နှစ်ရက်အတွင်း သေစေနိုင်သည့် ကြက်တိုက်ဖွိုက်ရောဂါ ကာကွယ်ကုသနည်း

ကြက်တိုက်ဖွိုက်ရောဂါ(Fowl Typhoid) သည် ဆဲလ်မိုနဲလား ဂလီနေရမ်(Salmonella Gallinarum) ဟုခေါ်သည့် ဘက်တီးရီးယားပိုးကြောင့်ဖြစ်ပွားခြင်းဖြစ်ပြီး ကြက်ကြီးနှင့်ကြက်လတ်များတွင် အဖြစ်များကာ ရောဂါပြင်းထန်တတ်ပါသည်။

ရောဂါပြင်းထန်ပါက ရောဂါရရှိပြီး ၂ ရက်အတွင်း သေနိုင်ပါသည်။ အကယ်၍ ရောဂါမပြင်းထန်ပါကလည်း ၅ ရက်မှ ၆ ရက်ခန့် သာ ခံသည်ကို တွေ့ရပါသည်။

ရောဂါလက္ခဏာများ အနေဖြင့် -

- ရောဂါရှိကြက်သည် မှိုင်နေခြင်း၊

- အစာမစားတော့ခြင်း၊

- အမှောင်ခိုပြီး တုန်၍နေတတ်ခြင်း၊

- ခေါင်းငိုက်စိုက်ကျ၍ အမွှေးများပွနေခြင်း၊

- စိမ်းဝါရောင်ရှိသော အလွန်အနံ့ဆိုးသောဝမ်းများသွားခြင်း၊

- အသက်ရှူမြန်၍ ရေငတ်ခြင်း၊

- အမောက်နှင့် ပါးပျဥ်းများဖြူ၍ သွေးရောင်ဖျော့နေခြင်း၊

- အပူချိန်မြင့်မားခြင်း(၁၁၀-၁၁၂)ဒီဂရီ ဖာရင်ဟိုက် ရှိခြင်းတို့ကို တွေ့ရပါမည်။

- ရောဂါလက္ခဏာများ တွေ့ရှိပြီးသောကြက်ကို ပျောက်ကင်း ကုသရန် မလွယ်ကူတော့ပါ။

- မသေဘဲ ကျန်ရှိနေသည့်ကြက်များကိုလည်း အခြားကြက်များနှင့်အတူ ဆက်လက်မွေးမြူရန် မသင့်တော့ပါ။

- ရောဂါပြင်းထန်လွန်းပါက ရောဂါလက္ခဏာ မပြမီမှာပင် သေဆုံးသွားပြီ ဖြစ်ပါသည်။

ရောဂါကူးစက်မှု

- ရောဂါဖြစ်နေသောကြက်၏ အစာ၊ ရေ၊ ဥနှင့် ကျင်ကြီးတို့ကို ထိတွေ့ခြင်းအားဖြင့်လည်းကောင်း၊

- ရောဂါဖြစ်နေသော ကြက်ခြံအတွင်းရှိ အလုပ်သမားများ ရောဂါကင်းသောကြက်ခြံသို့ ဝင်ရောက်ခြင်းအားဖြင့်လည်းကောင်း ကူးစက်နိုင်ပါသည်။

- အဆိုပါရောဂါသည် လူသို့ကူးစက်ခြင်းမရှိဘဲ ကြက်အချင်းချင်းသာ ကူးစက်နိုင်ပါသည်။

ကာကွယ်ခြင်း

- ရောဂါရှိကြက်ခြံမှ ပစ္စည်းများကို ပိုးသတ်ဆေးဖြင့် ဆေးပေးခြင်း၊

- ရောဂါဖြစ်နေသော ကြက်ခြံနှင့် ရောဂါကင်းသောကြက်ခြံသွားလာမှု မပြုလုပ်စေခြင်း၊

- ရောဂါဖြစ်နေသော ကြက်များကို ဆေးတိုက်စဥ် သွေးစစ်ပေးခြင်း၊

- သွေးစစ်ခြင်းကို တစ်လတစ်ကြိမ်ခန့် ရောဂါကင်းသည်အထိ ပြုလုပ်ပေးခြင်း၊

- ရောဂါပြင်းထန်သော ကြက်များကို သီးခြားစီခွဲထားရပြီး သေဆုံးပါက စနစ်တကျ မြေမြှုပ်ပေးခြင်း စသည်တို့ ပြုလုပ်ရပါမည်။

ရောဂါဖြစ်ပြီးကြက်ခြံကို ပိုးသတ်ဆေးအကြိမ်ကြိမ်ဖျန်းပေးပြီးနောက် အနည်း ဆုံး ၆ လကြာမှ နောက်တစ်ကြိမ် ကြက်မွေးမြူရေး ပြန်လည်ပြုလုပ်သင့်ပါသည်။

ကုသနိုင်သော ဆေးဝါးများမှာ -

- ဆာလ်ဖာမီရာဇင်(Sulfamerazine)ဆေးကို ကြက်တိုက်ဖွို က်ရောဂါအတွက် တိုက်ကျွေးကုသနိုင်ပါသည်။ ကြက်စာ ၁၈ ပိဿာလျှင် ဆေး ၄ ကျပ်သား (သို့) ၅ ကျပ်သားထည့်ပြီး ၇ ရက် ကျွေးရပါမည်။ သောက်ရေထဲထည့်လျှင် ရေ ၁ ဂါလံမှာ ဆေး ၅ မူးသားကနေ ၁ ကျပ်သားအထိ ထည့်ဖျော်သင့်ပါသည်။ ၂ ရက်နား၊ ၄ ရက်တိုက်စနစ်ကို ကျင့်သုံးသင့်ပါသည်။

- စထရက်ပထို ဆာလ်ဖာ(Strepto Sulfa) ဆေးကိုလည်း ကြက်တိုက်ဖွိုက်ရောဂါအတွက် ကြက်စာ ၁ ပိဿာလျှင် ဆေးပြား ၈ ပြားမှ ၁၆ ပြားထိ ထည့်ကျွေးပြီး ကုသကြပါသည်။ ၃ ရက်မှ ၅ ရက်အထိ တိုက်ကျွေးသင့်ပါသည်။

- ကြက်တိုက်ဖွိုက်ရောဂါအတွက် ထရီကွင်း(Triquin)ဆေးကို သုံးမည်ဆိုပါက ရေ ၅ ဂါလံမှာ ဆေး ၁ မူးသားထည့်တိုက်ရပါမည်။ အစာထဲထည့်ကျွေးလိုပါက အစာပိဿာ ၁၀၀ တွင် ဆေး ၂ ကျပ်ခွဲသားခန့်သာ ထည့်သွင်းတိုက်ကျွေးလျှင် လုံလောက်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...