Green Way ပေါ်က တစ်ပတ်အတွင်း စိတ်ဝင်စားစရာ အမေးအဖြေများ

17/12/2022 11:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား

Green Way ဆိုတာ စိုက်ပျိုး၊ မွေးမြူရေး၊ ရေလုပ်ငန်းနဲ့ ဆိုင်တဲ့ သတင်းတွေဆောင်းပါးတွေကို တောင်သူတွေကို အခမဲ့ဖြန့်ဖြူးပေးနေတဲ့ ဆော့ဝဲတစ်ခုပါ။ ဒီဆော့ဝဲထဲမှာဆို စိုက်ခင်းထဲက ပြဿနာတွေ၊ ဇဝေဇဝါဖြစ်နေတဲ့ အကြောင်းအရာတွေကို တိုင်ပင်ဆွေးနွေး မေးမြန်းလို့ရနိုင်တဲ့ အခန်းကဏ္ဍလေးတစ်ခု ရှိပါတယ်။ အဲ့ဒါကတော့ အမေးအဖြေကဏ္ဍပါ။

ဒီအမေးအဖြေတွေထဲက အမေးအဖြေတချို့ဟာ စိတ်ဝင်စားစရာ၊ ဗဟုသုတရစရာ၊ ပညာရစရာ အတော်လေး ကောင်းပါတယ်။ ဒီနေရာမှာ ဒီလိုတွေ မေးလိုက်ရင် တောင်သူတွေရဲ့ ဒီလိုပြဿနာတွေကို ရှင်းရှင်း လင်းလင်းသိသွားရနိုင်တယ်၊ တန်ဖိုးရှိတဲ့ပလက်ဖောင်းလေးဖြစ်တယ်ဆိုတာကိုလည်း တခြား မေးမြန်းလိုသူတွေကို သိစေချင်ပါတယ်။

ဒါကြောင့် အမေးအဖြေကဏ္ဍမှာ မေးထားတဲ့ စိတ်ဝင်စားစရာ၊ မှတ်သားစရာ လေးတွေကို အပတ်စဉ်တိုင်း ကောက်နုတ်ဖော်ပြပေးဖို့ ရည်ရွယ်ထားပါတယ်ရှင့်။ မေးမြန်းမှုတွေထဲက တစ်ချို့ကိုတော့ စာလုံးပေါင်းသတ်ပုံလေးတွေ အနည်းငယ်ပြင်ဆင် ဖော်ပြပေးလိုက်ပါတယ်နော်။

၁။ မေး (Lu lay) - ကျွန်တော်တစ်ခုလောက်မေးချင်ပါတယ် မတ်ပဲအပင်သေဝင်တဲ့ လယ်တွေမှာပဲတီစိမ်းပြောင်းစိုက်တာ အပင်မသေတော့ဘူးဗျ အဲဒါဘာကြောင့်လဲဆိုတာ သိချင်လို့ ပါဆရာ။

ဖြေ (ဒို့ဦးလေး) - ပဲတီစိမ်းပြောင်းစိုက်မှရယ်လို့မဟုတ်ပါ။ မတ်ပဲကို မျိုးပြောင်းစိုက်ရင်လည်း အသေသက်သာပါလိမ့်မယ်။ ဒါလည်း ၂နှစ်ကျော်ရင် ပြန်သေမှာပါ။ မြေကြီးထဲက မှိုရောဂါတွေက သူစားနေကျ အပင်မဟုတ်တဲ့အတွက် ခေတ္တ အငိုက်မိသွားတဲ့သဘောပါ။

(ဦးသက်လွင်) - ပဲသေစေတာက မြစ်ခြောက်ဆွေး ရောဂါဖြစ်ပြီး နှံစားသီးနှံမှအပ ပဲမျိူးစုံ သေတာပါ နောက်ပိုင်းမှာ ပြန်သေမှာပါ။

၂။ မေး (Phyo) - IMo ဖျော်ရည်ကို လုပ်ပြီးစသုံးပြုလို့ရတာနဲ့ ဘယ်နှရက်လောက်အထားခဲသလဲ သု့သက်တန်းကဘယ်လောက်ထားလို့ရသလဲ ဆရာတို့ဖြေပေးပါ။

ဖြေ (ဒို့ဦးလေး) - အဲဒီမေးခွန်းက အတိအကျပြောဖို့ခက်မယ်နော့။ သူတို့က သက်ရှိမိုက်ခရုပ်တွေပါ။ သူတို့အသက်ရှင်အောင် ထားနိုင်၊ပွားနိုင်၊လုပ်နိုင်နေသရွေ့ ထားလို့ရမယ်လေ။ နေပူထဲပစ်ထားရင် သေမှာပေါ့နော်။

၃။ မေး (Lu lay) - ကျွန်တော်တစ်ခုလောက်မေးချင်လို့ပါ ပိုးသတ်ဆေး မှိုသတ်ဆေးများ မှာဆေးaiတူတယ် ပါဝင်တဲ့ရာခိုင်နှုန်းလည်းတူတယ် ဖြန့်ချီတဲ့ကုမ္ပဏီ မတူဘူးဆိုရင် ဆေးအရည်အသွေးတူပါမလားခင်ဗျာ ဆေးအတွေ့အကြုံရှိတဲ့ မိတ်ဆွေတွေ သုံးဖူးတဲ့ ညီကိုတွေနဲ့ ဆရာများအလင်းပြပါအုံးနော်။

ဖြေ (ဦးသက်လွင်) - ဆေး Ai ရာခိုင်နှုန်းတူလျင် အရည်အသွေးတူပါတယ်။

(ကျော်ကျော်ဦး) - aiတူလဲ ဆေးအာနိသင်ခြင်း မတူပါ...။ အပြင်းအပျော့ ကွာတက်ပါတယ်...။ တူတာလဲရှိပါတယ်...။

(Soe Maung Maung) - ဖြန့်တဲ့ company က မှန်ကန်တဲ့အာမခံချက် ပေးတာဆိုရင်တော့ အာနိသင်က တူတယ်လေ.. အချို့တွေက ထိုင်းကနေ သွင်းတာနဲ့ ထိုင်းတံဆိပ်လေးကပ်ပြီး ဂျင်းထည့်နေတာ များတယ်... အဘာမတင် 1.8 ကိုပဲကြည့် ထိုင်းထုတ်ချင်းတောင်ဈေးမတူပါ။

၄။ မေး (မျိုးဇော်အောင်) - ကြက်သွန်မြိတ် ကိုကြက်သွန်နီမျိုးစေ့က စိုက်ရပါသလား။ ကြက်သွန်မြိတ်မျိုး သီးသန့်ရှိသလား။မသိလို့ဖြေပေးကြပါခဗျ။

ဖြေ (ဦးသက်လွင်) - ကြက်သွန်နီ ဥသေးများကို စိုက်ပျိုးခြင်းဖြစ်ပါတယ်။

(ဦးကိုမင်း) - 1 /ဇော်မွှား တင်းချိန် နှင့် အရောင်းရှိသည်။ 2 / ကြက်သွန်နှုတ်ပြီး ရှယ် ကြီး လတ် ဆိုပြီးအတန်းအစားခွဲပြီး ကျန်အသေးကို အချိန် နှင့်ရောင်းသည် နှစ်သက်ရာ ဝယ်ပြီးစိုက်ပါ ။

(ဦးခင်မောင်လတ်) - ကြက်သွန်မြိတ်က ဝါခေါင်လလောက်မှာပေါ်တဲ့ ကြက်သွန်နီဥသေးကို စိုက်တာပါ အဲ့ကနေထွက်လာတဲ့ အမြိတ်နုလေးတွေကို ဖြတ်ပြီးရောင်းတာ။ တစ်ခါတစ်လေ ကြက်သွန်မြိတ် အဖြစ်ဈေးမကောင်းလို့ မရောင်းချင်ဘူးဆို ကြက်သွန်ဥအဖြစ်ထားလို့ရပါသေးတယ် အဲ့တာကတော့ ကြက်သွန်ကြီးထွားမှုအဆင့်လွန်ရင် ဥစဖြစ်ပါပြီ တခြားစိုက်သလိုပဲ ပုံမှန်တူးဖော် လို့ရပါတယ်။

၅။ မေး (San Oo) - မတ်ပဲအပင်ဝါများတဖြည်းဖြည်းများလာတာဘာရောပါလဲ ဘာဆေးသုံးရပါမလဲ ခင်ဗျာ။

ဖြေ ( U Thet Lwin) - အဝါရောင်မိုဇိတ် ဗိုင်းရပ်ရောဂါ ဖြစ်၍ ကုရာနတ္ထိ ဆေးမရှိပါဘူး ရောဂါဒါဏ် ခံနိူင်ရည်ရှိသော ရေဆင်း ၇၊ TBL 9 မျိုးများကို နောင်နှစ်များတွင် စိုက်ပါလို့ အကြံပေးလိုပါတယ်။ (ဒို့ဦးလေး) - ရွေဝါရောင်မိုဇိတ်ရောဂါ ပါ။ ယင်ဖြူကာကွယ်ဆေးဖျန်းပါ။ ကုသဖို့ ဆေးမရှိပါဘူး။

နောက်တစ်ပတ်မှာလည်း ဗဟုသုတရဖွယ် အမေးအဖြေလေးတွေကို ဖော်ပြပေးပါဦးမယ်။ ကျေးဇူးတင်ပါတယ်။

(မေးခွန်းမေးမြန်းလိုသူများအနေဖြင့် Green Way App ရှိ အမေးအဖြေကဏ္ဍတွင် အချိန်မရွေး ဝင်ရောက်မေးမြန်းနိုင်ပါသည်။ ဖြေကြားပေးမည့် ပညာရှင်များ၊ တောင်သူအချင်းချင်း အတွေ့အကြုံမျှဝေလိုသူများ အဆင်သင့်ရှိနေပါသည်)

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်