စားသုံးသူများ ဘေးကင်းလုံခြုံမှုရှိစေပြီး အရည်အသွေးကောင်း မြေပဲမျိုးသစ်များ ရှာဖွေသုတေသနပြုလျက်ရှိ

26/06/2019 12:30 PM တွင် စိုက်ပျိုးရေးဦးစီးဌာန စိုက်ပျိုးရေးဦးစီးဌာန မှ ရေးသား ပြီး Greenovator Greenovator မှ ပေးပို့ထားပါသည်။

စိုက်ပျိုးရေးသုတေသနဦးစီးဌာန၊ ဆီထွက်သီးနှံသုတေသနဌာနစုသည် တောင်သူများ၏ ဝင်ငွေတိုးတက်စေရန် ဒေသ၊ ရေမြေ၊ ရာသီဥတုနှင့်ကိုက်ညီသည့် အရည်အသွေးကောင်း ဆီထွက်သီးနှံ မျိုးကောင်းမျိုးသစ်များနှင့် စိုက်ပျိုးနည်းစနစ်များရှာဖွေဖော်ထုတ်ရန် မျှော်မှန်းချက်ဖြင့် သုတေသနလုပ်ငန်းများ ဆောင်ရွက်လျက်ရှိရာ၊ မြေပဲသီးနှံသုတေသနဖြစ်သည့် မြေပဲမျိုးများ၏ မျိုးရိုးဗီဇနှင့် ပတ်ဝန်းကျင်တို့ အပြန်အလှန် တုံ့ပြန်မှုနှင့် အထွက်နှုန်းတည်ငြိမ်မှုကို လေ့လာခြင်း သုတေသနစမ်းသပ်ကွက်သည်လည်း တစ်ခုအပါအဝင် ဖြစ်သည်။

 

အဆိုပါသုတေသနသည် စမ်းသပ်သော ဒေသအသီးသီး (Environment) တွင် မြေပဲ မျိုးကွဲများ (Genotype) ၏ အထွက်နှုန်း ကောင်းမွန်ခြင်း၊ ဒေသကိုလိုက်၍ အထွက်အကောင်းဆုံးပေးနိုင်သော မျိုးများနှင့် ဒေသအားလုံးတွင် တည်ငြိမ်သည့် အထွက်ပေးစွမ်းနိုင်သော မြေပဲမျိုးများကို ရှာဖွေဖော်ထုတ်သွားရန် ရည်ရွယ်၍ အလားအလာကောင်းသော မြေပဲမျိုး (၁၁) မျိုးနှင့် ဒေသ စံထားမျိုး (၇) မျိုး၊ စုစုပေါင်း (၁၈) မျိုးအား ထပ်ပြုကြိမ် (၃) ကြိမ်နှင့် အာစီဘီ စမ်းသပ်ကွက်ဒီဇိုင်းပုံစံ အသုံးပြုကာ ရေဆင်း၊ တပ်ကုန်း၊ မကွေး၊ ညောင်ဦးနှင့် မြင်းခြံဒေသ (၅) ခု၌ စမ်းသပ် ဆောင်ရွက်ထားခြင်းဖြစ်ကာ၊ ဆီထွက်သီးနှံသုတေသနဌာနစု တာဝန်ခံ ဒေါက်တာခင်မျိုးဝင်းနှင့် သုတေသနလက်ထောက်-၂ ဖြစ်သူ ဒေါ်စိမ်းလဲ့မွန်တို့ ဦးဆောင်၍ သုတေသနပြု ဆောင်ရွက်နေခြင်းဖြစ်ကြောင်း သိရသည်။

အဆိုပါသုတေသန စမ်းသပ်ချက်မှ ဒေသအလိုက် မြေပဲစိုက်ပျိုးကြသည့် တောင်သူများအတွက် အထွက် အကောင်းဆုံးမျိုးများ၊ အထွက်တည်ငြိမ်သည့် မြေပဲမျိုးသစ်များ ဖော်ထုတ်ပေးနိုင်မည်ဖြစ်သောကြောင့် တောင်သူများအတွက် ဝင်ငွေတိုးတက်စေမည့်အပြင်၊ မြေပဲမျိုးများ၏ ဆီအရည်အသွေး၊ ဆီထွက်ရာခိုင်နှုန်း၊ ပရိုတင်းပါဝင်မှုနှင့် မြေပဲမျိုးများအား ရိတ်သိမ်းပြီးချိန်နှင့် သိုလှောင်ချိန်တွင် စားသုံးသူများ၏ ကျန်းမာရေးကို ထိခိုက်စေနိုင်သည့် အာဖလာတောင်စင် (Alfatoxin) အဆိပ်ထုတ်သည့် အက်စပါဂျီလက် (Aspergillus sp.) မှို ကျရောက်နိုင်မှုတို့အား စိုက်ပျိုးရေးသုတေသနဦးစီးဌာန လက်အောက်ရှိ (ISO 9001: 2015) အသိအမှတ်ပြု လက်မှတ်ရရှိထားသော ရေအသုံးချရေးသုတေသနဌာနစု ဓါတ်ခွဲခန်းနှင့် အပင်ရောဂါသုတေသနဌာနစု ဓါတ်ခွဲခန်းများတွင်အသီးသီး စစ်ဆေးသွားမည်ဖြစ်ရာ စားသုံးသူများအတွက် ဘေးကင်းလုံခြုံမှုရှိသည့် မြေပဲ မျိုးကောင်း မျိုးသန့် မျိုးသစ်များ ရှာဖွေဖော်ထုတ်ပေးနိုင်မည် ဖြစ်သည်။ ထို့အပြင် ဆီကြိတ်ဖတ်မှ ရရှိလာသည့် ပဲဖတ်များ၏ အရည်အသွေးများကိုလည်း စိုက်ပျိုးရေးသုတေသနဦးစီးဌာန လက်အောက်ရှိ စပါးဇီဝဥယျာဉ်သုတေသနဌာနစုနှင့် ပူးပေါင်းကာ သုတေသနပြု ဆောင်ရွက်သွားမည်ဖြစ်ရာ ကျွဲ၊ နွား တိရိစ္ဆာန်များအတွက်လည်း အရည်အသွေးပြည့်ဝသော ပဲဖတ်များရရှိနိုင်သည့် မြေပဲမျိုးသစ်များ ရရှိလာမည်ဖြစ်ပါသည်။

 

သို့ဖြစ်ပါ၍ တောင်သူများအတွက် အထွက်ကောင်း၊ အရည်အသွေးကောင်း၊ ဆီထွက်ကောင်းသည့် မြေပဲမျိုးများ ရရှိနိုင်ရုံမျှမက၊ ကျွဲ၊ နွားတိရိစ္ဆာန်များအတွက် အရည်အသွေးပြည့်ဝသည့် ပဲဖတ်များရရှိနိုင်မည့် မြေပဲမျိုးသစ်များ ရရှိနိုင်မည်ဖြစ်သောကြာင့် မြေပဲစိုက်တောင်သူများ ဝင်ငွေတိုးစေမည်ဖြစ်ကာ၊ စားသုံးသူများအတွက်လည်း ဘေးကင်းလုံခြုံစိတ်ချရသည့် အရည်အသွေးကောင်း မြေပဲနှင့် မြေပဲတန်ဖိုးမြှင့် ထုတ်ကုန်များ ရရှိလာနိုင်မည်ဖြစ်ကြောင်း စိုက်ပျိုးရေးသုတေသနဦးစီးဌာန က သိရှိရသည်။

စိုက်ပျိုးရေးဦးစီးဌာန


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်