ငွေနှင်းမှိုစိုက်ပျိုးနည်း ( Pleurotus app)

ငွေနှင်းမှိုသည် မြန်မာနိုင်ငံ အနှံအပြားတွင် စိုက်ပျိုးနိုင်ပြီး တစ်နှစ်ပတ်လုံး ထွက်ရှိအောင် စိုက်ပျိုးနိုင်ပါသည်။ ငွေနှင်းမှို စိုက်ပျိုးရာတွင် စိုက်ထုပ်မှ မှိုပွင့်ရန်အတွက် လိုအပ်သော အပူချိန် နှင့်စိုထိုင်းကို ဖန်တီးပေးရန် လိုအပ်ပါသည်။

ဓာတ်ပုံ- မှိုစိုက်ထုပ်

မှိုပွင့်ရန် လိုအပ်သော အပူချိန် စိုထိုင်းဆ လေဝင်လေထွက် အလင်းရောင် အနည်းငယ်ရှိသော မည်သည့်နေရာမဆို မှိုစိုက်ထုပ်ကို ထားရှိ စိုက်ပျိုးနိုင်ပါသည်။ တနိုင်တပိုင် အဖြစ်ရေချိုးခန်းများတွင် ချိတ်ဆွဲ၍သော်လည်းကောင်း၊ အိမ်ခြံဝင်း အတွင်း အေးသော အရိပ်အောက်တွင် ထားရှိ၍ သော်လည်းကောင်း၊ နေရောင် တိုက်ရိုက် ကျရောက်မှုလေပြင်း တိုက်ခိုက်မှု ပူပြင်းလွန်းသောနေရာ များနှင့် ကင်းလွတ်သောနေရာများတွင်နေရာ အခြေအနေပေါ် မူတည်၍ ချိတ်ဆွဲခြင်း၊ ထောင်ထားခြင်း၊ လှဲ၍ စီထပ်ထားခြင်း၊ မှိုစိုက်ခန်း သီးသန့် ပြုလုပ်ခြင်းတို့ဖြင့် စိုက်ပျိုးနိုင်ပါသည်။

ငွေနှင်းမှို စိုက်ခန်းကို ပိုးသတ်ဆေး၊ မြေဩဇာသိုလှောင်ထားသော အခန်းတွင်း မပြုလုပ်သင့်ပါ။

စီးပွားဖြစ် တွက်ခြေကိုက်အောင် စိုက်ပျိုးလိုသူသည် မှို စိုက်ခန်းသီးသန့် ပြုလုပ် စိုက်ပျိုးသင့်ပါသည်။

မှိုစိုက်ခန်းကို စိုက်ထုပ် အရေအတွက်ပေါ် မူတည်၍ အကျိုးအမြတ်အား တွက်ချက်ဆောက် လုပ်သင့်ပါသည်။ စိုက်ခန်းအတွင်း အပူချိန်က ထိန်းချုပ်နိုင်ရန် အမိုးအကာ လုံအောင် ပြုလုပ်ရပါမည်။ လေဝင်လေထွက်ကောင်းစေရန်၊ အခန်းအတွင်း အပူချိန်ကို ထိန်းချုပ်ရန် အတွက် တံခါးများ၊ ပြတင်းပေါက်များ ပါရှိရပါမည်။ အခန်းအတွင်း စိုထိုင်းဆ မပြတ်ထိန်းရန်အတွက် အခင်းတွင် သဲခင်းထားပြီး ရေလောင်း၍ အမြဲစိုအောင် ပြုလုပ်ပေးရန် လိုအပ်ပါသည်။

စိုက်ထုပ်မှငွေနှင်းမှိုအပွင့်ဖြစ်ပေါ်ရန်အတွက်လိုအပ်သောအပူချိန်မှာငွေနှင်းမှိုမျိုးကွဲအလိုက်အပူချိန် ၂၀-၂၈ ဒီဂရီ စင်တီဂရိတ်တွင် ဖြစ်သော်လည်း အပူချိန် ၂၅ ဒီဂရီ စင်တီဂရိတ်တွင် မှိုပွင့်ကြီးထွားရန် အကောင်းဆုံး ဖြစ်ပါသည်။ အခန်းအတွင်း စိုထိုင်းဆမှာ (၈၀-၈၅ %) ရှိရပါမည်။ အလင်းရောင် အသင့်အတင့် ရှိရမည်ဖြစ်ပြီး လေဝင်လေထွက်ကောင်းရန် လိုအပ်ပါသည်။ အခန်းအတွင်း အပူချိန် နှင့်စိုထိုင်းဆကို ကိရိယာဖြင့် အလွယ်တကူ သိနိုင်ပါသည်။

အခန်းအတွင်းအပူချိန် ၃၀ ဒီဂရီ စင်တီဂရိတ် အထက် တိုးလာခဲ့လျှင်ရေမှုန်ရေမွှားများ အခန်းအတွင်း မကြာခဏ ဖြန်းပေးခြင်း၊ ပြတင်း တံခါးများ ညဘက်တွင် ဖွင့်ပေးခြင်းဖြင့်လေအေးများ အခန်း အတွင်းသို့ ဝင်ရောက်စေပြီး အပူချိန်များလျော့ချနိုင်ပါသည်။ မှို စိုက်ခန်းအတွင်း စိုက်ထုပ်များအား စင် ပြုလုပ်၍ထောင်ခြင်း၊ စီထပ်ခြင်း၊ ချိတ်ဆွဲခြင်း တို့မှ မိမိ ကြိုက်နှစ်သက်ရာနည်းဖြင့် စိုက်ပျိုးနိုင်ပါသည်။ ထောင်၍စိုက်ပျိုးရာတွင် ထိပ်ဖွင့် လှီးဖြတ်၍သော်လည်းကောင်း၊ ဘေးခွဲ၍သော်လည်းကောင်း စိုက်ပျိုးနိုင်ပါသည်။

စိုက်ခန်းအတွင်း စိုက်ထုပ်များ ထည့်သွင်းပြီးချိန်မှစ ၂ ရက်မြောက်မှ စိုက်ထုပ်များပေါ် သို့ရေလောင်းပေးရပါမည်။ ရေလောင်းသည့်အခါ စိုက်ထုပ်များပေါ် သို့ရေမှုန်ရေမွှားများ သာလောင်းပေးရပါမည်။ အခန်း အပူချိန် မြင့်ပါက အပူချိန်လျော့ချခြင်းအပြင် စိုက်ထုပ်များအပေါ်သို့ တစ်ရက် နှစ်ကြိမ်ရေလောင်းပေးရပါမည်။ သင့်တော်သော အပူချိန်နှင့် စိုထိုင်းဆရှိသော အခန်း အတွင်းတွင် မှိုစိုက်ထုပ်များမှ မှိုထုပ်များ ၃-၄ ရက် ကြာသောအခါ မှိုအဖူးများ စတင် ဖြစ်ပေါ်လာမည်ဖြစ်ပြီး ၂-၃ရက် အကြာတွင် မှိုခူးရမည့် အနေအထားသို့ရောက်မည် ဖြစ်ပါသည်။

မှို အဖူးလေးများ ဖြစ်ပေါ်လာချိန်တွင် မှိုဖူးများခြောက်သွေ့မှု မဖြစ်စေရန်နှင့် ဆက်လက် ကြီးထွားစေရန်အတွက် မှိုအဖူးများ အပေါ်တွင်ရေမှုန်ရေမွှားများ တစ်ရက် တစ်ကြိမ်လောင်းပေးရန် လိုအပ်ပြီး လေပြင်း နှင့်နေရောင် တိုက်ရိုက် ကျရောက်မှု မရှိစေရန် သတိပြုရမည်ဖြစ်ပါသည်။ မှိုများ ခူးဆွတ်သင့်သော အနေအထားမှာ မှိုပွင့်ဘေးနှုတ်ခမ်းများရှိ အနားများသေးငယ်လာသောအခါ ခူးဆွတ်ရမည် ဖြစ်ပါသည်။

ခူးဆွတ်သည့်အခါ မှိုပွင့်များအား အခိုင်လိုက် လှည့်ထုတ် ဆွဲနှုတ်ရပါမည်။ ပြီးလျှင် အခြေရှိ လွှစာများကို လှီးဖြတ် ရပါမည်။ ငွေနှင်းမှို အဖူးများ ပုံသဏ္ဍန်မှန်စွာ ကြီးထွားရန် အတွက်အောင်စီဂျင် လိုအပ်ပါသည်။ အခန်းအတွင်း လေဝင်လေထွက်ကောင်းရန် လိုအပ်ပါသည်။ အခန်းလေဝင်လေထွက် မကောင်းပါက တနည်းအားဖြင့် အခန်းအတွင်း ကာဗွန်ဒိုင်အောက်ဆိုဒ် (CO2) များပါက အပွင့်များ အရိုးရှည်ခြင်း၊ အပွင့်များ ပုံပျက်ခြင်း၊ အရောင်ပြောင်းခြင်းများ ဖြစ်လာပါမည်။

မှိုပွင့်များသို့ ပက်ဖြန်းသောရေမှာ စံ (၄-၇.၅) ကြား ဖြစ်သော်လည်း အကောင်းဆုံးမှာစံ ၅.၅ - ၆ ဖြစ်ပါသည်။

မှိုစိုက်ထုပ် တစ်ထုပ်မှ မှိုစိုက်ထုပ်တွင် ပါဝင် သုံးစွဲထားသော ဖြည့်စွက်စာ အချိုးအစားနှင့် သင့်တော်သော အပူချိန် စိုထိုင်းဆ ရရှိမှုပေါ်မူတည်၍ ပထမအကြိမ်တွင ်မှိုစိုက်ထုပ် အလေးချိန်၏ သုံးပုံတစ်ပုံမှ တစ်ဝက်ခန့်အထိ ထွက်ရှိနိုင်ပါသည်။ သုံးကြိမ်အထိ မှိုခူးဆွတ်နိုင်ပြီး မှိုထွက်ရှိမှုသည် ပြုစု ထိန်းသိမ်းမှု ၊ မှိုစိုက်ထုပ်အတွင်း ပါဝင်သော ဖြည့်စွက်စာပေါ် မူတည်ပါသည်။

စိုက်ထုပ်များမှ မှိုခူးပြီးတိုင်း စိုက်ထုပ် အတွင်း မှိုမျှင်ပြန်ပြည့်ပြီး အဖူးဖြစ်ပေါ်ရန်အတွက် စိုက်ထုပ်များအပေါ် မှိုခူးထားသောနေရာသို့ ၂ -၃ ရက်ရေတိုက်ရိုက် မထိစေရန် သတိပြုရပါမည်။

မှို အဖူးများ ကြီးထွားရန်အတွက် ရေ လိုအပ်ပါသည်။ သို့သော် မှိုမျှင်မှ မှိုအဖူးဖြစ်ရန်အတွက် ရေမှ အနှောင့်အယှက် အတားအဆီးဖြစ်၍ ထိုနေရာတွင ်ရေစိုနာဖြစ်ကာ အထုပ်များ ပုပ်လာခြင်း၊ မှိုပွင့်များ မပွင့်တော့ခြင်းတို့ ဖြစ်လာပါမည်။

စိုက်ခန်းဖြင့် စိုက်ပျိုးရာတွင် အခန်းအတွင်း သန့်ရှင်းရေးသည် အရေးပါသည်။ စိုက်ထုပ်များ အခန်းအတွင်း စိုက်ပျိုးခြင်းမပြုမီ အခန်းအား သင့်တော်သော အပူချိန်နှင့် စိုထိုင်းဆရောက်အောင် ပြင်ဆင် ထားရမည်။ စင်များကို ဝါး သစ်သားတို့ဖြင့် ပြုလုပ်ပါက ထုံးသုတ်ထားရမည်။ စိုက်ခန်း ပတ်ဝန်းကျင် သန့်ရှင်းအောင် ပြုလုပ်ရမည်။ မှိုများခူးဆွတ်ရာတွင် ခူးဆွတ်ရမည့် မှိုများ စိုက်ခန်းအတွင်း မကျန်အောင် သတိပြုရမည်။

စိုက်ခန်း ပတ်ဝန်းကျင်တွင် မှိုခူးပြီး လှီးဖြတ်ထားသော စွန့်ပစ် အပိုင်းများ၊ ပျက်စီးသွားသော စွန့်ပစ် စိုက်ထုပ်များ၊ အစားအသောက် အကြွင်းအကျန်များ စိုက်ခန်း ပတ်ဝန်းကျင်တွင် မရှိအောင် သတိပြုရပါမည်။

အေးသန္တာစိုး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်