ပြည်ပဝယ်လက်များမှ ကြိုက်နှစ်သက်ခြင်းကြောင့် ပီနံငရုတ်သီးဈေးကောင်းရ

ပြည်ပဝယ်လက်များ၏ ကြိုက်နှစ်သက်မှုရှိခြင်းကြောင့် ပီနံငရုတ်သီးမျိုးများ ဈေးကောင်းရရှိနေခြင်းဖြစ်ကြောင်း ဈေးကွက်ကျွမ်းကျင်သူများထံမှ သိရသည်။

ငရုတ်သီးမျိုးတစ်ခုနဲ့တစ်ခု ဈေးမတူတာကတော့ နိုင်ငံခြားဝယ်လက်ရှိတာကြောင့်ရယ်၊ အထွက်နှုန်းနည်းတဲ့မျိုးဖြစ်တာကြောင့်ရယ် ပါပါတယ်။ ဒီငရုတ်သီးက ဈေးကောင်းရတာကတော့ မလေးရှားဘက်က အမှာများနေတာကြောင့်ပါ။ ငရုတ်သီးဝယ်တဲ့ မလေးရှားကဝယ်လက်တွေက ကြိုက်ကြလို့ပေါ့။ ပီနံငရုတ်သီးက တစ်ပိဿာကို သုံးထောင့်ငါးရာကျပ်ဝန်းကျင် ဈေးရှိနေတယ်။ အစိမ်းစျေးပါ။

ဟု မန္တလေးတိုင်းဒေသကြီး၊ မြစ်သားမြို့နယ်၊ ရွာခိုင်ကြီးကျေးရွာမှ ငရုတ်သီး စီးပွားဖြစ်စိုက်ပျိုးသူ ကိုမြင့်ထွန်းဦးက ပြောသည်။

ငရုတ်သီးမျိုးများအနက်က သာမို 11 ကို မလေးရှားနိုင်ငံဝယ်လက်များမှ ကြိုက်နှစ်သက်ကြပြီး၊ 692 ငရုတ်မျိုး၊ 777 ငရုတ်မျိုး၊ စတားဟော့၊ ဂိုးလ်စတား၊ ဆန်ရှိုင်း အစရှိသည့် ငရုတ်မျိုးများမှာလည်း ဈေးကွက်ကောင်းမွန်ကြောင်း မြန်မာ့ငရုတ်ဈေးကွက်နှင့်နည်းပညာ ဖွံ့ဖြိုးတိုးတက်ရေးအသင်းမှ သိရသည်။

ဝယ်လက်ရှိပေမယ့် သိပ်မစိုက်ဖြစ်တာက ပီနံသီးဆိုတာ တခြားငရုတ်သီးမျိုးတွေထက် အသီးပုံစံတိုတော့ ခူးရတာလက်ဝင်တယ်။ ဒါ့ကြောင့် အလုပ်သမားစရိတ်လည်း ပိုကုန်တယ်။ အထွက်နှုန်းကျတော့လည်း တခြားငရုတ်သီးတွေနဲ့ယှဉ်ရင် ကွာခြားမှုရှိတယ်။ သူက အရွယ်အစားသေး၊ အလေးချိန်ပေါ့တဲ့အတွက် တခြားငရုတ်သီးက ပိဿာချိန် သုံးပိဿာရတယ်ဆိုမှ သူက တစ်ပိဿာခွဲလောက် အလေးချိန်ရတာလေ။ ဒါ့ကြောင့် ကျွန်တော်တို့ဒေသဘက်မှာ စိုက်တဲ့သူနည်းတယ်။ ကျွန်တော်တို့ဘက်က 692 မျိုးကို စိုက်ကြတာများပါတယ်။

ဟု ကိုမြင့်ထွန်းဦးက ဆက်လက်ပြောသည်။

တရုတ်နိုင်ငံ၊ ထိုင်းနိုင်ငံ၊ မလေးရှားနိုင်ငံနှင့် ကိုရီးယားနိုင်ငံများသို့ ငရုတ်သီးအစိမ်း/အမှည့်အစို/ငရုတ်ခြောက် (၃)မျိုးလုံး တင်ပို့ရောင်းချနေရာ ဝယ်လက်ကြိုက်နှစ်သက် မှာယူမှုများအပေါ် မူတည်၍ ဈေးနှုန်းရရှိမှု ကွာခြားခြင်းဖြစ်ကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ပြည်ပဝယ်လက်များမှ ကြိုက်နှစ်သက်ခြင်းကြောင့် ပီနံငရုတ်သီးဈေးကောင်းရ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ပြည်ပဝယ်လက်များမှ ကြိုက်နှစ်သက်ခြင်းကြောင့် ပီနံငရုတ်သီးဈေးကောင်းရ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}