွဲခြင်း၊ သန်လည်ခြင်း စသည့် ရောဂါများ ဖြစ်တတ်ကြပါသည်။ သိုးနှင့် ဆိတ်တို့သည် တစ်ကောင်နှင့် တစ်ကောင် ဤသို့ခြားနားချက်ရှိသော်လည်း တူညီသောလက္ခဏာတစ်ခုမှာ ခြေ၊ လက်များကို အနည်းငယ်ထိခိုက်ရုံမျှဖြင့် ကျိုးတတ်ကြခြင်းဖြစ်သည်။ ထို့ကြောင့် သိုး၊ ဆိတ်ကျောင်းသူတို့သည် ဆိတ်နှင့်သိုးတို့ကို ခဲနှင့်ပစ်ပေါက်ခြင်း၊ တုတ်နှင့် ရိုက်ခြင်းတို့ကို အထူး ရှောင်ကြဥ်ရပါသည်။

သိုးနှင့်ဆိတ် တို့သည် စရိုက်ချင်းမတူသဖြင့် အတူထား၍ မရပါ။ တစ်ခြံစီခွဲ၍ ထားရပါမည်။ သိုးနှင့် ဆိတ်တို့သည် စားကျက်ထဲတွင် တစ်ကောင်နှင့်တစ်ကောင် တိုက်ခိုက်ကြရင်း မတော်တဆထိခိုက်မိပါက ခြေကျိုး၊ လက်ကျိုး ဖြစ်တတ်ပါသည်။

ထိုကဲ့သို့ သိုး၊ ဆိတ်များ မတော်တဆ ခြေကျိုး၊ လက်ကျိုး ဖြစ်ပွားပါက အမြန်ဆုံးပျောက်ကင်းစေသောနည်းကို အထက်အညာမုံရွာမြို့၊မောင်းထောင်ရွာရှိ တိုင်းရင်းဆေးဆရာကြီး ဦးဘိုနီထံမှ ရရှိသော ဆေးကုသနည်းကို ရေးသားဖော်ပြပေးချင်ပါသည်။

ကုသနည်းမှာ-

- ပထမကျိုးနေသည့်နေရာနှင့် အံဝင်ခွင်ကျ (အလျှားလိုက်) ကပ်နိုင်သည့် ထနောင်းပင်၏အခေါက်ကို ၂ခြမ်းရအောင် ခွာရပါမည်။ အတို၊ အရှည်မှာ သင့်တော်သလို အသုံးပြုနိုင်ပါသည်။

- ထိုအခေါက်နှစ်ခေါက်ဖြင့် ကျိုးနေသည့်နေရာကို နှစ်ဖက်ညှပ်၍ ကြိုးဖြင့်တင်းကျပ်စွာ စည်းထားရပါမည်။

- ထို့နောက် နံနက်တိုင်း ၄င်းနေရာပေါ်သို့ ရေမှန်မှန် လောင်းပေးခြင်း၊ နေ့စဥ် ငှက်ပျောသီး၃ဖီးခန့် ကျွေးပေးခြင်းတို့ကို ပြုလုပ်ပေးခြင်းအားဖြင့် ၁ပါတ်ခန့်ကြာလျှင် မူလအသွင်သဏ္ဍာန်အတိုင်း ကောင်းမွန်သွားမည် ဖြစ်ပါသည်။

အကယ်၍ အနည်းငယ်လောက်သာ ခြေကျိုး၊ လက်ကျိုးသည်ဆိုပါက ထနောင်းခေါက်ဖြင့် စည်းပေးရန်မလိုဘဲ ငှက်ပျောသီး ကျွေးပေးခြင်းဖြင့် သက်သာပျောက်ကင်းစေနိုင်ကြောင်း သိရှိရပါသည်။

မှီငြမ်း- ဦးဝင်းဇော်(သုံးဆယ်)၏ “သိုး၊ဆိတ်များ ခြေကျိုး၊ လက်ကျိုး ကုသနည်း” အကြောင်းမှ ကောက်နှုတ် ဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သိုး၊ ဆိတ်များ ခြေကျိုး၊ လက်ကျိုးဖြစ်ပွားပါက ကုသရန်နည်းလမ်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သိုး၊ ဆိတ်များ ခြေကျိုး၊ လက်ကျိုးဖြစ်ပွားပါက ကုသရန်နည်းလမ်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဇီဝကမ္မ ဖြစ်စဉ်ချို့တဲ့မှုကြောင့် ဖြစ်ပွားတတ်သော ရောဂါလက္ခဏာများ

နို့အုံရောင်ရောဂါ စစ်ဆေးခြင်း(၁) (ပထမဆုံးညှစ်သော နို့ရည်ကို စစ်ဆေးခြင်း)

နို့အုံရောင်ရောဂါစစ်ဆေးခြင်း-၂ (အမြန်နည်းဖြင့် စစ်ဆေးခြင်း)

{{ post.title }}