ဇွန်လတွင် ကွမ်းပင်များ ရောဂါအမျိုးမျိုး ကျရောက်လေ့ရှိသဖြင့် ကြိုတင်ပြင်ဆင်မှုများ ဆောင်ရွက်နေ

     နှစ်စဉ်နှစ်တိုင်း ဇွန်လတွင် ကွမ်းပင် ရောဂါအမျိုးမျိုး ကျရောက်လေ့ရှိသဖြင့် ကြိုတင်ပြင်ဆင်မှုများ ဆောင်ရွက်နေကြောင်း ကွမ်းစိုက်တောင်သူများထံမှ သိရသည်။

ဇွန်လဆန်း ပထမပတ်ကျော်ရင် ကွမ်းမှာဖြစ်နေကျ ရောဂါက ဆီစွန်းရောဂါကျတတ်ပါတယ်။ ဇွန် ၂၀ ရက်လောက်မှာ နေပူရက်တွေ များလွန်းလို့ ဇူလိုင်လဆန်းပိုင်း မိုးတွေပြန်ရွာရင် အရင်ရက်က ဆီစွန်းခြံတွေ ရိုးမဲဖြစ်မယ်။ အစာကြွေးတဲ့ခြံတွေ၊ လောင်းရိပ်ကောင်းတဲ့ခြံနဲ့ ဘောင် ရေဆင်းရေလာမကောင်းတဲ့ခြံတွေက ရိုးပုပ်ရွက်ပုပ်တွေ ဝင်လာပါတော့မယ်။ ဒါတွေက နှစ်စဉ်နှစ်တိုင်း ကလင်ဒါကျဖြစ်ရက်တွေပါ။ တောင်သူတွေ ကြိုတင်ကာကွယ်မှုတွေ ပြုလုပ်ပြီး ကွမ်းရောဂါကို အနိုင်ယူကြရမှာပါ။

ဟု ဧရာဝတီတိုင်းဒေသကြီး ပုသိမ်ခရိုင်၊ ကျောင်းကုန်းမြို့နယ်၊ သစ်ဆိမ့်ကုန်းအုပ်စု၊ မှော်သေးကျေးရွာမှ ကွမ်းစီးပွားဖြစ် စိုက်ပျိုးနေသူ ကိုထွန်းထွန်း က ပြောသည်။

    မိုးရွာပြီး နေပြန်ပူခြင်း၊ နေပူပြီး မိုးပြန်ရွာခြင်းဖြစ်စဉ်များနှင့် ရာသီဥတု အပြောင်းအလဲများသည့် ရက်များတွင် ကွမ်းပင်သို့ စုပ်စားပိုးများ အလွယ်တကူကျရောက်တတ်ကြောင်း သိရသည်။

အခုနှစ်ပိုင်းတွေမှာ ခြံအများ စုပ်စားပိုကျတာတွေ အမြဲတွေ့နေရပါတယ်။ အရွက်တွေက ဝါမယ်။ အရွက်လိပ်မယ်။ ဖြူမယ်။ ကျားမယ်။ အဲ့ဒီလက္ခဏာတွေ အဖြစ်များကြပါတယ်။ စုပ်စားပိုးနဲ့အတူ ကိုက်ဖြတ်စားပိုးတွေပါ ကျလာပါတော့မယ်။ သတိထားပြီး ရှောင်ရှားကြပါ။ ကိုယ်ခြံတွင်း စုပ်စားပိုးကျတဲ့ လက္ခဏာကိုတွေ့မှ ဆေးဖျန်းမယ်ဆို နောက်ကျသွားပါပြီ။ မဖြစ်ခင်ကြိုတင်ကာကွယ်ထားကြပါ။

ဟု ကွမ်းစိုက်တောင်သူတစ်ဦး က ပြောသည်။

    ကွမ်းပင်သို့ ကျရောက်တတ်သည့် ရောဂါအန္တရာယ်များမှ ကြိုတင်ကာကွယ်နိုင်စေရန် ကွမ်းခြံအနီးတဝိုက် ပေါင်းမြက်များ ရှင်းလင်းဖယ်ရှားခြင်း၊ ခြံအတွင်း လေဝင်လေထွက်ကောင်းစေရန် ဆောင်ရွက်ခြင်း၊ မနက်ခင်းနှင့် ညနေပိုင်းအချိန်များတွင် ခြံကို မီးခိုးမှိုင်းတိုက်ပေးခြင်း၊ ဝါးပေါင်းခံရည်နှင့် တမာပိုးသတ်ဆေးကဲ့သို့ သဘာဝကာကွယ်ဆေးများဖျန်းခြင်း၊ ပိုးဖမ်းစတေကာများ အသုံးပြုခြင်း၊ မီးထောင်ချောက်များ ပြုလုပ်ခြင်း၊ အခါအားလျော်စွာ ဓာတုပိုးသတ်ဆေးနှင့် စုပ်စားပိုးသတ်ဆေးများ ဖျန်းပေးခြင်းများကို ဆောင်ရွက်နေကြောင်း သိရသည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်