ဂျုံ စိုက်ပျိုးခြင်း

ဂျုံသည် အရေးပါဆုံး ကောက်ပဲသီးနှံ များထဲမှ သီးနှံတစ်ခုဖြစ်ပါသည်။ ဂျုံတွင် အသားဓာတ်နှင့် ကာဗွန်ဟိုက်ဒရိတ်ဓာတ် များစွာ ပါဝင်နေပါသည်။ ဂျုံသီးနှံသည် ပြောင်းနှင့် စပါးပြီးလျှင် စိုက်ပျိုးထုတ်လုပ်မှု တတိယအများဆုံးသီးနှံဖြစ်ပါသည်။ ဂျုံ၏ မူရင်းဒေသမှာ တူရကီနိုင်ငံ အရှေ့တောင်ဘက်ပိုင်းရှိ တောင်တန်းဒေသများ ဖြစ်သည်ဟု သိရှိရပါသည်။ ဂျုံသီးနှံကို ယခုအခါတွင် ကမ္ဘာတစ်ဝန်း၌ စိုက်ပျိုး ထုတ်လုပ်နေကြပါသည်။ ဂျုံကို မြန်မာနိင်ငံတွင် ကျယ်ကျယ်ပြန့်ပြန့် စိုက်ပျိုးခြင်းမရှိပါ။ စစ်ကိုင်း၊ မန္တလေးနှင့် ရှမ်းပြည်နယ်တို့တွင် အနည်းငယ်စိုက်ပျိုးကြပါသည်။ အထွက်နှုန်းအားဖြင့် နည်းပြီး ပြည်တွင်းစားသုံးရန် အတွက်သာ ရရှိပါသည်။

မြေမျက်နှာသွင်ပြင်နှင့် ရာသီဥတု

ဂျုံပင်သည် ပင်လယ်ရေမျက်နှာပြင်အထက် ပေ ၁၀,၀၀၀ ရှိသော ဒေသများတွင် အများဆုံး စိုက်ပျိုးဖြစ်ထွန်းပါသည်။ နှစ်စဥ် မိုးရေချိန် ၁၀ လက်မ မှ ၄၀ လက်မ အတွင်း ရှိပြီး မြေဆီသြဇာ ကြွယ်ဝသော ဒေသများတွင် ကောင်းစွာ ဖြစ်ထွန်းပါသည်။ နွေရာသီတွင် စိုက်ပျိုးသော ဂျုံသီးနှံအတွက် အသင့်တော်ဆုံး အပူချိန်မှာ ၂၂ ဒီဂရီ စင်တီဂရိတ် မှ ၃၄ ဒီဂရီ စင်တီဂရိတ် အတွင်း ဖြစ်ပါသည်။ ဆောင်းရာသီတွင် စိုက်ပျိုးသော ဂျုံသီးနှံအတွက် အသင့်တော်ဆုံး အပူချိန်မှာ ၅ ဒီဂရီ စင်တီဂရိတ် မှ ၂၅ ဒီဂရီ စင်တီဂရိတ် အတွင်း ဖြစ်ပါသည်။ ဂျုံစိုက်ပျိုးရာတွင် အစေ့အဆန် ဖြည့်တင်းရန်အတွက် နေရောင်ခြည် အပြည့်အဝ ရရှိရန် လိုအပ်ပါသည်။

စိုက်ပျိုးသောနည်းများ

ဂျုံစိုက်ပျိုးရာတွင် ကြဲပက်စိုက်ပျိုးခြင်း၊ ထယ်ထိုးပြီး ချစိုက်ခြင်း၊ စိုက်ကြောင်းဆွဲ၍ မျိုးစေ့ချစိုက်ခြင်းနှင့် ဆူးထိုး စိုက်ပျိုးခြင်း စသည့်စိုက်ပျိုးနည်းများဖြင့် စိုက်ပျိုးကြပါသည်။

မြေအမျိုး အစား

နုန်းမြေအမျိူး အစားသည် ဂျုံစိုက်ပျိုးရန်အတွက် အသင့်တော်ဆုံး ဖြစ်ပါသည်။ ဂျုံစိုက်ပျိုးရန်အတွက် အသင့်တော်ဆုံး မြေချဥ်ငံ ကိန်းမှာ ၆.၄ ဖြစ်ပါသည်။ အေးသော ဒေသများတွင် ဂျုံစိုက်ပျိုးရန်အတွက် အသင့်တော်ဆုံး မြေချဥ်ငံ ကိန်းမှာ ၅.၅ မှ ၇.၅ အတွင်း ဖြစ်ပါသည်။

စိုက်ပျိုးခြင်းနှင့် အပင်ပြုစုခြင်း

ဂျုံစိုက်ပျိုးရန်အတွက် အသင့်တော်ဆုံး ကာလမှာ အောက်တိုဘာလ နှောင်းပိုင်းနှင့် နိုဝင်ဘာလ အစောပိုင်းဖြစ်ပါသည်။ မိုးရေ၏ အစိုဓာတ်ကို အမိအရ စိုက်ပျိုးပါက အောက်တိုဘာ ၁၅ မှ ၃၀ အတွင်း စိုက်ပျိုးနိုင်ပါသည်။ ရေသွင်းစိုက်ပျိုးပါက နိုဝင်ဘာ ၁ မှ ၁၅ အတွင်း စိုက်ပျိုးနိုင်ပါသည်။ မြန်မာနိုင်ငံရှိ တောင်သူများမှာ နိုဝင်ဘာ ၁၅ မှ ၃၀ အတွင်း စိုက်ပျိုးကြပါသည်။ မိုးရေ၏ အစိုဓာတ်ဖြင့် အမိအရ ဖမ်းကာ စိုက်လိုသော ဒေသများတွင် မြေအနက် ၃.၄ လက်မမှ ၄ လက်မအတွင်း စိုက်ပျိုးနိုင်ပါသည်။ ရေသွင်း စိုက်ပျိုးလိုသော ဒေသများတွင် မြေအနက် ၁.၃ လက်မ မှ ၂.၁ လက်မအတွင်း စိုက်ပျိုးနိုင်ပါသည်။ မိုးရေ၏ အစိုဓာတ်ဖြင့် စိုက်ပျိုးပါက မျိုးစေ့နှုန်းထား ၁ ဧကလျှင် ၁ တင်းခွဲ အသုံးပြုကြပြီး ရေသွင်း စိုက်ပျိုးပါက ၁ ဧကလျှင် ၂ တင်းအထိ အသုံးပြုကြပါသည်။ စိုက်ပျိုးပြီး ၂၅ ရက်သားတွင် တစ်ကြိမ်၊ ၄၅ ရက်သားတွင် တစ်ကြိမ်၊ ၆၀ ရက်သားတွင် တစ်ကြိမ် ရေသွင်းပေးရမည်ဖြစ်ပါသည်။ စိုက်ပျိုးပြီး ၂၅ ရက်သားနှင့် ၄၅ ရက်သားတို့တွင် ပေါင်းမြက်ကင်းရှင်းစေရန် အတွက် ကြားပေါင်းလိုက်ရမည် ဖြစ်ပါသည်။

မြေသြဇာကျွေးခြင်း

ဂျုံမစိုက်ပျိုးမီ ရက်သတ္တပတ် ၄ ပတ်မှ ၆ ပတ်ခန့်ကတည်းက ကြိုတင်၍ သဘာဝ မြေသြဇာများ ကို ထည့်သွင်းထားရမည် ဖြစ်ပါသည်။ ယူရီးယား မြေသြဇာကို ၁ ဧကလျှင် ၁ အိတ်နှုန်း အသုံးပြုရမည် ဖြစ်ပါသည်။ ယူရီးယား မြေသြဇာ၏ အိတ်ဝက် (သို့မဟုတ်) ၃ ပုံ ၂ ပုံအား စစိုက်ချိန် ကတည်းက ထည့်သွင်းနိုင်ပါသည်။ ကျန်တစ်ဝက် (သို့မဟုတ်) ၃ ပုံ ၁ ပုံအား ပထမဆုံးအကြိမ် ရေသွင်းချိန်၌ ထည့်သွင်းရမည် ဖြစ်ပါသည်။ တီစူပါနှင့် ပိုတက်မြေသြဇာ များကို သီးနှံစစိုက်သည့် အချိန်ကတည်းက ထည့်သွင်းနိုင်ပါသည်။

ပိုးမွှားနှင့် ရောဂါ

ဂျုံပင်တွင် ကျရောက်ဖျက်စီး လေ့ရှိသော အဖျက်ပိုးများမှာ ပျ၊ ငမြောင်တောင်၊ ခြ စသည်တို့ဖြစ်ပြီး ရောဂါများ အနေဖြင့် သံချေးရောဂါနှင့် ကြပ်ခိုးမှိုရောဂါများ ကျရောက် လေ့ရှိပါသည်။ ဖော်ပြပါ ပိုး၊ ရောဂါများအတွက် ရောဂါဒဏ်ခံနိုင်ရည်ရှိသော မျိုးများဖြင့် အစားထိုး စိုက်ပျိုးခြင်း၊ ပင်လုံးပြန့် ပိုးသတ်ဆေး၊ ထိသေစားသေ ပိုးသတ်ဆေးများနှင့် ဖျူဒါတန် ကဲ့သို့ မြေအောင်း ပိုးသတ်ဆေးများဖြင့် ကာကွယ် နှိမ်နင်းနိင်ပါသည်။

ရိတ်သိမ်းခြင်း

ဂျုံပင်၏ ရိုးတံနှင့် အနှံများ အဝါရောင်ပြောင်းချိန် (သို့မဟုတ်) စိုက်ပြီး ရက် ၉၀ မှ ၁၁၅ ရက်သားခန့် ရောက်လျှင် ရိတ်သိမ်းနိုင်ပြီ ဖြစ်ပါသည်။ အနှံအားလုံး ၈၀ ရာခိုင်နှုန်းရင့်မှည့် ချိန်တွင် ရိတ်သိမ်းနိုင်ပြီ ဖြစ်ပါသည်။

ဇင်ထူးနိုင်

ကိုးကားချက်

https://en.wikipedia.org/wiki/Food_grain

http://agron-www.agron.iastate.edu/Courses/agron212/Readings/Oat_wheat_history.htm

https://www.britannica.com/topic/cereal-farming#ref558516

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...