ယင်းချောင်းထဲတွင် သုံးနှစ်ဆက်တိုက် အာလူးအထွက်နှုန်းကျဆင်းလာ

မကွေးမြို့နယ် ယင်းချောင်းအတွင်း အာလူးစိုက်ပျိုးရေးလုပ်ကိုင်သူများသည် ရာသီဥတုမမှန်မှု၊အသုံးပြုနေရသည့် သွင်းအားစုမြေသြဇာများ ကွာလတီမမှန်မှုတွေကြောင့် သုံးနှစ်ဆက်တိုက်အထွက်နှုန်းကျဆင်းလာပြီး အများစုမှာ အရှုံးပေါ်ကြကြောင်း အာလူးစိုက်ပျိုးသူများထံက သိရသည်။

ယင်းချောင်းတစ်လျှောက်မှာနေထိုင်တဲ့ ကျေးရွာတွေအနေနဲ့ မိုးကုန်ပြီး တောင်ယာလုပ်ငန်းသိမ်းချိန် ဒီဇင်ဘာလအ လယ်လောက်မှာ ကိုင်းလုပ်ငန်းအဖြစ် ယင်းချောင်းအတွင်းမှာ အာလူးကို စတင်စိုက်ပျိုးကြတာပါ။ စိုက်ပျိုးပြီးရက် (၉၀) မှာ အားလူးပေါ်တာဖြစ်ပါတယ်။ အခုချိန်မှာ ယင်းချောင်းအတွင်း အားလူးဖော်ချိန်ဖြစ်ပြီး စိုက်ပျိုးစဉ်မှာ မိုးရွာသွန်းမှုကြောင့် စိုက်ခင်းများ ပိုးကျပြီး အထွက်နှုန်းနည်းကြောင်း၊ အခုလိုဖြစ်တာ သုံးနှစ်ဆက်ရှိနေပြီလို့ ယင်းချောင်းဘေးမှ တမို့ရွာနဲ့ ယင်းဆိပ်ကျေးရွာက အားလူးစိုက်တောင်သူအချို့ကပြောသည်။

"သုံးနှစ်လောက်ရှိပြီ ဖော်ခါနီး မိုးကရွာတော့ အမြန်ဖော်လိုက်ရတယ်၊ ရက်မပြည့်တော့ အာလူးညှပ်တာတွေ များတာပေါ့၊ အာလူးကို ဒီဇင်ဘာလလယ်လောက်က စပြီးစိုက်ကြပါတယ်။ စိုက်ပျိုးပြီး ရက်(၉၀)မှာ အာလူးပေါ်တာဖြစ်ပါတယ်၊ အခုချိန်မှာ ယင်းချောင်းအတွင်းအာလူးဖော်ချိန်ဖြစ်ပြီး စိုက်ပျိုးစဉ်မှာ မိုးရွာသွန်းမှုကြောင့်စိုက်ခင်းများ ပိုးကျပြီးအထွက်နှုန်းနည်းတာ "ဟု အာလူးစိုက်တောင်သူများက ပြောသည်။

အာလူးအထွက်နှုန်းကျဆင်းသလို စျေးကွက်မှာလည်း အကြီး၊ အသေး၊ အလတ်၊ အငယ်စသဖြင့် အမျိုးအစား (၅)မျိုးလောက်ခွဲကာ ရောင်းချရပြီး တောင်သူတွေအတွက် တွက်ခြေသိပ်မကိုက်ဘူးဟုအာလူးစိုက်တောင်သူများက ဆိုသည်။

လက်ရှိ စျေးကွက်ပေါက်စျေးမှာ အာလူးရှယ်စ (၁) ပိဿာကို (၅၅၀) ကျပ်ခန့် အနိမ့်ဆုံး၊ အငယ်စ (၁) ပိသာ (၂၀၀) ကျပ်ခန့် ရှိပြီး ယခုနှစ် စိုက်ခင်းများမှ အားလူးအလုံးအငယ်တွေသာ အများဆုံးထွက်တာဖြစ်သည့်အတွက် တွက်ခြေမကိုက်တာဖြစ်ကြောင်း တမို့ကျေးရွာမှ အာလူးစိုက်တောင်သူ ဒေါ်ခင်စန်းမြင့်က ပြောပြသည်။

အာလူးစိုက်တောင်သူများသည် ယခင်က ရန်ကုန်သို့ တင်ပို့ရောင်းချခဲ့ကြပေမဲ့ ၊ လက်ရှိတွင် မကွေး၊တောင်တွင်းကြီးမြို့များကို တင်ပို့ရောင်းချကြပြီး မကွေးစျေးကွက်မှာ အရောင်းအဝယ်နှေးသည့် အတွက် တောင်တွင်းကြီးစျေးကွက်ကို ပိုမိုတင်ပို့ရောင်းချကြကြောင်း သိရသည်။

သုံးနှစ်ဆက်တိုက် အထွက်နှုန်းကျဆင်းလာသည့်အတွက် လာမည့်နှစ်စိုက်ပျိုးရာသီမှာ အာလူးစိုက်ပျိုးသူ နည်းသွားမှာဖြစ်တယ်ဟု အာလူးစိုက် တောင်သူတချို့ကပြောသည်။

"အာလူး (၁)ပိသာကို (၈၀၀)ကျပ် ပေးဝယ်ရပါတယ်၊ဒါ အားလူးပေါ်ချိန်မလို့ ဒီစျေးနဲ့ ရတာပါ၊ အာလူးတွေရှားလာပြီဆို (၁) ပိသာကို ကျပ်(၂၀၀၀)အထိ ပေးဝယ်စားရပါတယ် "ဟု မကွေးမြို့မှ အိမ်ရှင်မတစ်ဦးက ပြောပြသည်။

သက်မှူးအိမ်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...