လှည်ကူးစက်မှုဥယျာဉ်စီမံကိန်းတွင် Agri- Food ဇုန် ထည့်သွင်းဖော်ဆောင်မည်

ရန်ကုန်တိုင်းဒေသကြီး၊ လှည်းကူးမြို့နယ်တွင် အကောင်အထည်ဖော်တည်ဆောက်မည့် လှည်ကူးစက်မှုဥယျာဉ်စီမံကိန်းတွင် Agri-Food ဇုန်တစ်ခုကို ဦးစားပေးအနေဖြင့် ထည့်သွင်းဖော်ဆောင်သွားမည်ဖြစ်ကြောင်း မြန်မာနိုင်ငံလယ်ယာစီးပွားရေး အများပိုင်ကုမ္ပဏီလီမီတက် (MAPCO) မှသိရသည်။ 

လက်ရှိ မြန်မာနိုင်ငံအတွင်းရှိ စက်မှုဇုန်များတွင် Agri-Food ဇုန်အဖြစ် သီးသန့်ဖော်ဆောင်ထားခြင်းမဟုတ်ဘဲ လုပ်ငန်းကဏ္ဍနယ်ပယ်စုံကို ရင်းနှီးမြှုပ်နှံထားခြင်းကြောင့် ယခုကဲ့သို့ Agri-Food ဇုန်ကို ဖော်ဆောင်ရခြင်းဖြစ်ကြောင်း သိရသည်။ 

"အဲ့ဒီထဲမှာလည်း လယ်ယာစိုက်ပျိုးရေးကိုအခြေခံတဲ့ စား‌သောက်ကုန်ထုတ်တဲ့ Agri-Food ဇုန်တစ်ခုကိုလည်း ထည့်ပြီးတော့ ဆောင်ရွက်ဖို့ရှိပါတယ်။ လက်ရှိ မြန်မာနိုင်ငံမှာရှိတဲ့ စက်မှုဇုန်တွေဟာ Agri-Food ဇုန်ဆိုပြီး ပြဖို့ခက်တယ်။ လှိုင်သာယာ၊ ရွှေပြည်သာ၊ ရွှေလင်ပန်း စတဲ့ စက်မှုဇုန်တွေမှာ လုပ်ငန်းကဏ္ဍနယ်ပယ်က အကုန်ရောနေတယ်။ စားသောက်ကုန်ထုတ်တဲ့လုပ်ငန်းမှာ သီးခြားဖြစ်ဖို့ပေါ့။" ဟု မြန်မာနိုင်ငံ လယ်ယာစီးပွားရေး အများပိုင်ကုမ္ပဏီလီမီတက်၏ အုပ်ချုပ်မှုဒါရိုက်တာ ဦးရဲမင်းအောင်က ပြောသည်။ 

လှည်ကူးစက်မှုဥယျာဉ်စီမံကိန်းကို အမှတ်(၁)နှင့် အမှ တ်(၂)လမ်းမကြီး ကြားမှာရှိတဲ့ မြေဧက ၁၄၀၀ ကျော်တွင် အမေရိကန်ဒေါ်လာ သန်း ၂၃၀ ဝန်းကျင် ရင်းနှီးမြှုပ်နှံ၍ ၂၀၂၀ ခုနှစ်ဆန်းပိုင်း၌ စတ်အကောင်အထည် ဖော်ဆောင်ရွက်သွားမည်ဖြစ်ကြောင်း သိရသည်။  

အဆိုပါစီမံကိန်းကို စင်္ကာပူနိုင်ငံအ‌ခြေစိုက် Sembcorp CSSD Myanmar Co., Ltd၊ Phahtama Group Co., Ltd နှင့် Myanmar Agribusiness Public Co., Ltd တို့ ပူးပေါင်းပါဝင်သော Myanmar Singapore (Hlegu) Industrial Park JV ကုမ္ပဏီကို ၂၀၁၉ ခုနှစ်၊ ဩဂုတ် လ ၈ ရက်က မှတ်ပုံတင်ပြီးဖြစ်သည်။ 

အေးအေးမြင့်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်