ဝါးပေါင်းခံရည်ကို ကိုယ်တိုင်ထုတ်လုပ်သုံးစွဲသူများရှိလာ

   ဝါးပေါင်းခံရည်ကို ကိုယ်တိုင်ထုတ်လုပ်သုံးစွဲသူများရှိလာကြောင်း မြန်မာနိုင်ငံဝါးစိုက်ပျိုးရေးအသင်းမှ သိရသည်။ 

ဝါးပေါင်းခံရည် ထုတ်လုပ်နည်းသင်တန်းကို အရင်တုန်းက သင်ပေးခဲ့ဖူးပါတယ်။ အခုဆိုရင် သင်တန်းသားတွေထဲကနေ ကိုယ်တိုင်ထုတ်လုပ်အသုံးပြုလာကြတာလည်း ရှိနေပါပြီ။ ဝါးပေါင်းခံရည်ဆိုတာ ဓာတုလွတ်တယ်။ သူက သဘာဝအတိုင်းကိုပဲ ဘာမှရောစရာ နှောစရာလည်း မပါဘူးလေ။

ဟု မြန်မာနိုင်ငံဝါးစိုက်ပျိုးရေးအသင်း ဥက္ကဋ္ဌ ဦးကျော်ဝင်းက ပြောသည်။ 

    ဝါးမီးသွေးပေါင်းခံရည်ဆိုသည်မှာ ဝါးကိုမီးဖုတ်၍ ယင်းမီးသွေးဖိုမှထွက်လာသော မီးခိုးကို ပြန်လည် အအေးခံခြင်းဖြင့် ရရှိသည့်အရည်ဖြစ်ပြီး ဂျပန်နိုင်ငံရှိ စိုက်ပျိုးရေးလုပ်ငန်းများတွင် ယနေ့အထိ အသုံးပြုလျက်ရှိသည်။ ဝါးမီးသွေးပေါင်းခံရည်မှာ မြေသြဇာ၊ ပိုးသတ်ဆေးမဟုတ်သော်လည်း အပင်ကြီးထွားရန်နှင့် အပင်များကို ရောဂါပိုးမွှားများမကျရောက်စေရန် ကာကွယ်နိုင်သော အစွမ်းသတ္တိရှိသဖြင့် တောင်သူများ ထုတ်လုပ်အသုံးပြုလာကြခြင်းဖြစ်သည်။

    ယခုအခါ ဝါးပေါင်းခံရည်ကို စိုက်ပျိုးရေးသုံး ရွက်ဖြန်းဆေးအပြင်၊ မျက်နှာသစ်ဆပ်ပြာ၊ ခေါင်းလျှော်ရည်၊ ခြင်နှင်ဆေး စသည့် လူသုံးကုန်ပစ္စည်းများအဖြစ် ပြည်တွင်းပြည်ပ၌ ထုတ်လုပ်နေပြီဖြစ်သည်။

ဝါးပင်ဆိုတာကလည်း ဓာတုမြေဩဇာကျွေးပြီးစိုက်တဲ့ဝါးပင် မရှိသလောက်ပဲလေ။ ဒါ့ကြောင့် ဝါးပေါင်းခံရယ်က သဘာဝထုတ်ကုန်ပါပဲ။ ဝါးလုံးတွေကို မီးရှို့လိုက်တာပေါ့။ မီးရှို့ပြီးထွက်လာတဲ့ မီးခိုးငွေ့တွေကို အခေါင်းထဲကိုဖြတ်ပြီး စီးကျလာစေတယ်။ အဲ့ဒီမီးခိုးတွေကနေ စီးကျလာတဲ့အရည်ကိုမှ ယူတယ်။ အဲ့ဒီလိုနည်းနဲ့ ဝါးပေါင်းခံရည်ရလာတာပါ။ ဝါးပေါင်းခံရည်က မျက်နှာပေါ်ကအစက်အပြောက် တင်းတိပ်ကင်းစင်စေတယ်။ ဆံပင်မကျွတ်အောင်လည်း သုံးစွဲကြပါတယ်။

ဟု ဦးကျော်ဝင်းက ဆက်လက်ပြောသည်။

    ဝါးပေါင်းခံရည်ထုတ်လုပ်ရာတွင် သက်နုဝါးများကို မသုံးစွဲသင့်ဘဲ အပင်သက်တမ်း အနည်းဆုံး (၄) နှစ်နှင့်အထက် ဝါးပင်ဖြစ်ရန် လိုအပ်သည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဝါးပေါင်းခံရည် လုပ်နည်း လေ့လာရန် အတွက် အောက်ပါ ခေါင်းစဉ်ကို နှိပ်ပါ။

✅ မီးသွေးပေါင်းခံရည် သို့မဟုတ် ဝါးပေါင်းခံရည်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်