ကြမ်းခင်းစျေးသတ်မှတ်ပေးသော်လည်း စျေးနှိမ်မှုများကြုံနေဆဲဖြစ်သောကြောင့် ယခုနှစ် စပါးရာသီအတွက် ပူပန်မှုများရှိနေ

၂၀၁၈ ခုနှစ်၊ မတ်လ ၆ ရက် မြန်မာ့ဆန်စပါးကဏ္ဍဖွံ့ဖြိုးရေး နှီးနှောဖလှယ်ပွဲတွင် အခြေခံရည်ညွှန်းဆန်စပါးဈေးနှုန်း တစ်တင်း ၄၆ ပေါင်ပြည့်မီသော စပါးတင်း ၁၀၀ လျှင် ကျပ်ငွေ ၅ သိန်းဟု သတ်မှတ်ပေးခဲ့သည်။ ကြမ်းခင်းစျေးအတိုင်း ပေးချေကြသော်လည်း အလေးချိန်တိုးဝယ်ယူမှုများရှိခဲ့သည်။

ဦးလေးတို့တောင်သူတွေက စပါးရိတ်သိမ်းပြီးတာနဲ့ မြေသြဇာအကြွေး၊ စိုက်ဘဏ်ချေးငွေ၊ အမျိုးမျိုးသောငွေကြေးလိုအပ်ချက်တွေရှိတယ်။ ဒါကြောင့် သိသိကြီးနဲ့ မတတ်သာပဲ ရောင်းကြရတယ်။ တိုင်ပြီးတော့ရော ဘာဖြစ်လာမှာလဲ၊ ဘယ်လိုလုပ်ပေးမှာလဲ မသေချာပဲ ဘာလုပ်နေမှာလဲ တိုင်မနေတော့ပါဘူး။

ဟု ပဲခူးတိုင်းအရှေ့ပိုင်း၊ တောင်ငူခရိုင်၊ ရေတာရှည်မြို့နယ်၊ ထန်းကုန်ကျေးရွာမှ စပါးစိုက်ဧက ၃၀ ကိုစိုက်ပျိုးလုပ်ကိုင်နေသူ တောင်သူကြီး ဦးလှကြိုင်မှ ပြောသည်။

ထိုကဲ့သို့ မူမမှန်ဝယ်ယူမှုများကို သိနားလည်သော တောင်သူတချို့ရှိသော်လည်း မြို့နယ်အလိုက် ပွဲစား၊ ဆန်စက်ရှင်ကြီးများ၊ ကုန်သွယ်ရေးလုပ်ငန်းရှင်များ၏ လက်ဝါးချင်းရိုက် သတ်မှတ်ချက်များကြောင့် တောင်သူများအနေဖြင့် အခွင့်အရေးမရှိခဲ့ကြောင်း သိရသည်။ ၂၀၁၉ ကစပြီး စပါးနှစ်ရာသီလုံးတွင် ဈေးကွက်ပြဿနာမှာ ပိုမိုဆိုးရွားခဲ့ကြောင်း သိရသည်။

စပါးရောင်းဝယ်ရေးလုပ်ရတာ ဈေးကွက်က လုံးဝမကိုက်တော့လို့ဆိုပြီး ပွဲစားတွေ ရွာမှာ အဝယ်မလာတော့ဘူး။ ဒါ့ကြောင့် အမတို့ မြို့ပေါ်ကဆန်စက်ကြီးတွေဆီပဲ စပါးပို့ပြီး ကြိတ်ခွဲပြီး ဆန်ပြန်သွင်းခဲ့ကြရတယ်။ ဈေးနှုန်းကိုလည်း ဆန်စက်ကြီးတွေကပြောတဲ့ ပေါက်ဈေးနဲ့ပဲ ငွေရှင်းပေးတယ်။ ပြီးမှ အိတ်ခွံခ၊ တင်ပို့ရောင်းချပေးတဲ့ကားခ၊ ကြိတ်ခဆိုပြီး ပြန်နှုတ်ယူထားတာ။ အမပြန်တွက်ကြည့်တော့ သူတို့ပြန်နှုတ်ယူထားတဲ့အိတ်ခွံခက အပြင်ကအိတ်ခွံဈေးနှုန်းတွေထက် ပိုနေတာတွေ့တယ်။ အဲ့တော့ သူတို့ ငွေရှင်းပေးတဲ့ပေါက်ဈေးဆိုတာကရော အမှန်ဟုတ်ရဲ့လား။ အမတို့တောင်သူတွေ အတိအကျမသိကြဘူး။

ဟု ရေတာရှည်မြို့နယ်၊ ထန်းကုန်ကျေးရွာမှ စပါးစိုက်ဧက ၅ ဧကကို စိုက်ပျိုးလုပ်ကိုင်နေသော အမျိုးသမီးတောင်သူ ဒေါ်အေးစုလှိုင် က ပြောသည်။

ဤကဲ့သို့ ကြုံတွေ့ခဲ့ရမှုများကြောင့် ယခုနှစ်မိုးစပါးတွင် ဖြစ်ပေါ်လာမည့် ဆန်စပါးဈေးကွက်ကိုလည်း ထိုဒေသရှိတောင်သူများအနေဖြင့် စိုးရိမ်စွာနားစွင့်နေကြကြောင်းသိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...