ကုန်သည်ပွဲစားများ၏ ဈေးကွက်ကစားမှုကြောင့် သံပုရာသီးဈေးနှုန်းများ အဆမတန်ကျဆင်း

    ကုန်သည်ပွဲစားများ၏ ဈေးကွက်ကစားမှုကြောင့် သံပုရာသီးဈေးနှုန်းများ အဆမတန်ကျဆင်းနေကြောင်း သီးနှံဈေးကွက်ကျွမ်းကျင်သူများထံမှ သိရသည်။

လက်ရှိသံပုရာသီးဈေးကွက်ကတော့ အခြေအနေမကောင်းဘူးပေါ့။ ရန်ကုန်၊ သီရိမင်္ဂလာဈေးနဲ့ တခြားနေရာကပွဲစားတွေ သပ်သပ်မဲ့ ဈေးကစားလိုက်တာကြောင့်လည်း ပါတယ်။ သူတို့ပွဲစားချင်းက ချိတ်ဆက်ပြီး ဈေးညှိထားကြတယ်။ သက်ဆိုင်ရာ ဒေသအသီးသီးကတောင်သူတွေကို အကြောင်းပြပြီး အသီးတွေကို ပြိုင်ခူးခိုင်းတယ်။ နယ်ပေါင်းစုံက တောင်သူတွေက တပြိုင်နက်တည်း တင်ပို့ကြတော့ အသီးတွေ ဈေးကွက်ထဲပုံသွားတယ်။ အဲ့ဒီအခါကျတော့ ဈေးတွေက ကမောက်ကမ အကုန်ဖြစ်သွားတယ်။ ပွဲစားတွေပေးတဲ့ဈေးနဲ့ပဲ ဈေးဖြတ်ခံရတော့တာပေါ့။

ဟု ကရင်ပြည်နယ်၊ ကြာအင်းဆိပ်ကြီးမြို့နယ်မှ သံပုရာသီးရောင်းဝယ်ရေးလုပ်ကိုင်သူ ကိုစိုးကြီးက ပြောသည်။

    မြန်မာနိုင်ငံတွင် သံပုရာပင် စီးပွားဖြစ်စိုက်ပျိုးရေးကို ကရင်ပြည်နယ်၊ မွန်ပြည်နယ်၊ ပဲခူးတိုင်း၊ ဧရာဝတီတိုင်းတို့၌ အဓိကစိုက်ပျိုးထုတ်လုပ်နေပြီး၊ ရန်ကုန်မြို့၊ နေပြည်တော်၊ မန္တလေးမြို့များသို့ တင်ပို့ရောင်းချနေသည်။

    နှစ်စဉ် မတ်လ၊ ဧပြီလတို့၌ သံပုရာသီးဈေးများ မြင့်တက်လာပြီး၊ ဧပြီလကျော်လာပြီးသည့်နောက် သံပုရာသီးဈေး ပြန်ကျသွားတတ်သည်။ အသီးထွက်နှုန်းများသည့် မိုးရာသီ ဇွန်လ၊ ဇူလိုင်လများတွင်မူ သံပုရာသီးဈေးနှုန်းများ အနိမ့်ဆုံးဖြစ်သွားတတ်သည်။ 

သံပုရာစိုက်ပျိုးမှုများတဲ့နေရာတွေက ဧရာဝတီတိုင်းဆို ဖျာပုံ၊ ပဲခူးတိုင်းမှာဆို ပြည်၊ ကရင်ပြည်နယ်မှာ သံပုရာသီးအထွက်ဆုံးကတော့ ကြာအင်းဆိပ်ကြီးပါ။ အရင်နှစ်တွေက ဈေးကျချိန်မှာ ဒီနှစ်လောက်တော့ ဈေးမကျခဲ့ဘူး။ အခုလိုမျိုး ဈေးနဲ့ဆိုရင် တောင်သူတွေလည်း အသီးဆက်မခူးနိုင်တော့လောက်ပါဘူး။ အသီးခူး ရပ်ထားမှပဲရတော့မယ်။

ဟု ကိုစိုးကြီးက ဆက်လက်ပြောသည်။

    ယခင်နှစ်က သံပုရာသီးဈေးကျချိန်များတွင် အလုံးရေ (၂၅၀၀) ပါ သံပုရာသီးအိတ်တစ်အိတ်လျှင် အရွယ်အစား အကြီးအသေးပေါ်မူတည်၍ လက်ကားဈေး ကျပ် (၁၅၀၀၀) ဝန်းကျင်မှ (၃၅၀၀၀) ကျပ် အတွင်း ဈေးရရှိခဲ့သော်လည်း ယခုနှစ်တွင် အလုံးရေ (၂၅၀၀) ပါ သံပုရာသီးအိတ်တစ်အိတ်လျှင် ကျပ် (၁၀၀၀၀) မှ (၂၀၀၀၀) ကျပ်ဝန်းကျင်အတွင်းသာ ဈေးရရှိကြောင်း သိရသည်။

    သံပုရာသီးကို အစိမ်းဈေးကွက်အပြင် Value Added (တန်ဖိုးမြှင့်ထုတ်ကုန်) အဖြစ် အရည်အသွေးမြှင့်တင်ထုတ်လုပ်နိုင်ပါက ဈေးကွက်သစ်များပေါ်ပေါက်လာနိုင်ပြီး၊ အသီးထွက်နှုန်းများသည့် ကာလများ၌ ဈေးကွက်ကျဆင်းခြင်းဒဏ်ကို ကာမိနိုင်မည်ဖြစ်ကြောင်း ဈေးကွက်ကျွမ်းကျင်သူများက သုံးသပ်သည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်