ကြက်ဥဝယ်တိုင်း အကိတ်ကြီးတွေကိုပဲ ရွေးဝယ်လေ့ရှိပါသလား? ဒါဆိုရင်တော့ ဒီအချက်ကို မဖြစ်မနေ သိထားသင့်ပါတယ်

ဈေးဝယ်ထွက်ပြီး ကြက်ဥဝယ်တဲ့အခါ "ပိုကိတ်၊ ပိုတန်၊ ပိုကောင်း" လို့ တွေးမိကြတာ သဘာဝပါပဲ။ ဒါပေမဲ့ အမှန်တကယ်တော့ ကြက်ဥအလုံးကြီးတိုင်းက အရည်အသွေးကောင်းတာ မဟုတ်ပါဘူး။ တစ်ခါတလေမှာ အလုံးသေးတဲ့ ကြက်ဥတွေက ကျန်းမာရေးအတွက် ပိုပြီး ဘေးကင်းစိတ်ချရမှု ရှိနေတတ်ပါတယ်။

Dr. Mark Leong ဆိုသူက စင်ကာပူနဲ့ မလေးရှားနိုင်ငံတွေမှာရှိတဲ့ အကြီးစား ကြက်ဥထုတ်လုပ်ရေးခြံတွေကို ကိုယ်တိုင်သွားရောက်လေ့လာခဲ့ပြီးနောက် လူအများစု သတိမထားမိတဲ့ အချက်တွေကို အခုလို မျှဝေထားပါတယ်။

၁။ အလုံးကြီးတဲ့ ကြက်ဥတွေရဲ့ နောက်ကွယ်က အမှန်တရား

ကြက်ဥထုတ်လုပ်သူတွေရဲ့ ပြောပြချက်အရ အလုံးကြီးတဲ့ ကြက်ဥအများစုဟာ အသက်ကြီးနေပြီဖြစ်တဲ့ ကြက်မအိုတွေဆီက ရရှိတာများပါတယ် လို့ ဆိုပါတယ်။ ကြက်မတွေ အသက်ကြီးလာတာနဲ့အမျှ သူတို့ဥတဲ့ ကြက်ဥတွေရဲ့ အခွံက ပိုပြီး ပါးလွှာလာတတ်ပါတယ်။

အခွံပါးခြင်းရဲ့ ဆိုးကျိုး: ကြက်ဥအခွံပါးလွှာတဲ့အခါ အက်ကွဲလွယ်ပြီး ဘက်တီးရီးယား ပိုးမွှားတွေ အလွယ်တကူ ဝင်ရောက်နိုင်ခြေ ပိုများပါတယ်။ ဒါကြောင့် ရောဂါပိုးကူးစက်နိုင်ခြေ (Infection risk) ပိုမြင့်မားပါတယ်။

၂။ ဘာကြောင့် အလုံးသေးတာက ပိုကောင်းနိုင်သလဲ?

ဆန့်ကျင်ဘက်အားဖြင့် အလုံးသေးတဲ့ ကြက်ဥတွေဟာ ငယ်ရွယ်ပြီး ကျန်းမာသန်စွမ်းတဲ့ ကြက်ပျိုမလေးတွေဆီက ရရှိတာများပါတယ်။

ကြက်ပျိုမလေးတွေရဲ့ ကြက်ဥက အခွံပိုထူပြီး ပိုခိုင်မာပါတယ်။

ဥအနှစ် (Yolk) အရောင်က ပိုရင့်လေ့ရှိပြီး ပိုမိုလတ်ဆတ် (Fresh) တတ်ပါတယ်။

၃။ ကြက်ဥဝယ်ရင် ဘာတွေကို သတိထားရမလဲ?

ဒါကြောင့် နောက်တစ်ခါ ဈေးဝယ်ထွက်ရင် “ဆိုဒ်ကြီး - XXL” ဆိုတဲ့ ကြော်ငြာတွေကိုပဲ ကြည့်ပြီး မဝယ်ဘဲ အောက်ပါအချက်တွေကို သတိပြုသင့်ပါတယ်-

✅ အလုံးသေးတာကို ရွေးချယ်ပါ - အခွံပိုထူပြီး ပိုးမွှားဝင်ရောက်နိုင်မှု နည်းပါးလို့ပါ။

✅ အခွံရဲ့ ခိုင်မာမှုကို စစ်ဆေးပါ - လက်နဲ့ အသာလေး ဖိကြည့်ပါ (မကွဲစေနဲ့နော်)။ အခွံပျော့နေရင် မဝယ်ပါနဲ့။ အခွံပျော့ခြင်းက ကြက်မရဲ့ ကျန်းမာရေး သိပ်မကောင်းတာ သို့မဟုတ် အသက်ကြီးနေတာကို ပြသနေပါတယ်။

✅ အက်ကွဲကြောင်း မရှိတာကို သေချာကြည့်ပါ - ဒါက အစားအသောက် ဘေးကင်းရေးအတွက် အရေးကြီးဆုံးပါပဲ။

နိဂုံးချုပ် "Size does not equal Quality" ဆိုတဲ့အတိုင်း အရွယ်အစားကြီးတာက အရည်အသွေးကောင်းတယ်လို့ မဆိုလိုပါဘူး။ ကြက်မရဲ့ ကျန်းမာရေး၊ အစာအာဟာရနဲ့ ကိုင်တွယ်ပုံတွေကသာ အဓိက ကျပါတယ်။ ဒါကြောင့် မိသားစု ကျန်းမာရေးအတွက် ဘေးကင်းလုံခြုံမယ့် “ဥ သေးသေးလေး” တွေကိုပဲ ရွေးချယ်ဝယ်ယူဖို့ တိုက်တွန်းလိုက်ရပါတယ်။

ဆောင်းပါးရှင်ဆရာမှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။