ဂျူးမြစ်စိုက်ပျိုးခြင်း

ဂျူးမြစ်ကို အိမ်ရှင်မတွေက ငါးခေါင်းနဲ့ပဲဖြစ်ဖြစ်၊ အခြားသော ဟင်းလျာတစ်မျိုးမျိုးနဲ့ဖြစ်ဖြစ် ချက်စားကြပါတယ်။ ကြော်ပြီးလည်းစားသလို အချဉ်တယ်ပြီးလည်း မြိန်ယှက်စွာ စားသောက်တတ်ကြတယ်။ ဂျူးမြစ်သည် စင်စစ်အားဖြင့် ဥမဟုတ်ပါ။ သို့ရာတွင် ဂျူးမြစ်ကို ဟင်းဥပင်အဖြစ် စိုက်ပျိုးနိုင်ပါတယ်။ 

ကြိုက်နှစ်သက်သောရာသီဥတု

ဂျူးမြစ်သည် ပူပြင်းသောရာသီဥတုကို မကြိုက်ပေ။ အေးမြသော ရာသီဥတုကိုသာ နှစ်သက်သည်။ ဂျူးမြစ်အား မည်သည့်မြေအမျိုးအစားတွင်မဆို စိုက်ပျိုးနိုင်ပြီး တစ်နှစ်လျှင် မိုးရေချိန်လက်မ လေးဆယ်မှ ငါးဆယ်အတွင်း ရရှိနိုင်သော မည်သည့်ဒေသတွင်မဆို ကောင်းစွာ စိုက်ပျိုးဖြစ်ထွန်းနိုင်သည်။ မြေချဉ်ငံဓာတ် ၄.၅ နှင့် ၅.၅ အတွင်းစိုက်ပျိုးဖြစ်ထွန်းသည်။ ဂျူးမြစ်ပင်သည် နှင်းခါးရိုက်တဲ့ဒဏ်ကို ကောင်းစွာ ခံနိုင်ရည်ရှိပါသည်။ 

စိုက်ချိန်

ဂျူးမြစ်ပင်မှာ သက်ကြီးမျိုးနှင့် သက်လျင်မျိုးဟူ၍ နှစ်မျိုးရှိသည်။ သက်လျင်မျိုးကို ဧပြီ၊ မေလတို့တွင် စိုက်ပျိုးပါက ဇူလိုင်လလောက်တွင် အဖူးထွက်သည်။ သက်ကြီးမျိုးကို ဧပြီ၊ မေလတို့တွင် စိုက်ပျိုးပါက စက်တင်ဘာလလောက်တွင် အဖူးထွက်ပါသည်။ 

မြေပြင်ခြင်းနှင့် စိုက်ပျိုးခြင်း

ဂျူးမြစ်စိုက်ပျိုးမည့်နေရာတွင် သစ်ရွက်စိမ်းမြေသြဇာပင်များ စိုက်ပျိုး၍ ထယ်ထိုးမြှုပ်နှံပစ်ပြီးနောက် ဂျူးမြစ်ပင်အား စိုက်ပျိုးရန် ပြင်ဆင်ရမည်။ မိုးတစ်ပြိုက်၊ နှစ်ပြိုက်ခန့် ကျပြီဆိုလျှင် စိုက်ခင်းမြေကို ထယ်တစ်စပ်၊ နှစ်စပ်နှင့် ထွန်နှစ်စပ်၊ သုံးစပ်ခန့်ဝင်ပေးရသည်။ တစ်တန်းနှင့် တစ်တန်း တစ်ပေခန့်ခွာပြီး ခြောက်လက်မမှ ရှစ်လက်မအနက်ရှိသော စိုက်မြောင်းကလေးများရရှိအောင် စိုက်ကြောင်းကို ဖော်ပေးရသည်။ စိုက်ကြောင်းများထဲတွင် တစ်ပင်နှင့် တစ်ပင် ခြောက်လက်မခန့်ခွာ၍ စိုက်ပျိုးနိုင်ပါသည်။ ဂျူးမြစ်စိုက်ရာတွင် ခါးချိုးပြီး အလျားလိုက် ထည့်စိုက်ကာ အမြစ်နှင့် ပင်စည်ထွက်သောနေရာတွင် မြေဖို့ပေးရသည်။ တစ်ဧက စိုက်ပျိုးတော့မည်ဆိုပါလျှင် ဂျူးမြစ်ပိဿာ ငါးရာခန့်လိုပေသည်။

မြေသြဇာကျွေးခြင်း

စိုက်ပြီး ၁၅ ရက် - ၂၀ ရက်အတွင်း အမြစ်အသစ်ထွက်လေ့ရှိသည်။ ထိုအခါ ကြားပေါင်းလိုက်ခြင်း၊ မြေဆွခြင်း၊ မြေသြဇာကျွေးခြင်း ပြုလုပ်ရသည်။ တစ်ဧကလျှင် ယူရီးယားအိတ်ကြီးတစ်အိတ်၊ တီဆူပါအိတ်ကြီးတစ်အိတ်၊ သဘာဝ မြေသြဇာသုံးအိတ်ကို စိုက်ကြောင်းများကြားတွင်း မြေဆွ၍ ထည့်ပေးပါ။ မြေသြဇာ ကျွေးရာတွင် အပင်ပတ်လည် ၄ လက်မခန့်ခွာ၍ ကျွေးရသည်။ အပင်ပေါက်စအချိန်တွင် ကြားပေါင်းမဖြစ်မနေလိုက်ပေးပါ။ တစ်ဧက ဂျူးမြစ် ပိဿာချိန် ၁၅၀၀ - ၃၀၀၀ အထိ ထွက်ရှိနိုင်သည်။ ဈေးကွက်အခြေအနေပေါ်မူတည်၍ ခူးဆွတ်ချိန်တန်သော်လည်း မြေထဲတွင် သုံးလေးလခန့်ထား၍ အလီလီတူးဖော်ရရှိနိုင်ပါသည်။ 

မျိုးစေ့ထုတ်ခြင်း

ဂျူးမြစ်ကို မျိုးထားလိုပါက ဇန်နဝါရီလရောက်မှ ပေါက်ပြားဖြင့် မြေကြီးကို အုံလိုက်ပါအောင် တူးဖော်ရပါမည်။ အမြစ်အရှည် ခြောက်လက်မခန့်သာချန်၍ ဖြတ်ပစ်ရပါမည်။ ထို့နောက်အရိပ်အာဝါသကောင်းသောနေရာတွင် ရှစ်ပေပတ်လည်၊ ဆယ့်နှစ်ပေအနက်ရှိသော ကျင်းတူးပြီး နဘေထပ် ခပ်ဖွဖွစီကာ ကျင်းပေါ်တွင် ဝါးများတင်၍ ဝါးအပေါ်တွင် အမှိုက်များ၊ မြေကြီးများ ဖုံးအုပ်ပြီး သိုလှောင်ထားခြင်းဖြင့် မျိုးထားနိုင်ပါသည်။

ကိုးကား- ခေတ်မှီဘတ်စုံစိုက်ပျိုးနည်းပညာစာအုပ်၊ မြန်မာတောင်သူကြီးများဂျာနယ် 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်