သကြားကို အရည်ဖျော်၍ တင်လဲရည်အဖြစ် တရုတ်သို့ တင်ပို့နိုင်

မြန်မာနိုင်ငံမှ ထွက်ရှိသော သကြားများကို အတုံးအခဲတင်ပို့ခြင်းကို လက်ခံခြင်းမရှိဘဲ အရည်ဖျော်၍ တင်လဲရည်အဖြစ် ပြောင်းကာ တင်ပို့ရောင်းချခြင်းကိုသာ လက်ခံသောကြောင့် လုပ်ငန်းရှင်များအနေဖြင့် တရုတ်နိုင်ငံမှ လက်ခံသောအရည်အသွေးကို လေ့လာဆောင်ရွက်သင့်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ပြောသည်။

တရုတ်နိုင်ငံသည် မြန်မာ့သကြားကို ယခင်လို ကုန်ကြမ်းတင်ပို့မှုအဖြစ် လက်ခံခြင်းမရှိ၍ လောက်ကိုင်နယ်စပ်မှတစ်ဆင့် ကြံပင်များကို ခုတ်လှဲပြီး ကြံအချောင်းလိုက် အဝယ်ရှိသဖြင့် လောက်ကိုင်ဒေသတွင် ကြံစိုက်ခင်း ဧကပေါင်း (၁) သိန်းခွဲကျော်အထိ စိုက်ပျိုးထားကြောင်း သိရသည်။

“တရုတ်က သကြားကို အတုံးအခဲကျ လက်မခံပဲ အရည်ဖျော်ပြီးတော့ သကြားဓာတ်က ၅၅ ရာခိုင်နှုန်း၊ ရေက ၄၅ ရာခိုင်နှုန်း စသဖြင့် အချိုးအစားနဲ့ တင်လဲရည်အဖြစ် လက်ခံမယ်ဆိုတဲ့အတွက်ကြောင့် အခုဆိုရင် တင်လဲရည်စပ်တဲ့ စက်တွေလည်း ပေါ်လာပါပြီ။ ဒါကြောင့် သကြားလုပ်ငန်းရှင်တွေ ကြံလုပ်ငန်းရှင်တွေအနေနဲ့ တရုတ်ဘက်က ဘာပဲဖြစ်ဖြစ် လိုအပ်တဲ့ အရည် အသွေး အမျိုးအစားကို လေ့လာပြီး ဆောင်ရွက်သင့်ပါတယ်။” ဟု ပြည်ထောင်စုဝန်ကြီး ဒေါက်တာသန်းမြင့်က ပြောသည်။

မြန်မာနိုင်ငံတွင် သကြားပိုလျှံမှုများရှိသည်ဟု သက်ဆိုင်ရာလုပ်ငန်းရှင်များက ပြောကြားနေသော်လည်း အောက်ခြေတွင်ကြည့်ပါက ပိုလျှံမှုမရှိဘဲ ဖြန့်ချီရေးနည်းပါးခြင်းကြောင့် ဈေးနှုန်းကြီးမြင့်စွာ ဝယ်ယူသုံးစွဲနေရကြောင်း သိရသည်။

ရန်ကုန်မြို့ရှိ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အဖွဲ့ချုပ်တွင် မေလ ၂၂ ရက်က ကျင်းပပြုလုပ်သည့် လစဉ် မြန်မာ့စီးပွားရေးလုပ်ငန်းရှင်များနှင့် ပုံမှန်တွေ့ဆုံဆွေးနွေးပွဲ (၂၇) ကြိမ်မြောက်တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ယင်းကဲ့သို့ ပြောကြားခဲ့ခြင်းဖြစ်သည်။

တရုတ်နိုင်ငံ၏ နှစ်စဉ်သကြားလိုအပ်ချက်သည် တန်ချိန် (၁၆) သန်းနီးပါးရှိနေပြီး ပြည်တွင်းထုတ်လုပ်မှုသည် တန်ချိန် (၁၀) သန်းဝန်းကျင်သာ ထုတ်လုပ်နိုင်သည့်အတွက် တန်ချိန် (၆)သန်းဝန်းကျင် တင်သွင်းရန် လိုအပ်လျက်ရှိကြောင်း သိရသည်။

"ဘေးထွက်ပစ္စည်းတွေဖြစ်တဲ့ ကြံဖက်မှ လျှပ်စစ်ထုတ်ရပါတယ်။ သကြားစက်ရုံတွေက ထွက်ရှိလာတဲ့ တင်လဲရည်ကို အီသနောထုတ်လုပ်ပြီး ပြည်ပမှ တင်သွင်းတဲ့ လောင်စာနဲ့ ရောစပ်ပြီးတော့ လောင်စာစွမ်းအင် ထုတ်နိုင်ပါတယ်။ ဒါကြောင့် နိုင်ငံတကာကဲ့သို့ ပြည်ပမှ တင်သွင်းလာတဲ့ ဓာတ်ဆီကို အီသနော ၁၀ ရာခိုင်နှုန်း ရောစပ်အသုံးပြုရတဲ့ မူဝါဒချမှတ်ပြီး သကြားစက်ရုံတွေအတွက် ဘေးထွက်ပစ္စည်းဖြစ်တဲ့ တင်လဲရည်(Molasses) ပြဿနာ ဖြေရှင်းဆောင်ရွက်လျက်ရှိပါတယ်။ မြန်မာနိုင်ငံမှာလည်း ဘေးထွက်ပစ္စည်းတွေကို တန်ဖိုးမြင့်ထုတ်ကုန် Value Added ပြုလုပ်ပြီး ထုတ်လုပ်ဖို့အတွက် နိုင်ငံတကာလို မူဝါဒမျိုးချမှတ်ပေးပြီး ရေရှည်အတွက် ဆောင်ရွက်ပေးပါ။" ဟု မြန်မာနိုင်ငံသကြားနှင့် ကြံထွက်ပစ္စည်း လုပ်ငန်းရှင်များအသင်း ဒုတိယဥက္ကဋ္ဌ ဦးဝင်းဌေးက ပြောသည်။

ပြည်တွင်းသကြားများသည် အထွက်နှုန်းတိုး၍ လတ်တလောတွင် ဝယ်လက်မရှိ၍ စုပုံနေခြင်း၊ သကြားများ ဈေး နှုန်းကျဆင်းခြင်း၊ ရောင်းချမှုခက်ခဲခြင်း၊ လက်ကျန်သကြားများမှာ ထားစရာဂိုထောင်မရှိခြင်း၊ သကြားများ စုပုံနေသဖြင့် ငွေကြေးလည်ပတ်မှု အခက်အခဲဖြစ်ခြင်း၊ ကြံစိုက်တောင်သူများအား စိုက်ပျိုးစရိတ် ထုတ်ပေးရန် ခက်ခဲခြင်းတို့ဖြင့် ရင်ဆိုင်နေရကြောင်း သိရသည်။

ထို့အပြင် မြန်မာနိုင်ငံ၏ ပြည်တွင်းထုတ်ကုန် (GDP) ပမာဏ တိုးတက်ရန်၊ ကြံစိုက်တောင်သူများ၏ဘဝ တိုးတက်မြင့်မားစေရန်၊ SME လုပ်ငန်းများ ရေရှည်ရှင်သန်စေရန်နှင့် ပိုလျှံသကြားများကို နိုင်ငံခြားသို့ တင်ပို့ရောင်းချနိုင်ရန် ဈေးကွက်ရရှိစေရေးအတွက် ဆောင်ရွက်ပေးရန်၊ မြဝတီနယ်စပ်မှ သကြားမှောင်ခိုဈေးကွက်များ ရှိနေခြင်းနှင့် ပြည်ပမှ Export/Import လိုင်စင်ဖြင့် သကြားတင်သွင်းမှု အဝင်များလာလျှင် ပြည်တွင်းဈေးကွက်အား ထိခိုက်နိုင်သဖြင့် စီစစ်ဆောင် ရွက်ပေးရန် မြန်မာနိုင်ငံ သကြားနှင့် ကြံထွက်ပစ္စည်းလုပ်ငန်းရှင်များအသင်းမှ မေလ ၂၂ ရက်က ကျင်းပသော တွေ့ဆုံဆွေးနွေးပွဲတွင် နိုင်ငံတော်သို့ တင်ပြထားသည်။

သကြားလုပ်ငန်း ရေရှည်အောင်မြင်ရန်အတွက် ယှဉ်ပြိုင်မှုစွမ်းရည် တိုးတက်အောင် ဆောင်ရွက်ရန်လိုအပ်ပြီး စက်ပစ္စည်းများတွင်လည်း နည်းပညာတိုးတက်ရန် လိုအပ်လာသဖြင့် ပြည်တွင်းစားသုံးသော Refine Sugar ကို ထုတ်လုပ်နိုင်မည့်စက်များ တည်ဆောက်နိုင်ရန်အတွက် နိုင်ငံတော်အစိုးရမှ ချေးငွေများထုတ်ပေးခြင်း သို့မဟုတ် နိုင်ငံခြားရင်းနှီးမြှုပ်နှံမှု ဖိတ်ခေါ်ပေးခြင်းတို့ဖြင့် ကူညီဆောင်ရွက်ပေးရန်လည်း တင်ပြတောင်းဆိုထားသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...