မြန်မာနိုင်ငံအနှံ့အပြား၌ စပျစ်စိုက်ပျိုးရေးကို စိတ်ပါဝင်စားမှုများပြားနေ

၂၀၂၀ ခုနှစ်အတွင်း စပျစ်စိုက်ပျိုးရေးကို မြန်မာနိုင်ငံအနှံ့အပြား ဒေသအသီးသီးမှ စိတ်ပါဝင်စားလာကြပြီး ခြံသစ်များလည်း တိုးပွားလာကြောင်း ဈေးကွက်ကျွမ်းကျင်သူများထံမှ သိရသည်။

စပျစ်ပျိုးပင်တွေကို မြို့နယ်တော်တော်များများက အော်ဒါမှာယူလာကြပါတယ်။ ခြံသစ်တွေလည်း များလာတယ်။ ကျွန်တော်တာဝန်ယူစိုက်ပျိုးပေးနေတဲ့ ခြံတွေဆိုရင် မြဝတီ၊ ပြင်ဦးလွင်၊ နေပြည်တော်၊ မုံရွာ၊ ချောင်းဦး၊ တန့်ဆည်၊ မြိုင်၊ ပခုက္ကူ၊ ညောင်ဦး၊ ကျောက်ပန်းတောင်း၊ တောင်တွင်းကြီး၊ မြင်းခြံ၊ နွားထိုးကြီး၊ ပြည်မြို့၊ မန္တလေး၊ ပဲခူး၊ တံတားဦး၊ ဗန်းမောက်၊ ရေနံချောင်းနဲ့ မတ္တရာ စတဲ့ နေရာအနှံ့အပြားမှာ ရှိနေပါပြီ။ လာမယ့် ဖေဖော်ဝါရီလထဲမှာဆိုရင် အပင်ရေတိုးချဲ့စိုက်ပျိုးပေးရမယ့်ခြံတွေလည်း ရှိနေပါတယ်။

ဟု မန္တလေးတိုင်း၊ ရမည်းသင်းမြို့နယ်၊ ရွာတန်းဒေသရှိ လပြည့်ဝန်းစပျစ်စိုက်ပျိုးရေးခြံ၊ စပျစ်ပျိုးအမျိုးမျိုးနှင့် ဝိုင်စပျစ်သီးရောင်းဝယ်ရေးမှ စီမံအုပ်ချုပ်သူ ကိုမင်းဆက်ပိုင်က ပြောသည်။

ကနဦးစိုက်ပျိုးစဉ်အခါက အပင်ရေအနည်းငယ်သာ စမ်းသပ်စိုက်ပျိုးခဲ့ကြသူများမှာလည်း (သားစဉ်မြေးဆက် ရေရှည်အကျိုးဖြစ်ထွန်းမှုရှိသည့်) စပျစ်စိုက်ပျိုးရေး ဈေးကွက်အပေါ် သဘောပေါက်နားလည်လာပြီး စိုက်ဧကတိုးချဲ့စိုက်ပျိုးလာကြောင်း သိရသည်။

စစိုက်တုန်းကတော့ စပျစ်စိုက်ပျိုးရေးအပေါ် ယုံကြည်မှုအားနည်းသေးတော့ အပင်ရေနည်းနည်းပဲ စမ်းစိုက်ခဲ့ကြတာမျိုးပါ။ အခုနောက်ပိုင်းမှာတော့ ကိုယ်တိုင်စိုက်ပျိုးတဲ့ခြံတွေအပြင် အနီးပတ်ဝန်းကျင်တွေကပါ စပျစ်စိုက်ပျိုးရေးက အမှန်တကယ်ကောင်းမွန်တဲ့ စိုက်ပျိုးရေးဆိုတာကို လက်ခံလာကြတယ်။ ဈေးကွက်ကလည်း ကိုယ့်အပေါ်မူတည်နေတာ၊ ဝယ်လိုအားကောင်းတာထက် ကိုယ်စိုက်ရင်စိုက်သလောက် အောင်မြင်မှုရနိုင်တယ်ဆိုတာကို အများစု သိလာကြတာ။ ဒါ့ကြောင့် အရင်က နည်းနည်းစိုက်ထားတဲ့သူတွေလည်း တိုးချဲ့စိုက်ပျိုးလာကြတယ်။ အရင်တုန်းကဆိုရင် နှစ်တိုင်းလိုလို အပင်ရေ ငါးထောင်၊ ခြောက်ထောင်လောက်သာ သွားခဲ့တာပါ။ အခုဆိုရင် အပင်ရေ တစ်သောင်းကျော်၊ နှစ်သောင်းနီးပါးအထိ မှာယူမှုတွေရှိကြတယ်။

ဟု ကိုမင်းဆက်ပိုင်က ဆက်လက်ပြောသည်။

ယခုကာလသည် စပျစ်စတင်စိုက်ပျိုးမည့် ခြံများအနေဖြင့် စတင်စိုက်ပျိုးမည့်မြေပေါ်တွင် မြေပြုပြင်ခြင်း၊ ထယ်ရေးပြုပြင်ခြင်းများ ပြုလုပ်သင့်သည့် ကာလအပိုင်းအခြားတစ်ခုလည်း ဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...