ပန်းစိုက်... နိုင်ငံခြားပို့ပြီး ဒေါ်လာဘီလျံချီ ဝင်ငွေရရှိနေတဲ့ နိုင်ငံများ

05/08/2022 16:21 PM တွင် ဆုမြတ်နိုး ဆုမြတ်နိုး မှ ရေးသား

ပန်းဆိုတာကတော့ တစ်ကမ္ဘာလုံးမှာ ဘယ်နိုင်ငံမဆို အသုံးပြုကြသလို ဈေးကွက်ကလည်း ကျယ်ကျယ် ပြန့်ပြန့်ရှိပါတယ်။ တချို့နိုင်ငံတွေကတော့ ပြည်တွင်းပန်းလိုအပ်ချက်နဲ့ မပြည့်စုံလို့ ဒါမှမဟုတ် ကိုယ့်ဒေသမှာမထွက်တဲ့ မျိုးဆန်းတွေကိုလိုချင်လို့ နိုင်ငံခြားကနေ တင်သွင်းသုံးစွဲကြရပါတယ်။

ကျွန်မတို့နိုင်ငံမှာဆိုရင်လည်း တရုတ်ပန်းဆိုတာတွေ ဈေးကွက်ထဲမှာ အများအပြား တွေ့ဖူးကြ မယ်ထင်ပါတယ်။ အခုကတော့ နယ်စပ်ဈေးကွက်အချို့ ပိတ်ထားမှုတွေကြောင့် အရင်ကထက်စာရင် တော့ တွေ့ရနည်းလာပါပြီ။ 

ဆိုတော့ ကမ္ဘာ့ပန်းဈေးကွက်ဟာ ကျယ်ပြန့်သလို ပန်းတင်ပို့မှုစီးပွားရေးကလည်း တချို့နိုင်ငံတွေအ တွက် ဒေါ်လာဘီလျံနဲ့ချီဝင်ငွေရှိနေတာပါ။ နယ်သာလန်ဆိုရင် ပြီးခဲ့တဲ့ ၂၀၂၁ ခုနှစ်အတွင်း တစ်နှစ်တည်း မှာတင် နိုင်ငံခြားကို ပန်းနဲ့ပန်းစည်းတွေ တင်ပို့မှုကနေ ဝင်ငွေ ဒေါ်လာ ၅.၇ ဘီလျံထိ ရရှိခဲ့ပါတယ်။ ( ၁ ဘီလျံကို သန်း ၁၀၀၀ ရှိပါတယ်။) 

ဆိုတော့ အတော်လေးများတဲ့ ဝင်ငွေပမာဏပါပဲ။ ဒီတော့ နယ်သာလန်နိုင်ငံလိုမျိုးပဲ ဘယ်နိုင်ငံတွေက ကော နိုင်ငံခြားကို ပန်းနဲ့ပန်းစည်း၊ ပန်းစည်းရာမှာ လိုအပ်တဲ့ ဆက်စပ်ပစ္စည်းတွေကို အဓိကတင်ပို့ပြီး ဝင်ငွေတွေဘယ်လောက်ထိ ရနေသလဲဆိုတာ လေ့လာကြည့်ရအောင်ပါ။

၂၀၂၁ ခုနှစ် တစ်နှစ်တည်းမှာတင် ပန်းစည်းတင်ပို့မှုကနေရရှိခဲ့တဲ့ငွေက ကမ္ဘာလုံးဆိုင်ရာ အတိုင်း အတာအနေနဲ့ အမေရိကန် ဒေါ်လာ ၁၁ ဘီလျံအထိကို ရှိခဲ့ပါတယ်တဲ့။ 

အခုလို ပန်းစည်းနဲ့ဆက်စပ်ပစ္စည်းတွေ တင်ပို့မှုနှုန်းကို ၂၀၁၇ ကနေစပြီး တွက်ကြည့်မယ်ဆိုရင် ၂၀၂၁ ခုနှစ်ထိဆို ပျှမ်းမျှအားဖြင့် ၃၀.၂ % ခန့်ထိ သိသိသာသာကို တိုးလာခဲ့တာပါ။ 

တစ်နှစ်ထက်တစ်နှစ် ပန်းစည်းတင်ပို့ရမှုနှုန်းထားက တစ်ကမ္ဘာလုံးမှာ မြင့်တက်လာနေတာဖြစ်ပြီး  ၂၀၂၀ ခုနှစ်အတွင်း ဒေါ်လာ ၈.၇ ဘီလီယံသာရှိခဲ့ရာကနေ ၂၀၂၁ မှာတော့ ၂၇.၁ % တိုးလာပြီး ၁၁ ဘီလျံအထိ ရှိသွားတာပါ။ 

ကမ္ဘာမှာ ပန်းစည်းတင်ပို့မှုအများဆုံးနိုင်ငံတွေကတော့ နယ်သာလန်၊ ကိုလံဘီယာ၊ ကင်ညာ၊ အီသီ ယိုးပီးယားနဲ့ အီကွေဒေါ စတဲ့နိုင်ငံတွေဖြစ်ပြီး ဒီ ၅ နိုင်ငံက တင်ပို့မှုကတင် ကမ္ဘာ့ပန်းစည်းနဲ့ ဆက်စပ် ထုတ်ကုန်တင်ပို့လုပ်ငန်းရဲ့ ၈၅% လောက် ရှိတယ်လို့ သိရပါတယ်။

တိုက်ကြီးများနဲ့ဒေသအလိုက် ပြောမယ်ဆိုရင်တော့ ဥရောပတိုက်က ပန်းတင်ပို့မှုအများဆုံးဖြစ်ပြီး ၂၀၂၁ ခုနှစ်အတွင်း ကမ္ဘာ့ပန်းတင်ပို့မှုဈေးကွက် ၅၇.၉ ရာခိုင်နှုန်း (တင်ပို့မှုတန်ဖိုး ဒေါ်လာ ၆.၄ ဘီလျံ) ထိ ရှိခဲ့ပါတယ်။

ကာရေဗီယန်ဒေသက မက္ကဆီကိုနဲ့ လက်တင်အမေရိက နိုင်ငံတွေရဲ့ ပန်းတင်ပို့မှုကတော့ ၂၄.၈ % ရှိပြီး ဒုတိယအမြင့်ဆုံးဖြစ်ပါတယ်။ အာဖရိကနိုင်ငံတွေကတော့ ၁၀.၄ ရာခိုင်နှုန်း တင်ပို့ခဲ့ကြပါတယ်။

ကျန်တာတွေကတော့ အာရှ (၅.၃ %)၊ မြောက်အမေရိက  (၁.၄ %) ဖြစ်ပြီး နယူးဇီလန်၊ ဩစတျေးလျနဲ့ ဖရန့်ပိုလီနေးရှား နိုင်ငံတွေကတော့ ၀.၁ ရာခိုင်နှုန်းခန့် တင်ပို့မှုရှိပါတယ်။

၂၀၂၁ ခုနှစ်အတွင်း ကမ္ဘာ့ပန်းတင်ပို့မှုကနေ ဝင်ငွေအများဆုံးရနိုင်ငံ ၁၅ နိုင်ငံကတော့..

1. နယ်သာလန်နိုင်ငံ  ၅.၇ ဘီလျံ (၅၂ %)

2. ကိုလံဘီယာ ၁.၇ ဘီလျံ (၁၅.၇ %)

3. အီကွေဒေါ ၉၂၇.၃ မီလျံ (၈.၄ %)

4. ကင်ညာ ၇၂၅.၅ မီလျံ (၆.၆ %)

5. အီသီယိုးပီးယား ၂၅၄.၅ မီလျံ (၂.၃ %)

6. ဘယ်လ်ဂျီယံ ၁၅၀ မီလျံ (၁.၄ %)

7. အီတလီ ၁၄၀.၉ မီလျံ (၁.၃ %)

8. တရုတ် ၁၂၄.၆ မီလျံ (၁.၁ %)

9. မလေးရှား ၉၀.၅ မီလျံ (၀.၈ %)

10. ကနေဒါ ၈၂ မ မီလျံ (၀.၇ %)

11. အစ္စရေး ၇၇.၅ မီလျံ (၀.၇ %)

12. တောင်အာဖရိက  ၇၀.၄ မီလျံ (၀.၆ %)

13. စပိန် ၆၉.၆ မီလျံ (၀.၆ %)

14. ဂျာမနီ ၆၅.၈ မီလျံ (၀.၆ %)

15. တူရကီ ၅၉.၄ မီလီယံ (၀.၅ %)

ဒီထိပ်ဆုံးနိုင်ငံ ၁၅ နိုင်ငံထဲမှာမှ ၂၀၂၀ ကနေ ၂၀၂၁ ခုနှစ်အတွင်း ကမ္ဘာ့ပန်းစည်းတင်ပို့မှုလုပ်ငန်း ဖွံ့ဖြိုး တိုးတက်မှုအမြန်ဆုံးနိုင်ငံတွေကတော့ ဘယ်လ်ဂျီယံ (84.3% အထက် ), တူရကီ ( 61.6% အထက်), တောင်အာဖရိက (54.7% အထက်) နဲ့ အီတလီ (44.1% အထက်) စတဲ့ နိုင်ငံ ၄ နိုင်ငံပဲ ဖြစ်ပါတယ်။

ပုံမှန် ပန်းစည်းတင်ပို့ရောင်းချနေမှုကနေ လျော့ကျသွားတဲ့ တစ်ခုတည်းသောနိုင်ငံကတော့ တရုတ်နိုင်ငံ ဖြစ်ပြီး တစ်နှစ်အတွင်း ၀.၉ ရာခိုင်နှုန်းခန့် ကျဆင်းသွားပါတယ်။

Ref:https://www.worldstopexports.com/flower-bouquet-exports-country/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည် 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်