သတိပြုသင့်သော နွားမှိုဆိပ်သင့်အန္တရာယ်

ရောဂါဖြစ်ပွားရသည့်အကြောင်းအရင်းများ

- မှိုပေါက်နေသောအစာများကို ကျွေးမွေးခြင်းဖြင့် နွားတွင် မှိုဆိပ်သင့်ရောဂါ ဖြစ်ပွားရသည်။

- ပတ်ဝန်းကျင် စိုထိုင်းဆမြင့်မားခြင်းနှင့် အစာတွင်းစိုထိုင်းဆမြင့်မားခြင်းက မှိုပေါက်ဖွားနှုန်းကို များစေနိုင်ပါသည်။

- အစာအတွင်း မှိုပေါက်နေခြင်းကို သာမန်မျက်စိဖြင့်မမြင်နိုင်၊ အနံ့ခံခြင်းဖြင့် မသိနိုင်၊ အရောင်အဆင်းကြည့်ခြင်းဖြင့် မသိနိုင်ပေ။ (မျက်မြင် မြင်တွေ့နေရခြင်းက မှိုပေါက်ဖွားနှုန်း ဆိုးရွားလွန်နေသည်။ ၄င်းအစာကို မကျွေးဘဲ ပယ်ရပါမည်။)

- မှိုဆိပ်ကင်းစင်တဲ့ အစာကိုသာကျွေးရပါမည်။

ရောဂါလက္ခဏာများ

- နွားမှာ မှိုဆိပ်သင့်နေပြီဆိုပါက ကိုယ်ခံစွမ်းအားကျဆင်းလာပြီး အကြိမ်ကြိမ်နေထိုင်မကောင်း ဖြစ်လာပါမည်။

- အကြိမ်ကြိမ် ဝမ်းပျက်ဝမ်းလျှော ဖြစ်ပါမည်။

- အစာစားနည်းလာပြီး နို့ထွက်နှုန်းကျလာပါမည်။

- မျိုးအောင်နှုန်း ညံ့လာပါမည်။

- အာရုံကြောထိခိုက် အားနည်းလာပြီး ခန္ဓာကိုယ်ပြင်ပအစိတ်အပိုင်းများ တုန်ခြင်း၊ တခါတရံ တက်ခြင်းများ ဖြစ်လာပါမည်။

- ခန္ဓာကိုယ်ပြင်ပ အစွန်အဖျားအစိတ်အပိုင်းများဖြစ်သော နားရွက်၊ အမြီး၊ ခြေထောက်များတွင် အနာများဖြစ်ပေါ်ပျက်စီးခြင်း၊ ပါးစပ်တဝိုက်တွင် အရည်ကြည်ဖုအနာများ ဖြစ်ပေါ်လာတတ်ပါမည်။

သတိပြုရန်မှာ-

- နွားမှိုဆိပ်သင့်ရောဂါကို ပိုးသတ်ဆေးထိုးပြီး ကုသသော်လည်း သက်သာပျောက်ကင်းရန် ခက်ခဲခြင်းများရှိကြပါသည်။

- ၄င်းရောဂါကြောင့် မွေးရက်မစေ့ဘဲ မွေးဖွားခြင်းနှင့် မသန်စွမ်း အားပျော့သောနွားငယ်လေးများကို မွေးဖွားစေနိုင်ပါသည်။

- အသားနှင့် နို့ထုတ်ကုန်အရည်အသွေးကိုလည်း ထိခိုက်ပျက်စီးစေနိုင်ပါသည်။

ထို့ကြောင့် မှိုဆိပ်ကင်းစင်သောအစာများကို ကျွေးမွေးခြင်းဖြင့် နွားကျန်းမာရေးနှင့် မျိုးအောင်နှုန်း၊ အသားနှင့် နို့ထုတ်လုပ်မှုနှုန်း တိုးတက်ကောင်းမွန်လာမည်ဖြစ်ကြောင်း လေ့လာရေးသားလိုက်ရပါသည်။

ဦးဇော် (dof)

မှီငြမ်း-ဒေါက်တာ တိုးဝင်းနိုင်၏ ”နွားမှိုဆိပ်သင့် ရောဂါအကြောင်း” ။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သတိပြုသင့်သော နွားမှိုဆိပ်သင့်အန္တရာယ်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သတိပြုသင့်သော နွားမှိုဆိပ်သင့်အန္တရာယ်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဇီဝကမ္မ ဖြစ်စဉ်ချို့တဲ့မှုကြောင့် ဖြစ်ပွားတတ်သော ရောဂါလက္ခဏာများ

နို့အုံရောင်ရောဂါ စစ်ဆေးခြင်း(၁) (ပထမဆုံးညှစ်သော နို့ရည်ကို စစ်ဆေးခြင်း)

နို့အုံရောင်ရောဂါစစ်ဆေးခြင်း-၂ (အမြန်နည်းဖြင့် စစ်ဆေးခြင်း)

{{ post.title }}