တညင်းပင်စိုက်ပျိုးနည်း

မြန်မာအမည်- တညင်း

အင်္ဂလိပ်အမည်- DJENKOL BEAN

ရုက္ခဗေဒအမည်- Pithe cellobium labatum

မျိုးရင်းအမည်- MIMOSACEAE

တညင်းမျိုးများ

အသီးအရွယ်အစားကိုလိုက်၍

၁။ တညင်းကြီး

၂။ စာကလေးတညင်း ဟူ၍ လည်းကောင်း

ဒေသကိုလိုက်၍

၁။ မြေပြန့်တညင်း ( မြောင်းမြတညင်း၊ ပေါင်တညင်း)

၂။ တောင်ပေါ်တညင်း (ကျေးတောင်တညင်း၊ မြစ်ကြီးနား၊ နောင်ချိုတညင်း) ဟူ၍လည်းကောင်း ခွဲခြားထားသည်။

စိုက်ပျိုးသည့်ဒေသများ

ကချင်ပြည်နယ်၊ မွန်ပြည်နယ်၊ ကယားပြည်နယ်၊ တနင်္သာရီတိုင်း၊ ဧရာဝတီတိုင်း၊ ရှမ်းပြည်နယ် (နောင်ချို)၊ မန္တလေးတိုင်း (ပြင်ဦးလွင်) တို့တွင်စိုက်ပျိုးသည်။

ရေမြေရာသီဥတု

အောက်ခံဂဝံမြေနှင့် သဲနုန်းမြေတို့သည် တညင်းပင်အတွက် အသင့်တော်ဆုံးဖြစ်သည်။ ပူအိုက်စွတ်စိုသော ရာသီဥတုနှင့် အပူချိန်ကွာခြားမှုရှိသော ရာသီဥတုကိုနှစ်သက်သည်။ မိုးရေချိန် ၁၀၀-၂၀၀ လက်မအတွင်း စိုက်ပျိုးဖြစ်ထွန်းသည်။

မြေပြုပြင်ခြင်း

မြေကို အထူးထွန်ယက်ရန် မလိုအပ်ပေ။ စိုက်ကျင်းကို ၄ပေပတ်လည် သို့မဟုတ် ၅ပေပတ်လည် တူးကာ ကျင်းထဲသို့ အပေါ်ယံမြေ၊ သဲ၊ နွားချေးနှင့် သဘာဝမြေဩဇာတို့ကို ဆတူရော၍ ဖို့ပေးရပါမည်။

ပျိုးထောင်နည်း

တညင်းသီးအရင့်များကို အရိပ်အောက်တွင် တစ်လခန့်ဖြတ်ထားပြီး သဲနှင့်နွားချေး ၃း၁ ရောထားသော ပျိုးဘောင်ကို ရေဝအောင်လောင်းပြီး တညင်းသီးများကို စီရီချထားခြင်းဖြင့် အစို့ထွက်လာပါသည်။ အစို့ထွက်သည်အထိ ရေဝအောင်လောင်းပေးရပါမည်။ အချို့က ရေစပ်စပ်စိမ်ပြီး တညင်းဝက်ဖြစ်မှ ဘောင်ချစိုက်လေ့ရှိကြသည်။

စိုက်ပျိုးနည်း

တညင်းပင်သည် အထနှေးသောကြောင့် လေး_ ငါးနှစ်စောင့်ရခြင်း၊ ရွက်အုပ်ထူလွန်းသဖြင့် အပင်ကြီးလာပါက ကြားသီးနှံစိုက်ရန်ခက်သဖြင့် သီးညှပ်ဖြစ်စေ၊ အရိပ်အပင်အဖြစ် ဖြစ်စေ စိုက်လေ့ရှိပါသည်။

သီးသန့်စိုက်ရမည်ဆိုပါက ၃၀ x ၃၀ ပေထားပြီး နှစ်တိုးသီးပင်များဖြင့် ရောစိုက်က တစ်ဧက ၄၈ ပင်ထားသင့်ပါသည်။

ဓာတ်မြေဩဇာကျွေးခြင်း

သဘာဝမြေဩဇာကို အနှစ်သက်ဆုံးဖြစ်ကာ အပင်ငယ်လျှင် သစ်ရွက်ဆွေးနှင့် နွားချေး တစ်ပင်လျှင် နှစ်တင်းနှုန်း၊ အခြားသဘာဝဓာတ်မြေဩဇာ တင်းဝက်ခန့်ထပ်ထည့်ပေးသင့်သည်။ အပင်ကြီးလာသည်နှင့် မြေဩဇာကို ၅-၁၀ ဆတိုးပေးသင့်ပါသည်။

အပင်ပြုစုနည်း

တညင်းပင်၏ ကိုင်းခြောက်ကိုင်းနား ကိုင်းညှပ်များကို ဖြတ်ပေးသင့်သော်လည်း တညင်းပင်သည် သရက်ပင်ကဲ့သို့ ကိုင်းဖျားတွင် အညွန့်နှင့်အတူ အဖူးဖူးကာ သီးလေ့ရှိသဖြင့် မလိုအပ်ဘဲ ခုတ်ထွင်ဖြတ်တောက်ခြင်းမပြုသင့်ပါ။ မိုးရာသီတွင် ပင်ခြေကိုရှင်းကာ နွေရာသီတွင် အစိုဓာတ်ရရန် မြက်ခြောက်များအုပ်ပေးသင့်သည်။

အထွက်နှုန်း

တညင်းသီးအပင်မှ တစ်ပင်လျှင် အသီး ၃၀၀၀ မှ ၅၀၀၀အထိသီးနိုင်ပါသည်။

(စိုက်ပျိုးပညာပေးရေးဌာနခွဲမှ ထုတ်ဝေသော သစ်သီးဝလံစိုက်ပျိုးနည်းစာအုပ်မှကောက်နုတ်ဖော်ပြထားခြင်းဖြစ်ပါသည်။)

အခုလိုမျိုး သီးနှံတွေရဲ့ စိုက်ပျိုးနည်းများအကြောင်းစာအုပ်ကို စိတ်ဝင်စားလို့ဝယ်ယူချင်ရင်တော့ အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို ဈေးတန်းကြီး fb page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ