ဆည်ရေလှောင်တမံများ၌ ငါးမွေးမြူခြင်းဖြင့် ရရှိမည့်အကျိုးကျေးဇူး

ကမ္ဘာပေါ်ရှိ ဆည်ရေလှောင်တမံ၊ ဆည်ကြီး ၃၅၀၀၀ ခု၏ ဆည်ရေပြင်ဧရိယာ(၁၂၁.၆)သန်းဧကတွင် ငါးထုတ်လုပ်မှုအနေဖြင့် တစ်နှစ်ပိဿာချိန် သန်း(၁၂၀၀၀)ကို ထုတ်လုပ်လျက်ရှိရာ ဆည်ဧရိယာတစ်ဧကလျှင် ငါးပိဿာချိန်(၁၀၀)အထိသာ ထုတ်လုပ်နိုင်ပြီး ထိုထုတ်လုပ်နိုင်မှုမှာ သမားရိုးကျ ဖမ်းဆီးထုတ်လုပ်ခြင်းသာဖြစ်ပါသည်။ ယခုအခါ နိုင်ငံတကာ၌ ကုန်းတွင်းတည်ရှိ အရင်းအမြစ်ဖြစ်သည့် ဆည်တာတမံများအတွင်းတွင် ငါးမွေးမြူရေးလုပ်ငန်းကို ဆောင်ရွက်လာကြရာ၌ ဆည်ငါးထုတ်လုပ်မှုမှာ ယခင်ကထက်လျင်မြန်စွာ တိုးတက်ထုတ်လုပ်နိုင်လျက်ရှိသည်ကို လေ့လာတွေ့ရှိရပါသည်။ ဆည်တာတမံ၊ ရေလှောင်ကန်ဟုဆိုရာတွင် စိုက်ပျိုးရေးနှင့် ရေအားလျှပ်စစ်ထုတ်ယူသည့် ဆည်များသာမက သဘာဝအလျောက်ဖြစ်ပေါ်နေသည့် ကန်ကြီးများလည်း ပါဝင်ပါသည်။

ဆည်ရေလှောင်တမံများအတွင်း ငါးမွေးမြူရေးလုပ်ငန်းများအဖြစ် ယင်း၊ လမု(ဝါး၊ ပိုက်စ)များ ကာရံ၍ မွေးမြူသည့် Pen Culture စနစ်နှင့် လှောင်အိမ်ဖြင့် မွေးမြူသည့် Cage Culture စနစ်တို့ဖြင့် မွေးမြူနိုင်ကြသည်ကို လေ့လာတွေ့ရှိရပါသည်။ Pen Culture စနစ်သည် တစ်ပိုင် တစ်နိုင် ဒေသခံများမှ ဆောင်ရွက်နိုင်သည့်စနစ်ဖြစ်ပြီး လှောင်အိမ်ဖြင့် မွေးမြူသည့် Cage Culture စနစ်မှာ စီးပွားဖြစ် ငွေကြေးရင်းနှီးမြှုပ်နှံမှုများသည့် မွေးမြူနည်းစနစ်တစ်ခု ဖြစ်ပါသည်။

ဆည်အတွင်း ငါးမွေးမြူခွင့်ပြုရာတွင် ဆည်၏ လျှိုလက်တက်ကျဥ်းသည့် နေရာများတွင် ယင်းတားစနစ်ဖြင့် ယင်း၊ ပိုက်ကာရံ၍ ငါးသန်အဆင့်ရှိ ငါးသားပေါက်များကို ထည့်သွင်းမွေးမြူပါက အစာကိုလည်း များစွာကျွေးရန် မလိုအပ်ဘဲ ဆည်အတွင်း၌ အလိုအလျောက်ဖြစ်ပေါ်နေသည့် အပင်မျှောလှေး(Phytoplankton)၊ သတ္တမျှောလှေး(Zooplankton)များကို စားသုံးခြင်းဖြင့် မွေးကန်များတွင် မွေးမြူခြင်းထက် ကြီးထွားနှုန်း မြန်နိုင်ပါသည်။

ထို့အပြင် အသီးအရွက်စားငါးမျိုးများကို အဓိကထား မွေးမြူခြင်းဖြင့် ဆည်အတွင်း ပေါက်ရောက်သည့် ဒိုက်၊ ရေမှော်၊ ရေညှိများကို စားသုံးခြင်းဖြင့်လည်း ကန်ရေပြင်တိမ်ကောမှုကို ထိန်းသိမ်းရာရောက်မည် ဖြစ်ပါသည်။ ဆည်အတွင်း ရေနက်ပိုင်း၌ ပိုက်လှောင်အိမ်(Net Cage Culture)စနစ်ဖြင့် ရေပြင်ကျယ်နေရာများ၌ မျှောလှေးစားငါးမျိုးစိတ်များကို မွေးမြူခြင်းသည် ဆည်၏ အရည်အသွေး၊ ရေပို့လွှတ်မှု၊ ဆည်၊တာတမံများ၏ အရည်အသွေးကို ထိခိုက်မှု မရှိသဖြင့် ခွင့်ပြုပေးသင့်ပါသည်။

Pen Culture စနစ်ဖြင့် ငါးမွေးမြူခြင်းသည် - သဘာဝရေပြင်တွင် ခြံခတ်၍ ငါးများကို လှောင်မွေးမြူသည့်စနစ်ဖြစ်ပါသည်။ များသောအားဖြင့် ရေငန်ပိုင်းတွင် ဒီရေတောများ မပျက်စီးစေဘဲ မွေးမြူသည့်စနစ်ဖြစ်ပြီး အင်းရေပြင်များ၌ ဖမ်းဆီးရေးကို အခြေခံသည့် မွေးမြူနည်းစနစ် အဖြစ် ဆောင်ရွက်ကြပါသည်။ ခြံခတ်ရာတွင် ဝါးယင်းဖြင့် ဖြစ်စေ၊ ပိုက်ဖြင့် ဖြစ်စေ လျှိုကြား၌ တစ်ဘက်ပိတ်၍ လည်းကောင်း၊ ရေပြင်ကျယ်တွင် ပုံစံအမျိုးမျိုးဖြင့် ကာရံ၍လည်းကောင်း မွေးမြူ လေ့ရှိကြပါသည်။

ထိုသို့ မွေးမြူခြင်းအားဖြင့် ဆည်အတွင်း သဘာဝရေပြင်မှ ပေါကြွယ်ဝသည့်အစာကြောင့် ငါးများကြီးထွားနှုန်းမြန်၍ အချိန်တိုအတွင်း ကန်များတွင် မွေးမြူခြင်းထက် ငါးထုတ်လုပ်မှု ပိုမိုရရှိနိုင်ပါသည်။ရေတိမ်သည့် လျှိုလက်တက်များ၌ ဆောင်ရွက်နိုင်ပါသည်။ တစ်ဧကထွက်ရှိမှုမှာ တစ်နှစ်ပိဿာ(၁၃၀၀)အထိ ထွက်ရှိနိုင်ပါသည်။

အများအားဖြင့် မြက်စားငါးကြင်း၊ ရွှေဝါငါးကြင်းနှင့် ထိုင်းငါးခုံးမကြီး၊ ငါးမြစ်ချင်းများကို ဦးစားပေးမွေးမြူနိုင်ပါသည်။ ရေအနေအထားပေါ်မူတည်၍ နှစ်ပေါက်ဖြစ်စေ၊ ကာလတိုဖြစ်စေ မွေးမြူနိုင်ပါသည်။ တစ်ပိုင်တစ်နိုင်လုပ်ငန်းရှင်များမှ ဆောင်ရွက်နိုင်သည့် လုပ်ငန်းဖြစ်ပါသည်။

Cage Culture စနစ်ဖြင့် ငါးမွေးမြူခြင်းသည်- ပိုက်လှောင်အိမ်ဖြင့် မွေးမြူသည့်စနစ်(ပေါလောပေါ်စနစ်)ဖြစ်သည်။ သဘာဝမြစ်ချောင်း၊ ပင်လယ်၊ ရေပြင်ကျယ်များတွင် မွေးမြူသည့်စနစ်တစ်ခုဖြစ်ပြီး ဆည်ရေလှောင်တမံများတွင် မွေးမြူကြပါသည်။ ၄င်းစနစ်မှာ သိပ္ပံနည်းကျအထွက်တိုးစနစ်တစ်ခုဖြစ်ပြီး ငါးကောင်ရေများများဖြင့် ကန်ကြပ်အထွက်တိုး မွေးမြူနိုင်ပါသည်။သို့ရာတွင် အဆိုပါစနစ်တွင် သဘာဝအစာဖြင့် မွေးမြူ၍ မရဘဲ ဖြည့်စွက်အစာကျွေးမွေးရန် လိုအပ်ချက်၊ ပိုက်လှောင်အိမ်တန်ဖိုးကြီးမြင့်မှုတို့ကြောင့် ရင်းနှီးမြှုပ်နှံမှုများ၍ တစ်ပိုင်တစ်နိုင်သမားများ ဆောင်ရွက်မှုမရှိကြပါ။(၂၀)ပေ ပတ်လည်လှောင်အိမ်တစ်ခုလျှင် တစ်နှစ်(၃)တန်အထိ ထွက်ရှိအောင် မွေးမြူနိုင်ပါသည်။ ငါးတန်၊ ငါးခူ၊ ငါးရံ့ကဲ့သို့သော ငါးမျိုးများ၊ ကကတစ်၊ ငါးမုတ်နှင့် အခြားရေချိုငါးမျိုးစိတ်များကိုလည်း မွေးမြူနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...