သိန်းစိုးမင်း
Greenovator
ကော်ဖီစိုက်ပျိုးရာဒေသများဖြစ်သည့် ပြင်ဦးလွင်နှင့် ရွာငံမြို့နယ်အတွင်းရှိ ကော်ဖီစိုက်တောင်သူများကို အမေရိကန်နိုင်ငံသား ကော်ဖီပညာရှင်များမှ ကော်ဖီကြိတ်ခွဲထုတ်လုပ်ခြင်း သင်တန်းများ ကွင်းဆင်းပို့ချပေးသွား မည်ဖြစ်ကြောင်း မြန်မာနိုင်ငံကော်ဖီအသင်းမှ အတွင်းရေးမှူး ဦးမင်းလှိုင်က ပြောသည်။
အဆိုပါ သင်တန်းတွင် ကော်ဖီကြိတ်ခွဲသည့် သူများနှင့် ကော်ဖီစိုက် တောင်သူများကို ကော်ဖီကြိတ်ခွဲ ထုတ် လုပ်ခြင်း တစ်ပတ်ကြာ သင်တန်းပေးမည်ဖြစ်ပြီး ၊ သင်တန်းသားအရေအတွက်အား လူဦးရေ ၂၀ ခန့်သာ သတ်မှတ်ထားကြောင်း သိရသည်။
အဆိုပါသင်တန်းမှ ကော်ဖီကို မကြိတ်ခွဲပဲ သဘာဝအတိုင်း အခြောက်ခံထုတ်လုပ်နည်း၊ ကော်ဖီကို ကြိတ်ခွဲပြီး အချဉ်မဖောက်၊ ရေမဆေးပဲ အခြောက်ခံထုတ်လုပ်နည်း၊ ကော်ဖီကို ကြိတ်ခွဲပြီး အချဉ်ဖောက် ရေဆေးကာ အခြောက်ခံ ထုတ်လုပ်နည်းများကို အရည်အသွေး အာမခံချက်ရှိစေရန်သင်ကြားပေးမည်ဖြစ်ကြောင်း သိရသည်။
" ဒီသင်တန်းကို တက်ရောက်လို့ ရရှိတဲ့ သင်တန်းဆင်းလက်မှတ်ကြောင့် ပြည်ပကို တင်ပို့တဲ့အခါမှာ အခွင့်အလမ်းကောင်းတွေ ရရှိစေမှာပါ " ဟု ၎င်းကပြောသည်။
၎င်းသင်တန်းကို ယခု ဇန်နဝါရီလ ၂၂ ရက်မှ ဖေဖဝါရီလအတွင်း ၂၈ ရက်နေ့ (မနက် ၉ နာရီမှ ညနေ ၅ နာရီ) အထိ မန္တလေးကော်ဖီအုပ်စု ကော်ဖီစက်ရုံ၊ အနီးစခန်း၊ ပြင်ဦးလွင်တွင် ပထမအကြိမ် ဖွင့်လှစ်သွားမည်ဖြစ်ပြီး ဇန်နဝါရီလ ၃၁ ရက်မှ ဖေဖော်ဝါရီလ ၆ ရက်နေ့ (မနက် ၉ နာရီမှ ညနေ ၅ နာရီ) အထိ ရွာငံမြို့နယ်ရှိ အမရာကော်ဖီစက်ရုံတွင် ဒုတိယအကြိမ် ဖွင့်လှစ်ပို့ချသွားမည်ဖြစ်ကြောင်း သိရသည်။
AMIA
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}