ရွှေဖရုံသီးအပါအဝင် သီးနှံစုံ ဈေးနှုန်းများမြင့်တက်နေသဖြင့် တောင်သူများအဆင်ပြေနေ

    ရွှေဖရုံသီးအပါအဝင် သီးနှံစုံဈေးနှုန်းများ မြင့်တက်နေသဖြင့် တောင်သူများအဆင်ပြေနေကြောင်း မကွေးတိုင်းဒေသကြီးရှိ သီးနှံစုံစိုက်ပျိုးထုတ်လုပ်သူများထံမှ သိရသည်။

ဘာဖြစ်လို့ဈေးတက်လဲဆိုတော့ ရောဂါအခြေအနေနဲ့ နိုင်ငံရေးအခြေအနေတွေကြောင့်နဲ့အပြင် တောင်သူတွေကလည်း မြေဩဇာဈေးတွေ ကြီးတော့ သိပ်ပြီး မစိုက်ပျိုးနိုင်ကြတော့ဘူးလေ။ မြေဩဇာဈေးက နှစ်ဆတက်နေတာလေ။ ခရမ်းချဉ်သီးတစ်ပိဿာကို ဖောက်သည်ဈေး ကျပ် ၂၀၀၀ ဝန်းကျင်ဖြစ်နေပြီ။ အရင်ဒီအချိန်ဆို တစ်ပိဿာမှ တစ်ထောင်ကျပ်ပဲရခဲ့တယ်။ ရွှေဖရုံသီးဆိုလည်း ဈေးတအားကောင်းတော့ စိုက်ထားသူတွေက တွက်ခြေကိုက်နေပါတယ်။

ဟု မကွေးတိုင်းဒေသကြီး၊ ပွင့်ဖြူမြို့နယ်မှ သီးနှံစုံစိုက်ပျိုးထုတ်လုပ်နေသူ ကိုဟန်ဇော်သက်က ပြောသည်။

    ၂၀၂၀ ခုနှစ်က ရွှေဖရုံသီးတစ်ပိဿာလျှင် ရန်ကုန်အရောက်ပို့ဈေး ၁၅၀ ကျပ် ဝန်းကျင်သာ ဈေးနှုန်းရှိခဲ့ပြီး ယခုအခါ ရွှေဖရုံသီး တစ်ပိဿာလျှင် ၃၇၀ ကျပ် ရရှိနေကြောင်း သိရသည်။

ပန်းဈေးတွေဆိုလည်း တအားတက်နေတယ်။ ကျွန်တော်က ဂန္ဓမာပန်းလည်းစိုက်တယ်လေ။ စိုက်ပျိုးသူနည်းတဲ့အတွက် ဒီနှစ်ကတော့ တခြားသီးနှံနဲ့ ဟင်းသီးဟင်းရွက်တွေလည်း ဒေသအလိုက် သူ့ဈေးကွက်နဲ့သူ ဈေးကောင်းရနေပါတယ်။ ရွှေဖရုံသီးကတော့ အခုရက်မှာပဲ ထပ်ခူးရဦးမယ်။ ဈေးကတော့ နှစ်ဆကျော်တက်နေတော့ ပိုအဆင်ပြေတာပေါ့။

ဟု ၎င်းက ဆက််လက်ပြောသည်။

    မြန်မာနိုင်ငံတွင် ရွှေဖရုံသီးကို တစ်အိုးချက်ရွှေဖရုံသီး၊ ဒင်္ဂါးကြီး၊ ကျောက်စိမ်း၊ ရွှေဝါ စသည့် ရွှေဖရုံသီးမျိုးများကို အဓိကစိုက်ပျိုးထုတ်လုပ်နေပြီး၊ နှစ်စဉ် မေလနှင့် အောက်တိုဘာလတို့တွင် စိုက်ပျိုးလေ့ရှိကြသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်